كحيل العينين

كـــحـــيـــل الـــعـــيـــنـــيـــن

السلام عليكم ورحمة الله وبركاته


شحالكم عساكم بخير


ادري انقطعت فتره عنكم وما كان ودي بس ان شاء الله نعوض عن الوقت اللي فات


ما شاء الله زاد عدد الشعراء والشاعرات عندنا الله يزيدهم ان شاء الله بيحلى المنتدى اكثر واكثر


عالعموم حبيت اشارك بهالقصيده وان شاء الله تنال اعجابكم








بديت بسم مكون الكون تكوين
اللي يقر أمره بالكاف والنون
يالله ياللي تجلي الصعب باللين
يا واحدٍ كل الملا له يعبدون
طالبك رب البيت رحمة وتهوين
يوم البشر يوم الحشر هم يصفون
وإن ضاقت الدنيا علي يالله تعين
وتعين منهو يعبدك خالق الكون
هو صابني حب الغواني من العين
واصبحت في بنك المعاشيق مديون
سلم علي وطاحت العين بالعين
طلبت ربي يحرسه شر العيون
ماظني إن ربي خلق منه اثنين
وإن كان به ثاني فلا هو بمزيون
خذا الحلا كله غدا كامل الزين
سبحان ربي واهبة ذيك الجفون
وإن شفت من يمشي معه قلت له وين؟!
براحتك لو تبغي الناس يحكون
خيلٍ كفاها ربي لجام فكين
كحيلة العينين والرمش موزون
صالت وجالت روحها في الشرايين
والقلب تسرح به ان صار مفتون
ردي علي القلب يا بنت تكفين
سلب القلوب اليوم ماهو بمسنون
ياشين بعض العشق ياناس يا شين
وأخص عشقٍ يجعل القرم مجنون
ومنهو اذا مروا عليه المزايين
ما ينتعش له قلب ويصير محزون
هذا عذر قلبي والاعذار تبيين
وتبين اللي بخافي الجوف مكنون
والعذر ياعيال القروم الشياهين
لي اخطيت في قولي ترا الناس يخطون
والختم صلوا عد كثر المصلين
واعداد ما هل المطر تحت المزون
على نبي الله ختم النبيين
محمد المختار من خالق الكون
 
صح لسانك درة الشوق و الله يعطيك العافية ومن إبداع اللي إبداع إنشاء الله و أنا في انتظار جديدك
وبالحب و ألوفا و الإخلاص دمتم
أخوك / الرميلي
 
الحمد لله على سلامتك اخوي درة الشوق المهم انك ما نسيت منتدى عبير وما نسيت زوارها وصح لسانك على القصيده بصراحه القصيده بمنتهى الروعه وبعد اذنك راح اضيفها في دفتري الخاص بالشعر
 
عودة
أعلى