12

لهفتي ماتت

الشعر, قصيدة , شعراء, القصايد
  • ارسال إلى Twitter
  • ارسال إلى facebook
  • ارسال إلى google plus
    1. أعلن غروري علانيه
      28-01-2008, 02:02 PM

      لهفتي ماتت

      لهفتي ماتت


      &&& لشاعره نوض سدير &&&&


      للزمان اللي تعود يبخل وما هوب وافي

      للاماني اللي عرفتني من كثر ما ني بغيت

      للهموم اللي ارهقتني في مجيي و انصرافي

      للعذاب اللي بلاني كلما نمت و صحيت

      للجروح اللي غزتني و بيحت ما كان خافي

      للظنون اللي لعبت بي كل ما رحت ولفيت

      للغموض اللي اكتفتني و الذهن ما هوب صافي

      للطريق اللي وطيت اشواك دربه ما شكيت

      لا غترابي اللي خذاني لابعد حدود المنافي

      للسراب اللي اشوفه و اطرده لين ابتليت

      جيتك وحسيتنا ان الامر خالطه اختلافي

      جيتك و يا ليتني رديتنا خطاي و بقيت

      لهفتي ماتت و مات بموتها صوت ارتجافي

      و الخفوق الله يكافي لا بكى جرحي بكيت

      بعد حب سنين شلته كله اسرار و خوافي

      بعد ما عطيتك عيون مالحد غيرك عطيت

      اه ما اقساه واقسى احساسي اللي كان دافي

      و ما اقسى وقتي اللي حرم عين العنا طعم المبيت

      كم وكم كنت اتمنى ترجع اوجاعي عوافي

      بعد ما ضاق الزمان و غاربي جرحي المميت

      الهدب باسباب بقعا شاخص ما هوب غافي

      و الطريق اللي غفرلي ما غفر يومي خطيت

      خايفه مستقبلي المجهول لو يصبح عجافي

      و خايفه لو قيل منك بكره يا " بنت " اكتفيت

      خايفه جرح العيوف و خايفه هم يشافي

      و خايفه من شي يحصل في غيابي ما دريت

      كنت احس البرد سيف و القدم دامي و حافي

      جد انا اللي ارخصت نفسي يومي بجرحي رضيت

      بداخلي صوت يقول لمشهد التجريح كافي

      يومه يقول لخفوقي ليه حبيت و هويت ؟؟

      كان ودي انك تثمن رحله الشوق و تكافي

      و كان ودي انك تحس بخافق عيا يبيت

      ما بقالي غير جرح موحش وليل و قوافي

      راحت سنيني حسايف ما نفعني قول " ليت "


      250*300 Second
    2. مهبوب الريح
      28-01-2008, 02:22 PM

      لهفتي ماتت


      صح لسانك وسلمت يمينك
      قصيده رائعه جدا
      تقبلي مروري
    3. أعلن غروري علانيه
      28-01-2008, 02:25 PM

      لهفتي ماتت


      المشاركة الأصلية كتبت بواسطة مهبوب الريح
      صح لسانك وسلمت يمينك
      قصيده رائعه جدا
      تقبلي مروري

      مهبوووووووووووب الريح يسلموووووو على المرور يا الغلا و الله يعطيك العافيه
    4. الساري911
      28-01-2008, 05:50 PM

      لهفتي ماتت


      صح لسان قايلها وسلمت ايدين ناقلها

      تقبلي مروري مع فائق تحياتي
    5. رحاال
      28-01-2008, 09:55 PM

      لهفتي ماتت


      ملاك
      ما اجمل الحرف في سمائك
      كبارق لاينقطع في ليلة ظلما
      كوابل صيب ينصب فيصيب ارض جرداء لتحيا بإذن خالقها
      لله درك من شاعرة متألقة شامخة
      كان لي وافر الحظ بإستسقاء الفرات العذب هنا


      تقبلي ودي وتقديري
    6. ولد الجنووووب
      29-01-2008, 09:08 AM

      لهفتي ماتت


      تسلم يمينك على هالنقل ياذووق
    7. الأصيل
      29-01-2008, 12:26 PM

      لهفتي ماتت


      صح السان الشاعره نوض
      وسلمت ايادي الناقله أعلن
      على الأختيار الرائع
      والذووق الأروع
    8. أعلن غروري علانيه
      29-01-2008, 02:04 PM

      لهفتي ماتت


      المشاركة الأصلية كتبت بواسطة الساري911
      صح لسان قايلها وسلمت ايدين ناقلها

      تقبلي مروري مع فائق تحياتي

      الساري صح بدنك يا الغلا و يا هلا وغلا فيك نورت صفحتي بمرورك الرائع
      و تقبل مني اجمل التحيه
    9. أعلن غروري علانيه
      29-01-2008, 02:06 PM

      لهفتي ماتت


      المشاركة الأصلية كتبت بواسطة رحال
      ملاك
      ما اجمل الحرف في سمائك
      كبارق لاينقطع في ليلة ظلما
      كوابل صيب ينصب فيصيب ارض جرداء لتحيا بإذن خالقها
      لله درك من شاعرة متألقة شامخة
      كان لي وافر الحظ بإستسقاء الفرات العذب هنا


      تقبلي ودي وتقديري

      اخووووووي الغالي رحال يا هلا و مرحبا نورت صفحتي و اشكرك على كلماتك الرائعه اللي و صفتني

      فيها و الله يعطيك العافيه
    10. أعلن غروري علانيه
      29-01-2008, 02:07 PM

      لهفتي ماتت


      المشاركة الأصلية كتبت بواسطة ولد الجنووووب
      تسلم يمينك على هالنقل ياذووق
      و يمينك يا الغلا ويسلمو على المرور الرائع و تقبل مني اجمل تحايا
    12