12

بحبك بحبك بحبك يا مصر

المواضيع الأدبية التي لا تندرج ضمن باقي الأقسام ارسال إلى Twitter ارسال إلى facebook
  1. T I T O
    07-02-2008, 02:50 PM

    بحبك بحبك بحبك يا مصر

    بحبك بحبك بحبك يا مصر


    بحبك بحبك
    بحبك بحبك
    بحبك بحبك بحبك
    يا مصر
    مسايا و صباحى
    أسبح بحبك
    و حبك شفايا و جراحى يا مصر
    و اسافر بحبك
    و اميل زى ميلك
    وتحلا الخطاوى
    فى حبك يا مصر
    واحب اغترابى
    فى صبحك و ليلك
    و احب الونس بالرفاقه
    يا مصر
    ***
    تنام الدموع فى العيون الهواجع
    و تسهر دموعى
    فى حبك يا مصر
    تهون السجون
    و الشجون
    و المواجع
    و يغلا مع القهر حبك
    يا مصر
    ولو يحبسونى
    ولو يشنقونى
    ولو فكروا بالعذاب
    يبعدونى
    ح أقرب و أقرب
    ومش ممكن أهرب
    و تنزل دموعى على خدودى
    تشرب
    تلاقى الرموش و الخدود و المباسم
    مراسم
    و صورتك عليهم يا مصر
    بحبك بحبك
    بحبك يا مصر




    ******


    بس ايه هيه مصر اللى بنعشقها أوى كده مصر الارض ولا الناس مصر اسكندريه و بحر اسكندريه ولا مصر الصيادين و المراكبيه مصر أسوان و طيبة أهل اسوان ولا مصر بنت سمرا بضفيرتين من النوبه ولا مصر الصعيد و حدة ملامح الصعايدة و لا مصر الثأر ولا الجدعنه ولا مصر الفلاحه و الفلاح اللى يوماتى يصحوا مع اول نور يشقشق عشان يخضروا البساتين ولامصر الجيرة والصحوبيه ولا مصر رمضان و فوانيس رمضان و لمة العيلة عالفطار ولا مصر المسحراتى و معاه طبلته ولا كحك العيد و البومب و الصواريخ ولا مولد السيدة ومولد سيدنا الحسين ولا سينا و ولادنا اللى واقفين عالحدود لأجل يحموا بلدنا من الصهاينه و الأمريكان ولا مصر هي الشباب عالنواصى و البنات فى البلكونات ولا مصر البنت الدلوعه ولا حمالة الأسيه ولا عيال نايمين فى الشوارع ولا مصر الغيطان و نور الشمس يبرق عليها زى الدهب ولا مصر النيل عليه العشاق متجمعين ولا مصر الصحرا محتاجه لتعمير بادين شبابهاللى عشانها ياما ضحوا كتير ولا مصر القاهرة و الزحمه و الأتوبيسات عامله قافله فى الميادين ولا مصر الفراعنه ولا مين؟؟؟؟؟؟؟؟؟؟؟؟
    بس الأكيد ان مصر مش هى اللى بتغرق عبارات ولا هى اللى بتقلب قطارات ولا هى اللى بتحرق مستشفيات بالأطفال ولا هى التوريث ولا هى الحراميه اللى ناهبين قوت الناس و هربانين و فى منهم اللى لسه قاعدين ينهبوا فينا أكتر وأكتر و أكيد ان مصر مش هى الكبار اللى مش هممهم غير مصالحهم و سايبين الشعب يولع
    ولا مين هى مصر؟؟؟؟؟؟؟؟؟؟؟؟؟؟
  2. عروس النيل
    07-02-2008, 04:25 PM

    بحبك بحبك بحبك يا مصر


    اللى بنى مصر كان فى الأصل حلوا نى...علشان كده طلعت مصر حلوة الحلوين


    مصر هى أمى نيلها هو دمى شمسها فى سمارى وشكلها فى ملمحى


    اخى مهما نكتب ومهما نعبر فلا نوفى مصر حقها


    الف شكر لك


    عروس النيل المصريه
  3. T I T O
    07-02-2008, 05:34 PM

    بحبك بحبك بحبك يا مصر


    اختى عروس النيل
    تعرفى مصر عامله زى ايه ؟
    زى الصحة بالظبط مايحسش بقيمتها غير المريض

    ومصر كده بنحبها وندوب في هواها ونتغاظ منها ونشتمها واحنا معاها
    لكن لما نبعد يانهاري
    تبقي اسمها بس بيرد الروح
    بحبك يامصر

    وتسلمى على المرور اختى الفاضلة
  4. عروس النيل
    07-02-2008, 06:16 PM

    بحبك بحبك بحبك يا مصر


    طبعا أخى فمصر هى الدم الذى يضخه شراييننا


    وما تعرف قيمتها الا اذا تغربت عنها وشفت معامله الاخرين


    فبلدى وان جارت عليا عزيزة وأهلى وأن ضنو عليا كراما
  5. بحبك يا غايب
    07-02-2008, 06:34 PM

