12

قصتي مع الهيئة؟؟؟؟

اجمل نكت مضحكة - اضحك على سوالف الشباب والبنات
  • ارسال إلى Twitter
  • ارسال إلى facebook
  • ارسال إلى google plus
    1. أنا طير من طيور الأحلام
      07-03-2008, 12:45 AM

      قصتي مع الهيئة؟؟؟؟

      قصتي مع الهيئة؟؟؟؟


      بسم الله الرحمن الرحيم اما بعد<*****<قلبها خطبة الجمعه الحبيب


      عندي لكم سالوفه منسدحه ومنبطحه وماخذه راحتها كنها قاعده في ملحق بيتهم.. الي يشوووفها من بعيد يحسبها حووت منتحر
      <---- تحسون انه فلها في المقدمه

      الحاصل يا قووم هذا في احد الايام الي لو اني قضيتها نايم كان اصرف (وياكثر هالايام)
      كنت جالس العب بليستشن في الملحق وعايش في عالم ثاني واللعبه صعبه جدا (ترا يلعب كراش) وانا منهمك فيها مادريت الا اختي الصغيره داخله علي تقول الا انت ترا من زمان ماشريت لي شي!!
      <---- مشكله الوحده لين صارت صغيره واخوانها الكبار مدلعينها.
      عاد انا ترا من بد اخواني ما اعطي البزران وجه ولا ادري وش اسم البزر لين يصير عمره 7سنين بس هذي مدري وش الله رماها عندي وبالصدفه وركزو مع كلمه بالصدفه كان جوي اووكي
      قلت وش تبين اشتري لك؟
      قالت فيه دب انا شايفته في محل العاب في سووق طيبه رح جبه لي
      (راصعتني بابتسامه وهي تطلب)
      قلت يكوون خير قالت بس ابي الزهري مو اي لوون!!
      حسيت ان البنت طموحه بس مشيت الوضع قلت اوكي... المهم طلعت بالسياره وقلت يا ولد يا سلطان
      تلبية الطفل اجر كبير عند الله؟ رح جب لختك دبدووب وش تسوى عليها ضعيفه؟ وماحدها عليك الا الظروف والحظ الردي ولا انت من الي بيتهور ويجي عندك هههههههههههههههههههههههههاي

