محاوره بين شايب وبنت

الشعر, قصيدة , شعراء, القصايد
  • ارسال إلى Twitter
  • ارسال إلى facebook
  • ارسال إلى google plus
    1. رماد القناع
      30-10-2005, 02:34 AM

      محاوره بين شايب وبنت

      محاوره بين شايب وبنت


      بدايه القصه عن شايب اسمه حمدان وهواوي ( قلبه خضر ) ما يشوف بنت الا ينفتن ومشهور بانه حبيب

      فيه بنت ملكعه وصاحبة مقالب قالت في نفسها انا ليه ما اروح للشايب وامزح معه واضحكه شوي واشوف ردة فعله كيف تكون

      راحت له وردت عليه السلام كيف حالك يا شايب رد السلام والله بخير الله يعافيس ( يعافيكي )

      وفجأه عطته ظهرها ومشت ولا استإذان ولا شي

      ولع الشايب من حركتها قال فيها كم بيت يستعطفها فيها ويقول انها ذكرته الماضي و اذا ما عطيتيني وجه لحقت باخوي حمود اللي في قبره ويذكر التاريخ واليوم اللي قابلها فيه


      يقول الشايب :

      يا بنت خوذي خاطري وارحميني لا تجرحين العود بعيونك السود

      غضي نظرك وغطي الوجنتيني لعل يوم جدد الجرح ما يعود

      يوم انتهى مع مرمسات السنيني جتني صواديفه على غير مقصود

      باول شهر عشره نهار الثنيني حمدان مروا به على جنازة حمود


      البنت كانت تقصد من استفزازه انها تجاريه في الشعر وترد عليه والمسكين ما كان يدري انها شاعره وعلى باله ما خذ راحته في التغزل


      ردت عليه وهزأته تقول

      يا شايب الرحمن وينك وويني عزي لحالك قدمك الباب مسدود

      قلبك عطوف وجاه قلب متيني والبنت ما تشفق على مغازل العود

      حبل الرجا مقطوع بينك وبيني مثل الغليث اللي رعا قلبه الدود

      اقفى شبابك والعرب مقبليني يا عود ما يرجع من العمر مفقود


      حطمته يوم قالت له انك عود وان الشباب ما يرجع وان ما فيه امل تعطيه وجه حس العود انه تورط وقال كم بيت يقول لها صدي عني انه ما يبي الغزل بعد ما وصل عمره ثمانين سنه


      يقول حمدان :

      يا بنت صدي بالعيون الظليله لا صد عنك الله نهار القيامه

      مالي ومالك يالفروع الطويله لو فيك من رسم البداوه علامه

      يابنت ما لي بالثمانين حيله اهدف كما تهدف على البير قامه

      اقفى شبابي والدهر شفت ميله يالله حسن الخاتمه والسلامه

      اعطيك موجز والبضاعه قليله واخذت لك من صافي الماء سنامه


      راحت الايام والشايب مسكين سنه خذله معها شايب وهي بنت وتقول له كيف اعطي شايب وجه

      بعد فتره مرته مره ثانيه وردت عليه السلام واستفزته وراحت وخلته ولع الشايب وقال ليه ما ابين لها في كم بيت انها بتشيب مثلي واني رجال طيب وان الناس تنصاني ومعروف بالكرم واني ما ابي منها غير التحيه والترحيب


      يقول حمدان

      يا بنت ما جاس الكبر والخشونه وعادت شباب اليوم يجفل من الشيب

      ياسرع ما وبلك تمزع مزونه يالفاتنه يا ام الثمان الرعابيب

      يا بنت ما بيني وبينك مهونه كلمة شرف نبي تحيه وترحيب

      الله من عود ثقيله طنونه ينصاه راع المشكله والمواجيب

      على الكرم والدين نفسه حنونه تلقاه بالاجواد شرق وتغاريب


      جهز الابيات وارسلها مع عجوز ووعد العجوز بهديه اذا وصلت الرساله لها

      راحت العجوز وعطت البنت الابيات شافتها البنت وقفلت على العجوز في غرفه وقالت مثل ما جيتي بابياته ترجعني بابياتي

      العجوز مسكينه قالت طلعيني ولا ابي منكم شي الله لا يعودكم انتم واوراقكم

      ردت البنت ابيات اقوى من الاولى واكثر تحطيم مسكين الشايب ما احد رحمه حتى لو حاول يستعطف


      تقول البنت

      العود عود وطايحات سنونه من كثر ما يرقد على جرة الذيب

      عود مهرقل والعرب ما يبونه ياعود ما لك في طويل المراقيب

      اقفى شباب العود راحت حتونه مثل اليتيم اللي بكا ما له مجيب

      جداه ينثر دمعة من عيونه غريق موج ما لقا له مقاضيب

      وسلامتكم
      250*300 Second
    2. Off The Grid
      30-10-2005, 03:55 PM

      محاوره بين شايب وبنت


      محاوره جميله وطريفه في نفس الوقت

      شكرا لك اخي الكريم على استعراضها لنا

      دمت بكل الود
    3. شوق عمان
      30-10-2005, 11:37 PM

      محاوره بين شايب وبنت


      سلمت ودمت اخي الاسود بصراحه موضوع حلو بالفعل بس في كلمات ما فهمتها المهم ان الموضوع اللي طرحته موضوع حلو وفكره جميله لا تحرمنا من كتاباتك الاسود
    4. رماد القناع
      31-10-2005, 03:02 AM

      محاوره بين شايب وبنت


      شكرا على المرور اللطيف من الجميع

      شوق عمان الكلمات الي ما فهمتيها اطرحيها ونا بفهمك :d
    5. بنت زآيد
      22-07-2008, 11:52 PM

      محاوره بين شايب وبنت


      محاورة جميلة

      يسلمووو على الطرح

      الله يعطيك العافية

      تحيتي لكم
    6. نواف دت كوم
      23-07-2008, 06:46 AM

      محاوره بين شايب وبنت


      صح لسانك اخوي رماد على هالمحاوره الجميله والطريفه





      مع تحيات : نواف دت كوم
    7. B7R
      23-07-2008, 06:53 AM

      محاوره بين شايب وبنت


      مشكوراخوي رماد القناع على المشاركه المميزه فعلاتستاهل القراءه والتصفيق بحراره تقبل مروري ياغالي
    8. لمسه احساس
      23-07-2008, 07:53 AM

      محاوره بين شايب وبنت


      يسلموووووووووووو
    9. جريحة الصمت
      17-08-2008, 04:09 AM

      محاوره بين شايب وبنت


      المشاركة الأصلية كتبت بواسطة
      اقفى شبابك والعرب مقبليني يا عود ما يرجع من العمر مفقود
      المشاركة الأصلية كتبت بواسطة
      اقفى شبابي والدهر شفت ميله يالله حسن الخاتمه والسلامه
      مساجلة رائعه .... يعطيك العافيه رماد