البنت والولد بين العادي والمنقود........؟؟؟

اجمل نكت مضحكة - اضحك على سوالف الشباب والبنات ارسال إلى Twitter ارسال إلى facebook
  1. جريح الخيانه
    07-01-2008, 09:15 AM

    البنت والولد بين العادي والمنقود........؟؟؟

    البنت والولد بين العادي والمنقود........؟؟؟


    هذا الموضوع مكتوب خصيصا للشباب اللي الله يعلم متى بيتحسن تفكيرهم وبيتطور...وقولوا لي في النهاية هذا ظلم وإلا لا؟


    (مواطن) يسير ايهيت في سبع البلد مع ربعة>>>عادي وناسه.


    (مواطنة) تطلب من زوجها سفر في الصيف>>>وين تبين قري في بيتج انتي وعيالج //الحرمة تيلس في بيتها.



    (مواطن) يسير الكوفي شوب مع ربعة>>>شي طبيعي.


    (مواطنة) سارت مع ربيعاتها كوفي شوب>>>ما يستحن قليلات أدب أكيد يبن يغازلن!!!!(حتى لو محتشمات)
    (انزين ليش في اوروبا ايسير الجميع كوفي شوب عادي مافي مشاكل؟؟)




    (مواطن) يسوق سيارة كشخه>>> هذا المطلوب والنعم والله.


    (مواطنة)اتسوق سيارة كشخة>>> عيييييب حدج ماكسيما, هممممم أكيد تبي تجذب نظر الشباب يلاه وراها كسروا عماركم!!



    (مواطن)يسير السينما>>> يحق له, شوفيها.


    (مواطنه)اتسير السينما>>>اتخسي ماصخه هاي..شي عندها!!



    (مواطن)يشتري حق ربيعته هدايا بالالاف>>> عادي يدلعها.


    (مواطنة)تطلب من زوجها يشتريلها هديه في عيد الزواج>>> عن المصاخة نحن مب يهال,,بييب لج كيكه وسندويجات شوارمه جان تبين!!!!!!!!! لووووووووووول



    (مواطن)يستانس يوم يشوف ربيعته على اخر صيحات الموضه والكشخه>>>شي أكيد.


    (مواطنة)تتكشخ لريلها اتقوله شو رايك,يعطيها نص نظرة وايقولها خيييييييبه شو هاذا المنكر اللي امسوتنه في ويهج...سيري سيري غسلي ويهج أنا ما أحب المكياج!!!وما أحب صبغ الشعر ولا صبغ الأظافر(وهو تطلع عيونه على الحريم في السوق)لا واخر شي يعرس عليها وحده من اللي يتكشخن ويتمكيجن فوووول>>> صدق ما يستحي.



    (مواطن)يسير السوق يشتري أغراض البيت>>>واجبه.


    (مواطنة)اتسير السوق تشتري أغراض البيت>>>ليش ما اتخلي البشكارة والدريول ايسيروون احسن لا هاذي شي في خاطرها!!!



    (مواطن)يمشي في المول يرمس في التيلفون>>>عادي جدا,رجل أعمال ماشاءالله.(كركركركركر)


    (مواطنة)بالغلط رفعت الموبايل اترمس الدريول ايقرب السياره>>>خييييبه يالاه ياشباب هاي من اللي يرمسن كسروا عماركم عقوا عليها دليل الهاتف لوووووووووول



    (مواطن)يحق له كل أشكال الرفاهيه والمتعة والمودرن لايف والهياته المهم اييب فلوس>>> طبعا.


    (مواطنة)تنجب وتسكت وتقعد في البيت اتموت من القهر ومشاكل العيال كله عيب وكله حرام جب ولا حرف ما اسمع صوتج.>>> حرام والله.



    (مواطن)( ما بتغير, أنا السيد وأنا السلطان وأنا أسوي اللي أباه محد يناغيني)


    (مواطنة)(ارحموا من في الأرض,عنبو غيركم الله امسلطنكم علينا في كل زمان ومكان؟؟؟ لا مفر؟؟ عنبوه حتى في لندن قمنا نتغشى عنكم حسبي الله ونعم الوكيل
  2. @@@نمور الاتي@@@
    07-01-2008, 02:33 PM

    البنت والولد بين العادي والمنقود........؟؟؟


    مشكور
  3. كبير على مخك
    07-01-2008, 02:57 PM

    البنت والولد بين العادي والمنقود........؟؟؟


    الحين وش دخل ذا الموضوع في الفله الحمد لله
    بعدين اطلعي هجولي علشان نحدك ونسطرك وناخذ سيارتك نفحط عليها
    طاط
  4. شخبوطه
    07-01-2008, 03:39 PM

    البنت والولد بين العادي والمنقود........؟؟؟


    يسلموووووووووووو
  5. علشانك بس
    08-05-2008, 03:50 AM

    البنت والولد بين العادي والمنقود........؟؟؟


    نحن السعوديات نفتخر بذالك(والله استانس اذا شفت حركات الغيره بدت على اخواني)موضوع رائع يهم الكثير
  6. فروحة الدلوعة
    08-05-2008, 04:46 AM

    البنت والولد بين العادي والمنقود........؟؟؟


    مشكوووووووووووووور

    تقبل مروووري,,
  7. ملكة البنات..
    08-05-2008, 09:24 AM

    البنت والولد بين العادي والمنقود........؟؟؟


    يسلمو