      والله وارووح لسووق طيبه وادخل المحل الي هي تقووول واقعد ادور هالشي الي اسمه دبدووب... واروح عند راعي المحل قلت بالله عندك دبدووب زهري ؟
      <---- ترا يحسب اسم اللعبه دبدوب زهري ..زي كلمه سياره سباق
      قال راعي المحل ايه موجود!! ويوديني عند دوولاب فيه حول 600 دب كن ربي ماخلق من الحيوانات الا الدب.
      انا يوم شفت الوضع كذا بغيت اطلع من المحل من ضيقه الصدر.. قلت هذي يوم تستوردونها جايبينها في طياره لحالها؟ والدب الكبير مركبينه جنب السواق ؟ <---- هايلوكس مو طياره
      قال المهم اختر الي تبي.. قلت الظاهر العيد الجاي بيصنعون الفنايل من خياش!
      قال ليه؟ قلت خلص القطن الي بالعالم على حشو هالخرابيط حسبي الله عليكم.
      والله واقعد احك مخي بقووه لين بديت احس فيه ريحه شي يحترق من زود التفكير ابي اشوف اختي أي واحد تبي .. وافي النهايه اختصرت الموضوع واخذت واحد وجيت عنده وحاسبت وطلعت
      و ترا حاسبت لاتقوولون سرقته .. صح سرقت ميداليه بس انا حسيت ان سعر الدب مبالغ فيه قلت خل اعوض..
      واقعد اتفكر في هالدب الي معي واقول وش هالدب المعووق والله بتجلدني اختي وراخشمه كذا؟ وارفعه وانزله واتمقل فيه.. ماش ماجازلي الوضع .. قلت بنقول انه دب خشمه وارم ولا فيه تشوه خلقي وصار خشمه رجل .. بس المشكله وش بها اذانيه كنها مخدات كنب؟ وافكر وافكر وبعد ساعتين اكتشفت انه فيل مهوب دب
      الحاصل اثر وانا ارفع وانزل واناظر في الدب وانا طالع لموتري فيه شي يأشر لي ويتميلح و شافوني مطاوعه الهيئه..
      مادريت الا هالي ناقز بوجهي قال هيه يا الحبيب وين رايح؟
      قلت لسيارتي.. قال على البركه الهديه!! واناظر فيه واضحك قلت الله يبارك بك عقبالك
      <----- يقالي ذوق
      قال البنت السمرا الي هناك معك .. ما امداني اجاوب الا ساحبيني وحاطيني عندها.. قلت وش بنت؟ قال هالي قدامك.. ويخش المطوع بعينها يقول وش بينك انتي وياه؟ قالت مدري عنه يأشرلي بالدبدووب ويتحرش فيني.
      <---- الله يقطعها بنت التسلب
      واناظر في المطوع وعيوني خاليه من أي تعبير خلقه ربي.. قلت من جدك انت ولا تستهبل
      قال كبرك انا امزح معك؟ قلت وش الي اتحررررررش بهالشي ياخوي روووق بس
      قالت ليه حبيبي وش فيني؟ قلت ياشيخه وخري انت وصدرك الي كنه مركا بالعرض.. قالت اشهد ياشيخ يغازلني عيني عينك.. قال المطووع وش تقوول انت؟ قلت وش الي اغازلك انت وبرطمك الي يبيله شهاده ميلاد لحاله قوومي لا اسدحك بكف.
      قال المطوع لا تتكلم على البنت؟ قلت هيه انت رووق انت ولحيتك الي تقول اصابع تأشر في جميع التجاهات لا تلعب في مشاعر هالشي نتوهق بعدين
      قال وشلون العب بمشاعرها؟ قلت لاتهمش رجولتها ياخي هي وهالوجه الي تقول خبزه ما اكتمل تكوينها.
      قالت ينعتني بالمسترجله يا شيخ! هذا قذف! قلت وش الي انعتك؟ هذا مدح في ذمتي.. خصوصا انتي المنطقه الي بين خشمك وبرطمك وسيعه ويبيلها شي يعبي الفراغ عشان يضبط ديكور الوجه وانا اقترح شنب .. او مرجيحه.

