قصيدة ما هو عشان يقال مطلق - مطلق النومسي

ديوان الشاعر مطلق النومسي
  • ارسال إلى Twitter
  • ارسال إلى facebook
  • ارسال إلى google plus
    1. ***دندونه HANAA***
      15-02-2008, 06:59 PM

      قصيدة ما هو عشان يقال مطلق - مطلق النومسي

      قصيدة ما هو عشان يقال مطلق - مطلق النومسي


      قصيده للشاعرمطلق النومسي دعم ومؤازره لأخيه الشاعر خلف المشعان



      ما هو عشان يقال مطلق قال من عرض القصيد
      ولا هو عشان الفشخرة والجعجعة وماورا
      ولا هو عشان اشوف ضحكة زيد وخية عبيد
      ولا هو عشان ادخل بلعبة بيع والا مشترا
      الا عشان الدم والنخوات والعهد السديد
      ادروبها واللي درا يعلم اللي مادرا
      ابوي رباني على الفزعة وانا توي وليد
      يقول ابن عمك ذراك وصر لبن عمك ذرا
      واليوم يالويلان خلونا نتكاتف من جديد
      لو ان جرح قلوبنا توه جديد ومابرا
      لعيون ابو موسى نبي نضرب بكف من حديد
      وحنا بضرب القوم معنا عرف طيب وخبرا
      نبي نزلزل شاطئ الراحة وداره من بعيد
      ونخلي العالم ورا ورا ورا ورا ورا
      حنا هل البيرق وبيت الحرب والصيت المجيد
      اقولها والعين تنظر فوق والصوت جهرا
      قوموا عسا يفداكم الرعديد ابو عقل بليد
      هذي مداحم روس ماهي بس لجنة وشعرا
      يوم انها بمصادم الفرسان ما عشنا عبيد
      عشنا ملوك وفرق ما بين الثريا والثرا
      والحين بس رسالة الجوال والمبلغ زهيد
      ليا التزم كل عنزي والدم بعروقه جرا
      وانا ادري ان عيال وايل ذخر لليوم الشديد
      ابشر بعزك يا خلف مشعان وعيونك ترا
      شوف عنزه لجلك لها شهرين عيت لاتهيد
      وتقول حنا معك بين النصر والموت اخشرا
      فلا تضايق لا عدمتك واشعل الساحة قصيد
      اترك لنا التصويت والجوال ما يمسك سرا
      وانا خويك محزمك درعك عضيدك يالعضيد
      ما غيب عنك وتدري ان مطلق خلي من المرا
      ذي لحيتي لعيون نوت وشاربي موسه بعيد
      واللحيه اللي ما تعزا اشنابها
    2. سميا
      17-04-2009, 05:29 PM

      قصيدة ما هو عشان يقال مطلق - مطلق النومسي


      ابيات رائعه
    3. أروى
      18-07-2009, 10:08 PM

      قصيدة ما هو عشان يقال مطلق - مطلق النومسي


      صح لسانك
    4. AnKsaR
      15-02-2010, 10:40 AM

      قصيدة ما هو عشان يقال مطلق - مطلق النومسي


      صح ذوقك وصح لسان صاحبها

      تقبلي مروري
    5. hanadi
      19-07-2012, 06:15 PM

      رد: قصيدة ما هو عشان يقال مطلق - مطلق النومسي

      قصيدة ما هو عشان يقال مطلق - مطلق النومسي


      روعة ابياتك رائعة تسلم عمو
    6. المريسي
      09-09-2015, 03:29 PM

      رد: قصيدة ما هو عشان يقال مطلق - مطلق النومسي

      قصيدة ما هو عشان يقال مطلق - مطلق النومسي


      شكرا عالكلمات

      تحياتي