قصيدة هال ماطال - بندر بن سرور

ديوان الشاعر بندر بن سرور
  • ارسال إلى Twitter
  • ارسال إلى facebook
  • ارسال إلى google plus
    1. *مزون شمر*
      11-02-2008, 02:27 PM

      قصيدة هال ماطال - بندر بن سرور

      قصيدة هال ماطال - بندر بن سرور


      عز الله انه هال ما طال ياسعيد
      زل الشهر والوقت طوال بديده

      اللي من اول للخلايق مواسيد
      اسقي غرير الهم لو يستفيده

      قم يا رشيد الحق واقول يا رشيد
      الله عليك انت من ايا بديده

      اما البديده منك عند المواعيد
      ولا همومك من حياتك زهيده

      ابستفيدك كان جربت افيد
      تنام واسمك حول الاسمر رشيده

      لي قصة يشهد بها راضع الديد
      يعدهاغيب السراب الطريده

      طويلة عريضة با لتماجيد
      يفرح بها الطيب فعول مجيده

      طويلة عريضة بالمناقيد
      يفرح بها النمام شين العقيده

      جار الزمان وعاونوه الحواقيد
      اللي لهم من قبل ذلك حقيده

      يا رشيد يوم اتعبتني بالتناشيد
      خذلك من الدرويش زبدة قصيده

      واليا ذكتر الله وكثرت تمجيد
      ترى محمد صفوة الخلق سيده

      ترىابرك الحزات يوم صدف عيد
      جمعة اسبوع وصادفت يوم عيده
      أذكر لك الأجواد صد وصواميد
      وانذال لاصدوا ولا من صميده

      واذكرلك اقشر ماعلىالسيد والبيد
      اللي طمع بنت القصير الحديده

      فضحة قصيره عنده انه اكسب فيد
      سوالف بها للناس خطو البليده

      سولف بجرح سال جرحه تضاميد
      زود لجرح الجرح ينزف صديده

      من لا ستر خلات غرات اجاويد
      هذاك نقال الخبيثات بيده

      وليا وطاك اللي وطاني تراديد
      رد السؤال ولا تحير بريده

      وانا الذي قد مرني سلك تنجيد
      خدمت به عدة سنين مديده

      مرحول هم وكل شي له احيد
      احيد زين وشين والهم احيده

      اسمع صريرالقلب بين الحواديد
      حدنه الضلاع واسمع رديده

      والله مأهني قاضي العمرترغيد
      ابن اللئيم اللي حياته رغيده

      اهني الكلب الحجل بالمراقيد
      وضب الخلا لوكان يا كل رديده
      250*300 Second
    2. سميا
      16-04-2009, 09:03 AM

      قصيدة هال ماطال - بندر بن سرور


      ابيات رائعه جدا يسلموووووووووووووووووو
    3. بنووووته كيوت
      01-05-2009, 05:07 PM

      قصيدة هال ماطال - بندر بن سرور


      يسلموووووووووووووووووووووووو
    4. أروى
      10-06-2009, 02:37 PM

      قصيدة هال ماطال - بندر بن سرور


      روووووووووووووووووعه
    5. طير القوافي
      02-08-2010, 10:42 PM

      قصيدة هال ماطال - بندر بن سرور


      جار الزمان وعاونوه الحواقيد
      اللي لهم من قبل ذلك حقيده

      يا رشيد يوم اتعبتني بالتناشيد
      خذلك من الدرويش زبدة قصيده


      صح لسانه
      والله يغفر له
    6. ᵽ¡ҋʞ ║•
      31-07-2011, 08:30 PM

      رد: هال ماطال - بندر بن سرور

      قصيدة هال ماطال - بندر بن سرور


      يعطيك العافيةة خيتو ع النقل الحلو ‘

      تقبلي مروري

      دمتي بخير :) *