12

للعزابي فقط .. ممنوع دخول ((البنات))

اجمل نكت مضحكة - اضحك على سوالف الشباب والبنات ارسال إلى Twitter ارسال إلى facebook
  1. سلطانة الحب
    02-01-2008, 07:54 PM

    للعزابي فقط .. ممنوع دخول ((البنات))

    للعزابي فقط .. ممنوع دخول ((البنات))


    سؤال لكل عزوبي .. يتسدح بالملحق ؟
    هل تنام على بطنك ؟ او تخم الوسادة بالليل ؟ او تعفس الكنب وتعضه وتسعبل عليه وانت نايم .. او تنام في الشوارع كأنك قطو .. او تنام على الكنب وانت تقرأ الجريده ، او تنام ويطلع سرك ستر الله سرك.

    إذا كانت الاجابة بنعم فإن
    كل هذه اعراض لرغبة جامحه وكامنه بالزواج وان ما تلاحقت عمرك راح يجي اليوم اللي يقول فيه الوالد لك :
    " الله لا يبارك في الساعة اللي جبنا فيها شغاله ".

    .
    لا تتخذ قرار الزواج إلا وانت في حالة هدوء تام بعيدا عن الاثارة والعواطف الجياشه ..
    مو تشوف فيديو كليب بعدها تطمر لأمك وانت مشبك اصابعك ومميل رقبتك وتقول ( دوروا لي ابي اعرس ) ، ابي اكمل نصف ديني .



    اولا : مرحلة ما قبل الزواج :

    كيف تعرف انك استويت عزيزي الشاب وحان قطافك من بنت الحلال :


    أ: علامات الرغبة في الزواج عند الشاب :

    1 - إذا بديت تحب الاغاني وتسمعها بمخمخه وتتخيل انك تقول الكلام لوحده .. فاعرف انك ( قاضي ) فتلاحق عمرك وشف لك بنت حلال ، بشرط توافر الشروط الاخرى فيك ( وظيفه مناسبة ، ومبالغ مالية لمواجهة مصاريف العرس ) >>>> التقسيط متاح بدون كفيل في مؤسسة مباري للعرس على النوته

    كذلك إذا صرت تتابع الفيديو كليب وتهج اثمك ولو يناديك ابوك ما ترد عليه.
    .




    2– إذا بديت تقول يا زين بيروت وال إل بي سي والمستقبل ؟ فاعلم اخي الاع** انك لو انتظرت سنتين ستصدي صواميل ظهرك وتصير بلا مستقبل.

    3– إذا بديت تمشى بالسوق وتتمنى ان البنت اللي قدامك يطيح اللي هي شايلته علشان تصدم فيها وتقول ( ليمون نعناعه ) فاعرف انك على مشارف انك تكون ( سبهه ) وشهار ما يقبلك ولا منتسب .

    7 – إذا بديت تعطر بعطور نسائيه وتقول ما فيها شيء ( العطورات ليست حكرا على احد ) .. فاعرف انك بديت ( تخف) لذلك اكسب عمرك واعرس.


    ثانيا : اثناء الخطبة :



    1 – انضبط وابدأ صل بالمسجد . واجعل المحافظة على الصلاة تحول دائم من الخطبة إلى اخر عمرك.
    لان اهل البنت يبي يسألون شيبان المسجد ويقولون تعرفون فلان .. لذلك صل وابد ( طلطل ) بوجيه المصلين كأنك تدور اخوانك.<<<< ما احب هالحركه.


    2 – لا تتهيبل وتروح تتسلف سيارة زميلك ( الفخمة ) وترزها عند باب اللي انت خاطب منهمl
    لأن الخطيبة مصيرها تعرف ان السياره مو سيارتك وبالتالي تطيح من عينها .. بكيفها ..
    3 - اثناء الشوفه لا تستحي ابدا وقز البنت من راسها لرجليها ولا يهمك ابوها واخوانها لأن الشرع ( يدعمك ) وان قالوا شيء .. قل لهم حديث الرسول صلى الله عليه وسلم
    " فلينظر اليها وتنظر اليه فأنه احرى ان يؤدم بينهما "

    .
    .
    وكما قال الشاعر ( لسان الفتى نصف ونصف فؤاده **** فلم يبق الا صورة اللحم والدم )
    <<<< يضيع مع اللحم في الضحايا خصوصا التسبده يا بعد تسبدي..
    لا يروح بالكم بعيد.