      قال المطوع يعني انتي تشتكين عليه؟ قالت ايه.. قلت وش الي تشتكي ؟ هذي لو ارقمها المفروض تصافحني وتقولي بارك الله فيك.. لاني رفعت معنوياتها.. هذي مايرقمها الا واحد توه طالع مع نانسي عجرم وجاي يكفر عن معاصيه
      وخر بالله انت وياها ترا بديت امل منك ..
      وهذا كان اخر شي اتذكره وبعدها لقيت نفسي في الجمس ومحاصريني المطاوعه لدرجه اني يوم شفتهم قلت الله اكبر <----- يحسب انه في غزوه
      ودبدووبي في حضني وهذا اهم شي.. واناظر الدب واقول في نفسي هذا الي يسوي نفسه حنين ياكل تبن في الاخير.
      <---- لايزال مصمم انه دب وليس فيل
      المهم وصلنا للمركز ونزلوني وهم يناظروني بحقد تقول انهم ماسكين يهودي طاقيته فوق راسه كنها نص ريال.
      دخل المطوع الي ماسكني ودخلت انا عقبه بشوي...
      يوم دخلت ولاهو رامي الشماغ ويلتفت علي قال وش اسمك انت؟ وطالع وانا مرتاع قلت بسم الله يحكي؟
      قال وش الي يحكي؟ قلت مو انت رمز (فرزاتشي)؟قال وش تقول انت؟ قلت لا ابد معليه شفت وجهك غاطس بهالشعر كنك تطل مع كفر.. حسبتك رمز حق ماركه.
      قال مشالله عليك تنكت بعد!! اخلص عطنا اسمك
      المهم واعطيه اسمي ومعلوماتي حتى ايميلي بغيت اعطيه اياه ..قال ماتستحي تغازل؟ قلت يامسلم هذي لو اغازلها اخذ اجر!!! وش اغازل فيها الله يصلحك؟
      هذي في الاحوال المدنيه مسجلين لها في خانت الجنس : مجهول
      وزود على هم اليالي غدا الويل ببلاش يعني فووق هذا دبا وسمرا!! حط على بطنها صوره نار واكتب عليها من فوق فحم بحريني فاخر.
      قال يعني اعتراضك على البنت ولا انت المغازل عادي عندك؟ قلت والله على حسب اذا هي تبي رقمناها غير كذا مانيب ملاحقها لو انها توم كروز
      <----- يسمع بالتشبيه
      قال والله تعجبني صراحتك..قلت وانا عاجبتني كفرات الجمس الي برا .. اذا ماتبيها قل لهالباكستاني الي جالس يحملها في موتري.
      عقب هالكلمه صافحني المطوع بلكمه ماصحيت الا انا في السجن حقهم .
      واقووم اتلفت واشوف واحد قاعد بالزاويه يطالع فيني ويضحك وشكله من ابو شماغ كنه سنبووسه وتشم ريحه المريتو من على بعد 100 متر والساعه لو إنها اكبر شوي كان علقناها بالجدار.. والثووب ضيييق مايدخل فيه ابره زياده كنه بدله غوووص.. ولو بحلف ان موتره كرسيدا .. مغير يعنني.
      واناظر في الزاويه الثانيه والقا الدب الزهري (هذا اهم شي)
      وانا في حيرتي مادريت الا تكلم هالي معي وقال والله انك كفووو
      قلت هذا وانا مغمي علي تقوول كفوو اجل لو اني صاحي كان حررنا القدس !!
      قال والله انك خبل.. احد يقول لرئيس الهيئه باكستاني؟
      قلت ايووووووه .. هو ذاك رئيس الهيئه؟ عزالله رحنا ملح...غز الله بيلفقون لي تهمه حكم الاعدام فيها يعتبر حكم مخفف
      توهقنا...
      قلت لازم ارقع الموضوع وبسرعه.. واقوم انادي : يا قوووتيبه... يا أبا مووووعاذ
      <----- يذكر انهم يحبوون هالحتسي
      المهم جاني واحد قال وش تبي؟ قلت بعد اذنك ودنا نكلم رئيس الهيئه .. قال من انتم؟ قلت انا والدبدووب (الدبدوب معي معي الله لايعوق بشر) قال اصبر نسأله.. من كلمته ذي حسيت اني في فلم مصري وحركه السكرتيره تدخل على مديرها تقول فيه واحد يبيك ويقول صرفيه.. وتطلع تقول
      مش موقوود.. يعني والله لو ان الي برا حمار مامشت عليه هالحركه لو قال مانيب مقابلك اصرف.

      قلت في هذه البرهه خل اشوف وش وضع هالكائن الي معي.. واخش بعينه قلت واخبارك انت ؟ قال الحمد لله تمام ويكلمني وهو مبتسم مدري مكتووب على وجهي نكته ولاقالو له قبل لا يجيبوني بنجيب لك واحد مسخره او مدري وش السالفه.. المهم قلت وش ماسكينك عليه انت؟ قال ابد والله كنت ابي ادخل المملكه ولا دخلوني ودخلت غصب ( طبعا يكلمني بصووت غليض يعنني) قلت اها يعني انت مو سعودي؟ والله اني قلت من يوم شفتك خياط يماني.. قال وش الي مو سعودي احترم نفسك.
      قلت مو تقول بدخل المملكه غصب؟ قال السووق سوق المملكه.. قلت اخس يا العص اليابس منتب هين والله.. من حلايا هالوجه الطويل الي ناقصه ست كراسي ويصير طاوله طعام تبي المملكه بعد؟
      قال ازين من وجهك ويكفيني ثقتي بنفسي.. قلت والله مامدحك الا امك وتحسفت عقبها ..وش الي ثقه؟
      جايني بعيونك الي تقول نقطتين في صفحه فاضيه.. وهالخشم المنسلت كنه خبزه صامولي مغطوطه في شاهي وتبي ترقم وتتميلح.
      اقول وخر حشرتني بريحه هالمريتو .. وثاني مره لين جيت تلبس كندره البس شراب لاتسويلي فيها بيتر خوي هايدي.. قال لا هذي موديلاها كذا .. شاريها ب 800 ريال
      تتسذب انت وذا الوجه هذي المفرووض تعلقها بأذنك
      قال ليه انت بكم تشتري جزماتك؟ قلت لين صار اسم ابوي الراجحي واسم امي سامبا اشتريت ب800
      وفي هذه الاثناء جاني قووتيبه مدري جحدر ..المهم انه الي راح يسأل.. قال تعال انت يبيك المدير.
      يوم قال مدير انا خجني بطني وذكرت ايام المدرسه.. واقعد اعضعض ظفوري لا يشوفهن طويله واوزي شعري تحت الطاقيه واطلع طرف القلم من مخباي يقالي مجتهد.

