حقوق واتلاها ودادين ورشاش ((لمتذوقين الشعر))

الشعر, قصيدة , شعراء, القصايد ارسال إلى Twitter ارسال إلى facebook
  1. حوران
    22-01-2008, 04:11 AM

    حقوق واتلاها ودادين ورشاش ((لمتذوقين الشعر))

    حقوق واتلاها ودادين ورشاش ((لمتذوقين الشعر))


    \


    *

    /


    الصيد قل وعذبتنا المطاريش
    نقبل ونقفي من ولعنا على ماش

    ناخذ أشهور أنفتش الأرض تفتيش
    نتعب ولا تذكر لنا برق الأرياش

    يا طير يوم اطلق اسبوقك على ويش
    اخاف تزهق يالنداوي وتنحاش

    إلا ان حصل يا طير سحب ورشاريش
    وقفاه سيل يذكره كل طراش

    وتتابعت غر المزون المراهيش
    حقوق واتلاها ودادين ورشاش

    باخذ معك يا طير فيها عراميش
    إن كان راسي يا طويل البقا عاش

    وياما حلا عقب المراح المغابيش
    وانا معي عطب المضاريب شواش

    افجح قصير الساق جثل المناويش
    مستدرج عار من الريش هواش

    كنه منقش بالجنيهات تنقيش
    صدره عريض وراسه أبيض من الشاش

    راكد ما هوب من الطيور المرابيش
    عيبه صدوق الطلع ما هوب غشاش

    ليا جيت مع جو كداده مشاويش
    امفرع يوحي امهوهي ودرهاش

    يبين في وجه لطلعه شوابيش
    طلعه اطيار وتله السبق واهتاش

    ومن الزعل زاد التحماس والطيش
    قام يتعلا فوق واخرشهن اخراش

    وحول على خرب براسة نغاميش
    وطقه بكف ينثر الدم ماناش

    والنار شبوها العيال المداغيش
    بروض روايح زاهره ينعش انعاش

    فل الحجاج وطنش الهم تطنيش
    وخلك مع ربعك سنافي وبشاش

    وترى السعد لو عارضت لقمت العيش
    سبح القدم ومرافقت كل شوباش

    اغنم حياتك يا قليل المناطيش
    قبل يجيك الموت وتلف بقماش


    م/ن

    وسلامتكم
  2. مطنوخ بقيق
    22-01-2008, 07:11 AM

    حقوق واتلاها ودادين ورشاش ((لمتذوقين الشعر))


    الله عليك
    لاهنت على النقل الرائع
    صدق الصيد قل وعذبتنا المطاريش



    والنار شبوها العيال المداغيش
    بروض روايح زاهره ينعش انعاش

    فل الحجاج وطنش الهم تطنيش
    وخلك مع ربعك سنافي وبشاش

    وترى السعد لو عارضت لقمت العيش
    سبح القدم ومرافقت كل شوباش

    اغنم حياتك يا قليل المناطيش
    قبل يجيك الموت وتلف بقماش



    ايها الله يذكر ايام الوناسه بالخير فلوها يالربع قبل تتوضوفون في وضيفتن تحرم من طربات الدنيا ولذتها
  3. الشايب
    22-01-2008, 02:00 PM

    حقوق واتلاها ودادين ورشاش ((لمتذوقين الشعر))


    صح لسان الشاعر

    عزالله جابه على الجرح

    قصيده جزله وانا اشهد انه قناص

    وتسلم يمينك على النقل

    وتقبل الود