    .

    4- في الخطبة ان صار فيه مكالمات بعد ما يوافقون عليك .. فلا تصير لصقه وعلة وريد كل دقيقة داق على البنت .. ( وينكم فيه ) ؟ وش سويتوا اليوم ؟ ما اشتقتي لي؟
    وش تسوين ؟ انت على السرير وإلا في المقلط ؟ << يخرب بيت السؤال ؟

    .

    5 - لو ( كتبت كتابك ) على البنت قبل بفترة وبديت تأثث بيتك .. لا تاخذ البنت إلا علشان تختار غرفة نومها بسسسسسسسسس ، وإلا باقي الاثاث اختاره انت وإلا خلها هي اللي تختاره كله ..

    لانكم إذا بديتوا تطلعون مع بعض تختارون الاثاث .. فراح يطلع الاثاث مشكل تشكيلة عجيبه والوانه كأنها ( شراب تكرونيه بالمربعانية عند الحرم )..
    .

    .
    كذلك اضبط ميزانيتك على مستوى معين من الأثاث بمعنى .. ما تشتري لي لوحه ب 3000 الاف والكنبات ب 5000 الاف .. يعني ما فيه توازن وتروح تشتري لوحه ثانية من ( حلة بن دايل ) ب 20 ريال ، ومن ايكيا ب 150 ريال .. فيصير بيتك كأنه
    ( حراج ابن قاسم ) من كل بحر قطره.
    فتصير مثل اللي بيتهم طين وعندهم ( رولز رويس ).


    6 – اياني وياك تظهر بشكل مثالي في الخطبة بل خلك على طبيعتك ، بحيث تقول للبنت هذا انا ..
    مو تصير حبيب بالخطبة وصدام بعد الملكة.



    ثالثا : ليلة الزواج :




    ليلة العمر والليلة الوحيده اللي تحس فيها انك اهم واحد بالاحتفال .. فلا تصدق عمرك ويكبر راسك.. خلك طبيعي
    ولا تكثر من شرب الشاي والقهوة ليلة العرس بعدين تنتفخ مثانتك ، فتتورط ، لانه صعب إذا رحت جلست مع العروس على ( الكوشه ) .. فجأه تقوم تقول بعد اذنك باروح الحمام .. صدقني راح تقول البنت إللي هذا اوله ينعاف تاليه
    .. فلنفرض انك قمت من الكوشه ؟؟
    بعد ما تخلص هل بترجع وتجلس مع العروس مره ثانية ؟؟
    وإلا بتطلع من هناك ؟ بالعربي .. انت بتبلش بلشة ما بعدها بلشة

    أما إذا رجعت بيقولون الحريم ( جاه اسهال من الخوف من المدام )
    اجل إذا راحوا الشقة بلحالهم وش بيسوي هالخواف.؟
    فتصير علك في فم الرايح والجاي وملطشه للصغير والكبير.

    2 – ليلة العرس ارفق على سيارة الرجال اللي انت متسلفها منه .. لانك ممكن تصدم لانك ما تعودت انك تكون بسياره كشخه وجنبك بنت.
    <<<<<<< وش دراك؟

    3 - خلك ذوق واسحب يد البنت وحطها على ( القير حق السياره )



    وحط يدك فوقها ولا تكثر تفغيص يدها لانك بتتهور وممكن يصير لك شيء وإلا يجيك ( شد عضلي ) بعدين تصدم باشاره >>> لاحقين خير ان شاء الله .. لا تتصربع الله يطامنك باسمه..