      وصلت عنده وسلمت وانا وجهي يملاه الخشووع (سبحان الله) قلت يا شيخ بالله بسالك انت مقتنع بالكلام الي قالو لك عني؟
      ترا انا انسان جدأ رائع واقتصادي (دعايه فيري) قال اسمع يا انت .. الي اعرفه انك قليل ادب ولاتحترم احد و...الخ ( الصراحه احس انه حلل شخصيتي )
      يوم خلص واعطيه مقفاي واطلع.. قال وين؟ قلت بروح اصلي.. ولا حرام؟
      <---- الشي الوحيد الي مايقدر المطوع يقول فيه لا
      قال وش صلاته؟ قلت صلاة استخاره؟ قال استخاره في ايش؟ قلت وش لقفك انت؟ استعينو على قضاء حوائجكم بالكتمان والا؟
      <---- حجر له
      قال طيب.. واطلع من عنده ويجيني واحد يدلني على دوره المياه ومغير اهووجس كيف بطلع من هالمقلب.. قلت امسك دبدوبي لين اتوضى (ملاحظه:الدب معه في كل الحوار) واجيهم عقب ماصليت استخاره حول 120 ركعه ابي اضيع وقت مابقى شي ما استخرت به
      قلت اسمعوا خل نحل الوضع الحين وش المطلووب؟ قالو لازم نحول اوراقك على الاماره.. قلت اوكي بس ابي الامير سلمان يشووف البنت الي انا متهم بترقيمها.. شرط ان شافها بيرسلني بعثه على حسابه اكمل دراستي كنوع من المكافئه.
      قالو طيب فسر لنا وش سالفه الفيل الزهري الي معك من يوم انت في السووق وفي كل مكان تاخذه.. قلت لو سمحت هذا دبدوب.. قال ليه شكله شكله كذا طيب؟ قلت عنده ظروف مو شغلك انت!!
      وبعدين بالله هذا الي عالكم ومشقيكم كان سألتو طيب؟
      والله واكب العشا من طق طق الى ظف وجهك.. قلو تحلف على هالكلام .. قلت جاك الفرج قصدي ايه احلف

      يخوي دقو على بيتنا وكلمو اختي الصغيره قولو لها سلطان وين راح وهي بتقول لكم.
      قالو مدري ليه حسيناك صادق هالمره .. يوم قالو كذا قعدت اطالع وجهي في المرايه عشان احفظ تعابير وجهي اذا انكفشت مره ثانيه اعيد نفس التعبير ويطلعوني
      ههههههههههههههههههههههههههههههاي

      وبعد جهد جهيد وصلت البيت وماسك الدب مع خرطومه (الي الان مصمم انه دب وليس فيل) وانسفه في وجه اختي ..قلت خذي ولاعاد تطلبيني شي الله ابوووك والله لو اني جايبك وناسيك تفهمين ولالا؟
      ولا تدرين هاتيه مافيه دب انتي وراسك وباخذه اتبرع به برسله لأيتام اليهود ولا تاخذينه انتي
      <----- عصب
      وفي النهايه نصيحه مني لكل من ياخذه بالبزران رأفه ورحمه ان اول الرقص حنجله ومن يتبع بزر يروح في داهيه


