لو قلت مرتاح

الشعر, قصيدة , شعراء, القصايد ارسال إلى Twitter ارسال إلى facebook
  1. سلطان الغرام
    21-02-2008, 12:15 AM

    لو قلت مرتاح

    لو قلت مرتاح


    لو قلت مرتاح مانفسي بمرتاحه
    غير التعب في غيابه ماني بلاقي

    من عام الاول وقلبي تنزف اجراحه
    ضاقت على الوسيعه والفضا ضاقي

    لا بال مرتاح لا فرحه ولا راحه
    كم لي سنه وانتظر غيبات سراقي

    ارجيه عقب البطا لو طال مرواحه
    كانه على هقوتي ماخان ميثاقي

    قلبن يذوق الهوى من يكبح اجماحه
    خلوه يرتاح دامه بالهوى شاقي

    اضحك وقلبي مع اللي عجة ارياحه
    لا قلت ياقلب طالت قال وش باقي

    اللي عيونه وساع سود ذباحه
    ازريت اداري غلاه بخافي اوراقي

    ساكت وعيني ولو ماقلت فضاحه
    حتى القصايد تخون وتفضح اشواقي

    لو ما بغيت الهوى صابتني ارماحه
    ماجاه دون اللحم ساتر ولا واقي

    مثل البحر كم غرق به ناس سباحه
    تضيع مع قو موجه هقوة الهاقي

    خبري بقلبه صدوق الشوق يجتاحه
    عندي خبر فيه مايقوى على فراقي

    اتعب وغيري يجي وياخذ على الراحه
    من حظ غيري وانا اللي زارع وساقي

    الشاعر/ متعب التركي

    منقولة
  2. *مزون شمر*
    22-02-2008, 11:31 AM

    لو قلت مرتاح


    صح السان الشاعر
    ويسلموو عالنقل
  3. MaLeK-3l -Ard
    22-02-2008, 01:36 PM

    لو قلت مرتاح


    يسلموووووووو على الكلمات سلطان الغرام ويعطيك العافيه

    تقبل مرورى ميرنا
  4. همي احبك
    22-02-2008, 02:48 PM

    لو قلت مرتاح


    لو قلت مرتاح




    يعطيك العافية ياقلبي ويارب لا يحرمنا منك
  5. الأصيل
    22-02-2008, 04:49 PM

    لو قلت مرتاح


    سلطان الغرام
    نقل رائع وذووق ارووووع
    يعطيك العافيه يالغلا