    4 - إذا جيتوا تدخلون البيت .. افتح الباب وخلها تدخل قبلك وامزح معها شوي ( خشي برجلك اليمين ) وبعد ما تدخلون ( ارقع ) ذيك الزغروته اللي تهز اركان البيت .. ثبت الله اركانك .

    رابعا : سواليف ليلة العرس :

    الكثير من الشباب في أي المواضيع يطرح ليلة الزواج وبرأيي انه بالامكان طرح مواضيع تتعلق بذكريات الخطوبة .. والابتعاد عن المواضيع الرسمية .. بمعنى تجنب الاتي :



    –1 انتبه تتميلح او تنكت اكثر من اللزوم لان الموضوع سينقلب ضدك وبدال ما تصير وش زينك تصير ( كخا ).
    2 – انتبه تجيب طارئ ( أمك ) ليلة العرس ، وتقعد تقول لبنت الناس من اول ليلة ( انا بصراحه امي أغلى امرأة عندي بالعالم ).. انا امي بصراحه ابيك تشيلينها فوق راسك ، انا امي بصراحه ما ابي احد يزعلها ، انا امي بصراحه مالها غيري ..
    الله ياخذ بليسك انت وامك لا هالحين ادخل والسبك بالعقال
    <<<<<<<< يعصب احيانا بدون سبب مقنع .. ما عليه رجعت طبيعي .. نكمل ..
    مافيه شك ان الام قدرها غالي ومكانتها عظيمه بس لكل مقام مقال .. فما فيه مناسبه انك تجيب طارئ امك ، ممكن تأجل الموضوع لليلة اخرى.

    3 – امدح مكياج المدام ، وفستان فرحها لانها تعبت شهور حتى تظهر بهذا المظهر اللي انت تتمتع فيه انت وعيونك المغمصه | ..
    حتى لو كنت ( كمخه ) في مواضيع الذوق واللبس ولا تفهم فيها شيء امدح وخلك عباراتك فيها صدق بحيث تكون ( الكذاب الصادق ) ..
    فهذا من شأنه انه يحسس المدام انها جميله بعينك ، ويرفع روحها المعنوية ، ويخليها تهضمك يا ابو كوع ( بني )<<< مفروك لين قال بس فتغير من اسود الى بني .

    4 – انبته ثم انتبه انك تصير عاطفي او تخق ومن اول ليلة تقول للبنت ( بصراحه انا احبك وميت فيك ) .. لانها مؤكد انها مو مصدقتك ( ما امدى بسم الله تحبها ).
    بصراحه كثير من الشباب محروم من ( كل شيء ) <<< وافهموها .. عاطفيا و... و .
    واول ما نلمس يد تختلف عن يد صديقك ( الضب ) .. نخق وبسرعه نسعبل ونقول : اه الله لا يحرمني منك ، احبك احبك احبك .. ويمكن بعد اسبوع اكرهك اكرهك اكرهك.>>> ياي .

    خلك ثقل وخلي سلوكك هو اللي يقول للبنت اني احبك مو اساليب ( قردنه ) احبك بعدين تقول لها ( وش رايك نلعب عريس وعروسه )؟
    ترى هالحركات ما تمشي على البنات التاليات .

    معاني الكلمات : قردنه : محاولة اقناع جاده يتخللها وضع اليد على الكتف مع تنزيل الرأس وكأنك بتقول سر للطرف الاخر مع الاتجاه ( لقرنة ) الغرفه.

    خامسا : ملابس ليلة العرس



    1 - بعد ما تفسخ ثوبك وشماغك وعقالك .. تروش الله يصلحك لانه ممكن ريحتك تكون طالعه وانت ما تدري من كثر السلام والقلق اللي عشته في قصر الافراح ولا يهمك انك راش لك كم ( بخه ) على الش***ات اللي بصدرك وبازن بها.
    تنظفوا ( ابتل ) اعلمكم ... هماه ؟

    بعد الانتهاء انتبه تلبس ملابس تظهر مفاتنك .. مثلا تجي بلبس داخلي وفانيلة علاقي وتصير كأنك من ذولاك المصاريه اللي اسود وابيض ويتطببون على المسبح في النادي من جماعة ( هاي شله )..