      هذا والله الهادي الي سواء السبيل
      250*300 Second
    2. ღ ShOoOog ღ
      07-03-2008, 02:14 AM

      قصتي مع الهيئة؟؟؟؟


      ههههههههههههههههههههههههههههههه
      هههههههههههههههههههههههههههه
      هههههههههههههههههههههههه
      هههههههههههههههههههه
      هههههههههههههههه
      هههههههههههه
      هههههههه
      ههههه
      ههه
      هه
      ه


      والله ياهي قصه خطيييييييييييييييييييييره بصراحه زين انه عدت على خير

      ويعطيك الف عافيه وصح لسانك ان من يتبع بزر يروح في داهيه

      ولك تحياتي واحتراماتي
    3. ! ! عيون العرب ! !
      07-03-2008, 09:52 AM

      قصتي مع الهيئة؟؟؟؟


      هههههههههههههههههههههههههههههههههههههههههههههههههههههههههههههههههه



      قصة جدا مميزة الله يعطيك العافية
    4. أنا طير من طيور الأحلام
      07-03-2008, 02:42 PM

      قصتي مع الهيئة؟؟؟؟


      المشاركة الأصلية كتبت بواسطة انا القمر موتوا قهر
      ههههههههههههههههههههههههههههههه
      هههههههههههههههههههههههههههه
      هههههههههههههههههههههههه
      هههههههههههههههههههه
      هههههههههههههههه
      هههههههههههه
      هههههههه
      ههههه
      ههه
      هه
      ه


      والله ياهي قصه خطيييييييييييييييييييييره بصراحه زين انه عدت على خير

      ويعطيك الف عافيه وصح لسانك ان من يتبع بزر يروح في داهيه

      ولك تحياتي واحتراماتي

      اسعدني مرورك
    5. أنا طير من طيور الأحلام
      07-03-2008, 02:44 PM

      قصتي مع الهيئة؟؟؟؟


      المشاركة الأصلية كتبت بواسطة عيون العرب
      هههههههههههههههههههههههههههههههههههههههههههههههههههههههههههههههههه



      قصة جدا مميزة الله يعطيك العافية
      مشكووووووووور
    6. لمسة حنين
      07-03-2008, 05:43 PM

      قصتي مع الهيئة؟؟؟؟


      اههههها
      الحكايه رهيبه وكله كوم وقووتيبه وابا معاذ كوم
      خخخخخخخخ
      عشان تاني مره قبل ماتقلك اختك تجبلها شي الا وانت جايبلها ياه قبل ماتطلبه
      وتعيش وتاكل غيرها
      ههههههههههههههههههههههه
    7. أنا طير من طيور الأحلام
      09-03-2008, 02:59 AM

      قصتي مع الهيئة؟؟؟؟


      --------------------------------------------------------------------------------

      اههههها
      الحكايه رهيبه وكله كوم وقووتيبه وابا معاذ كوم
      خخخخخخخخ
      عشان تاني مره قبل ماتقلك اختك تجبلها شي الا وانت جايبلها ياه قبل ماتطلبه
      وتعيش وتاكل غيرها
      ههههههههههههههههههههههه

      مشكوووووووورة على مروووووووورك
    8. ناصر القحطاني
      09-03-2008, 07:29 AM

      قصتي مع الهيئة؟؟؟؟


      الله يعطيك العافيه
      ولك تحياتي واحترامي
    9. أنا طير من طيور الأحلام
      10-03-2008, 01:31 PM

      قصتي مع الهيئة؟؟؟؟


      --------------------------------------------------------------------------------

      الله يعطيك العافيه
      ولك تحياتي واحترامي

      مشكور علىمروووووورك
    10. ][ بكيفي ][
      10-03-2008, 02:47 PM

      قصتي مع الهيئة؟؟؟؟


      هههههههههههههههه


      يعطيك العافية
    12