رصاصة الرحمة

الشعر, قصيدة , شعراء, القصايد
  • ارسال إلى Twitter
  • ارسال إلى facebook
  • ارسال إلى google plus
    1. غزلان الحنونه
      13-01-2008, 10:37 PM

      رصاصة الرحمة

      رصاصة الرحمة


      اذا لك شف في شوفي .. تراني
      على شوفتك .. صحيت الأماني
      زرعت الشوق كله بأنتظارك
      و أخذت الأنتظار .. و جيت عاني
      نسيت الناس لكن .. ما نسيتك
      عجزت أنساك حتى لو ثواني
      مليت الكون .. و أشغلت الجوارح
      نظر عيني .. سماع أذني .. لساني
      عطيتك شيء ما هو عند غيرك
      و لا قصرت .. لكنك أناني
      انا أحبك .. و اذا ودك تأكد
      شف الله كيف بيدينك هداني ؟
      غيابك صعب و الأصعب وجودك
      و انا فالحالتين أتعب و أعاني
      حبيبي لا تواخذني .. و لكن
      أبيك تحط نفسك في مكاني
      اذا جيتك و انا مشتاق تقفي
      تجاهلني و كنك ما تراني
      و اذا صديت عنك و قلت أبرحل
      وقف قلبك على الباب و دعاني
      و لو سويت نفسي ما اشوفك
      يميل القلب صوبك و يحداني
      أنا يا ابن الحلال أصعب حكايه
      كتبني الوقت .. لكن ما قراني
      مضى عمري و تقدر تعتبرني
      غريب .. و في زمن ماهو زماني
      زماني راح مع نصفي .. و نصفي
      نسى نفسه مع الوقت و نساني
      أسافر حزن .. و الصحبه ثلاثه
      أنا .. و الصبر .. و سهيل اليماني
      و اذا مريت فبلاد الطفوله
      فتحت الصدر للحزن و طواني
      هنا .. دمعه جرت من عين جاهل
      هنا .. لاقيت همي و التقاني
      هنا .. باعتني الديره و أهلها
      هنا .. ضحيت لفلان و جفاني
      هنا .. حاولت أصيح و ما سمعني
      سوى بعض الشوارع و المباني
      انا يا سيدي .. دقه قديمه
      بغيت أخذ من الوقت .. و خذاني
      على الأنقاض واقف دون حيله
      أشوفك وجهتي بين المواني
      تعال .. و طف بيدينك حنيني
      تملكني .. و أنا أشعل لك حناني
      تعال .. و ضمني يا تاج قلبي
      دخيلك لا تخليني .. عشاني
      انا شاعر عيونك يا حبيبي
      مع التحريف في بعض المعاني
      ( و ما نيل المطالب بالتمني
      و لكن شوفتك كل الأماني )
      محبة صادق النيه .. قصايد
      و محبة ساقط النيه .. أغاني
      قسم بالله لو موتي بيدك
      و أموت الفين مره .. ما كفاني
      و أذا باقي من الطلقات .. طلقه
      دخيلك .. حطها بين المحاني



      الشاعر عبدالله ذويبان
      250*300 Second
    2. *مزون شمر*
      15-01-2008, 07:25 AM

      رصاصة الرحمة


      صح السان الشاعر
      وتسلم يمينك على النقل
    3. بنت زآيد
      15-01-2008, 12:34 PM

      رصاصة الرحمة


      غيابك صعب و الأصعب وجودك
      و انا فالحالتين أتعب و أعاني
      حبيبي لا تواخذني .. و لكن
      أبيك تحط نفسك في مكاني
      اذا جيتك و انا مشتاق تقفي
      تجاهلني و كنك ما تراني
      و اذا صديت عنك و قلت أبرحل
      وقف قلبك على الباب و دعاني

      صح لسان الشاعر

      كلمات روووووووعه قصيدة جميله

      يسلموووووو على النقل الحلو

      الله يعطيج العافيه

      تحياتي...
    4. غزلان الحنونه
      15-01-2008, 01:43 PM

      رصاصة الرحمة


      يسلموووووووووووو على المرور
    5. رحاال
      15-01-2008, 08:13 PM

      رصاصة الرحمة


      غزلان الحنونه
      ما اجمل الحرف في سمائك
      كبارق لاينقطع في ليلة ظلما
      كوابل صيب ينصب فيصيب ارض جرداء لتحيا بإذن خالقها
      لله درك من شاعرة متألقة شامخة
      كان لي وافر الحظ بإستسقاء الفرات العذب هنا


      تقبلي ودي وتقديري
    6. غزلان الحنونه
      26-01-2008, 09:42 PM

      رصاصة الرحمة


      ييسلمووووو على المرور