    2 - انتبه تصير قروي وتلبس سروال ابو حبل ذاك اللي يخليك كأنك بقره رايحين يبيعونها ، او بيجامة نوم مخططه فتصير كأنك ( حمار وحش ) يتكلم عربي.

    اختر اللبس المناسب لجسمك ..
    مثلا شورتات رياضيه اذا كان جسمك رياضي .. وإلا اذا كنت دب فخلك بالعقال والشماغ والثوب استر لك وغير ملابسك إذا نامت المدام..
    وفاجأها في الصباحية .
    إذا كنت سمين البس ملابس فضفاضة شورت وفانيلة X X X L


    3 – للإحاطة فإن قمصان النوم النسائية ( مشققه ) وشفافه وكلها حركات .. انتبه يسول لك ابليس وتقول ( اففف البنت خربانه ) .. من هالحين لبست كذا؟؟
    ترى الموضة كذا وتطوروا بأأأأأأ عجزت اعلم فيكم .

    إذا لبست لك المدام ( قميص نوم رايق ) ترى مو معناها ( طب علي ) .. خلك ثقيل وإلا جيت هالحين أربط ثقالات برجليك.

    ترى سمعت بقصه ان واحد طلق الزوجه ليلة الزواج بعد ما شافها لبست له ( لبس مشخلع ).. قال العم : اكيد انها داشره ؟ وحركاتها ما ني متطمن لها << طيب يا كولومبو.
    <<<<< احتمت ( كبدي ) يوم سمع القصة من القهر .

    سادسا : الخطة المحبوكه للقاء الحميمي :

    1 - حذاري ثم حذاري وهذاني اقول لك ( حذاري ) .. تتحرش بالبنت ***يا حتى لو كانت زوجتك .. فكما يقال ( احذر ان تبدأ حياتك الزوجيه بحادث اغتصاب ).
    لان البنت مو معنى انها صارت زوجتك وكتبت هالوريقه يعني انها فصخت الحياء وتبيها تصير لعبة بين ايديك .

    2 - اجعل بداية حياتك الزوجيه قصة رومانسية متعددة الفصول .. ليلة الزواج تكون بمثابة لقاء بين اثنين للتعارف ما فيه إلا الحديث وإذا كثرت امسك يدها ولا تتعدى لاشياء اخرى .. عسى يدك الكسر ( ممدين ) هماه .

    3 - اليوم الثاني انتبه تستقبل أية زيارات من الاهل .. او من اهلها .. واعزمها في مطعم راق ولا تجلس تجرجر بالبارتشنز وتقعد تناظر فيه فتحه صغيره مع هالجهه او مع ذيك .. وتسدد فيها وتصير كأنك مهندس ( صنادق حمام ).
    اركد وخلك طبيعي وإلا قالت البنت وش ( هالعومه ).

    4 - في ليلة اليوم التالي غالبا يكون فيه عشاء عند اهل الولد تعشوا واطلعوا ورح انت وياها ( كوفي شوب ) وانتبه تقرأ الجرايد او المجلات , وعطها وقتك كله.

    5 – اليوم الثالث :
    حاول تسافر بها عمره بعدين لمدينة جده لسكان المملكة العربية السعودية .. او مدينة اخرى لسكان الخليج ........

    6 - اللقاء الحميمي لا يمكن تحديد الوقت المناسب له .. بل يعتمد على الظروف والمتغيرات والتي لا يمكن ان اعرفها فأنت الذي في ارض المعركه ، فحدد أنت ؟ لانه لا يمكن يجي احد يحارب عنك .
    واللي ما يجي اليوم .. يجي بكرا .