    بحبك بحبك بحبك يا مصر


    كنت مفكر مصر أمى
    طلعت مراة أبوى
    ههههههههههههه
    بضحك طبعا
    انا مصرى وبحب بلدى جدا وخاصة مدينتى
    لكن أكره الحكومة جدا والحرامية بتوع البلد
    لكن زى ما انت قولت مصر هى الارض والشعب
    والبحر والناس الغلابة بس ... تبقى هى دية مصر
    مشكور على الموضوع الحلو ... و10/10 كلامك يا عروس
    ..........................
    بس بصراحة اول مرة اشوف حد بيمدح فى مصر خصوصا فى عهد مبارك
    الخديو الثانى الرجل العظيم
  6. T I T O
    07-02-2008, 06:39 PM

    بحبك بحبك بحبك يا مصر


    اخوى بحبك يا غايب
    انا بتكلم عن مصر لاننا كلنا اسانا لها
    وسمحنا لشوية اناس لا يستاهلون اصلا
    ينطق على السنتهم اسم مصر يضحكوا علينا
    ويستهزئوا بينا ويضحكوا علينا ويقولوا علينا
    الكلام الى هما عايزينه واحنا للاسف واقفين
    لكن اخوى لا كفاية لازم نقف على قد مانقدر
    واى حد يتكلم عن مصر اى كلمة نقف امامه
    واقف عند حدك مصر هى انا وانا هو مصر
    وطبعا الكلام بتاع مش موجه لحد معين
    عشان محدش يفهمنى غلط
    المهم انا بقول بحبك يا مصر
  7. بحبك يا غايب
    07-02-2008, 06:55 PM

    بحبك بحبك بحبك يا مصر


    المشاركة الأصلية كتبت بواسطة ثيو والكوت
    اخوى بحبك يا غايب
    انا بتكلم عن مصر لاننا كلنا اسانا لها
    وسمحنا لشوية اناس لا يستاهلون اصلا
    ينطق على السنتهم اسم مصر يضحكوا علينا
    ويستهزئوا بينا ويضحكوا علينا ويقولوا علينا
    الكلام الى هما عايزينه واحنا للاسف واقفين
    لكن اخوى لا كفاية لازم نقف على قد مانقدر
    واى حد يتكلم عن مصر اى كلمة نقف امامه
    واقف عند حدك مصر هى انا وانا هو مصر
    وطبعا الكلام بتاع مش موجه لحد معين
    عشان محدش يفهمنى غلط
    المهم انا بقول بحبك يا مصر
    طبعا شكرا على كلامك الحلو ده
    بس انا هقولك على حاجه
    بجد انا كل ما اتكلم فى وضع مصر بندم وبحزن عليها جدا
    الوضع ده مرخص المصرى فى كل مكان فى العالم
    المواطن المصرى رخيص فى بلده وطبعا انت عارف كيدا
    تخيل بقى الى مسافر وبيشتغل فى الخارج ؟؟
    على العموم ماتزعلش من كلامى بس هى دية الحقيقة
    سلام عشان كيدا وقت العمل انتهى
    اشوفك وقت تانى ...............
  8. smsm19-2
    08-02-2008, 02:34 AM

    بحبك بحبك بحبك يا مصر


    بحبك يامصر


    ومهما حصل منك


    بحبك يامصر


    أنا جربت الغربه

    وكنت بموت كل يوم

    وأنا بعيده عنها

    وفعلا حبها زاد في قلبي

    أكتر من الأول بكتير

    لما بعدت عنها

    وأنا دلوقت في حضنها

    بحبها

    وكل واحد أكيد بلده غاليه عاليه

    لكن مصر مش زي أي بلد

    مصر بلد الامن والامان

    أدخلو مصر ان شاء الله امنين


    بحبك يامصر



    بحبك بحبك بحبك يا مصر
  9. mff
    08-02-2008, 04:15 PM

    بحبك بحبك بحبك يا مصر


    عادي سعوديه ترد ولا لا

    مصر بالنسبه لي صراحه هي مو طني الثاني لاني عارفه كل شي فيها

    يسلموو على الكلمات والمشاعر الجميله خيوووووو
  10. T I T O
    08-02-2008, 04:35 PM

    بحبك بحبك بحبك يا مصر


    المشاركة الأصلية كتبت بواسطة mff
    عادي سعوديه ترد ولا لا

    مصر بالنسبه لي صراحه هي مو طني الثاني لاني عارفه كل شي فيها

    يسلموو على الكلمات والمشاعر الجميله خيوووووو

    لا اختى الف اهلا
    بيكى واحنا المصريين نعشق كل العرب
    انا بكل صدق اقول ان بلدى الثانى هى تونس
    وانا اعشق تونس والمغرب وهذا لا يمنع ان احب السعودية و
    كل البلاد العربية والاسلامية ومشكورة على المرور
    تقبلى تحياتى
    اخوكى تيتو
    وان شاء الله ما فى زعل
12