    كني اشوووف بنات تقراء انا وش قلت اها خخخخخخخخخخخ
    ودمتم
  2. تيتو
    02-01-2008, 08:02 PM

    للعزابي فقط .. ممنوع دخول ((البنات))


    يا اختى الكلام ده فين
    ممكن عندكم فى السعودية والخليج
    بس فى مصر الموضوع مختلف خالص
    خالص الى ما لا نهاية
    هو احنا لاقين شغل عشان نجيب فلوس
    ولو لاقينا مش بيعمل حاجة
    لازم نسافر عندكم عشان نوكون نفسنا
    لا وقبل كده نجوز اخواتنا البنات ونساعد اخواتنا الصغار
    وغيره وغيره الكلام ده للشباب الفاضى
    الى اهله حالتهم مرتاحة واول ما يوص لالعشرين يتزوج
    انا عندى 21 سنة وتفكير الزواج لسه ما خطر فى بالى
    ليه على الاقل خالص لو انا الواد الحلو قوى
    هاتجوز بعد 6 سنيني لما اكون نفسى واجيب شقة ومهر وعفش
    وغيره وغيره يجى بعد ده كله وافكر فى الكلام بتاعك
    كان من الاول اقول لا مش متزوج خالص واقضيها
  3. سلطانة الحب
    02-01-2008, 11:37 PM

    للعزابي فقط .. ممنوع دخول ((البنات))


    الحال من بعضه في السعوديه وغيرها
    بس ربك يحلها
    الله يرزقك ويرزق كل شباب الامه الاسلاميه ويحقق كل أمنيهم
  4. الرميلي
    08-01-2008, 05:26 AM

    للعزابي فقط .. ممنوع دخول ((البنات))


    علم و جاري التنفيذ

    شكرا على النصائح و التوجيهات

    سلطانة الحب

    الله يعطيك الاف عافية

    تقبلي فائق تقديري و احترامي
  5. حلو المعاني
    08-01-2008, 06:16 AM

    للعزابي فقط .. ممنوع دخول ((البنات))


    هذا زواج ولا خطة حرب الشاب أذا يبي يتزوج مايفكر
    في هيك شغلات يفكر في المهر وفي البيت وكيف
    راح يجمع المهر وكيف راح يحصل بنت تقدر ظروفو لان
    لان في بعض البنات مايقدرن يعيشن بدون خدامة تنظف
    وراها وماتقدر تنام الا تروح على الاسواق وتخسر زوجها
    فلوس على شغلات تافها أخيرا اقول الله يعين الشباب وبس
  6. الهزيع
    08-01-2008, 07:19 AM

    للعزابي فقط .. ممنوع دخول ((البنات))


    الله يعين وييسر الامور

    الدنيا كذا لازم تتعب ولما تتزوج تحس بالراحه لانك تعبت قبلها

    وحلاوة الدنيا في الراحة ولكن بعد التعب

    مشكور على المووضع الرائع وتقبل تحياتي
  7. أُريد إنسان
    14-01-2008, 10:10 AM

    للعزابي فقط .. ممنوع دخول ((البنات))


    سلطان الحب
    موضوعك خيالي
    يعطيك العافية
    وصدقني راح اطبق كلا كلامك
  8. قريب الأمل
    14-01-2008, 02:43 PM

    للعزابي فقط .. ممنوع دخول ((البنات))


    موضوع جميل بس فيه أشياء حسب نظرتي ماتصح مثل تقول كلمات الأغاني دون الإلتفات إلى اللحن....ليش مايكون شعر بعيد عن الومسيقى؟؟؟
  9. بنت السبيعي
    02-07-2009, 03:34 AM

    للعزابي فقط .. ممنوع دخول ((البنات))


    يسلمو مرة حلو اي علميهم الاحترام ليلة العرس مو يشقق الفستان اللي بذيك الحسبة 5500 اواكثر ........ ما يحتاج افضحهم
  10. الفراشه الدبدوبه
    20-03-2010, 03:35 PM

    للعزابي فقط .. ممنوع دخول ((البنات))


    بصراحه موضوع رائع جدا ياليت اهل الشمال الي عندنا يقرونه بصراحه حنا محتاجين ان سعيد الحظ يتدرب على الهدوء والرومنسيه اعرف وحده زوجها ليلة الدخله قال لها انتي موكلي وانا شريخان وقطع البنيه ونفكرها مضروبه ومتكسره هههه يسلمو
12