قصيدة يمه اذنبت ونزحت من العشيره - ناصر القحطاني

ديوان الشاعر ناصر القحطاني - شاعر الاندلس
  • ارسال إلى Twitter
  • ارسال إلى facebook
  • ارسال إلى google plus
    1. *مزون شمر*
      28-12-2007, 02:43 AM

      قصيدة يمه اذنبت ونزحت من العشيره - ناصر القحطاني

      قصيدة يمه اذنبت ونزحت من العشيره - ناصر القحطاني


      يمه اذنبت ونزحت من العشيره
      وان تمنو توبتي مانيب تايب

      مابي لدنيا الغنادير اي سيره
      طايح من عام الاول في مصايب

      يمه اللي حب له طفله صغيره
      ويش يسوي لاغدا فيها طلايب

      طفلة ماكانت بحبي جديره
      بس كانت غير عن كل الحبايب

      كنت اسميها العنود المستذيره
      ليت اهلها العام سموها عجايب

      كنت اجيها مثل الامطار الغزيره
      كنت اضيع بجوها مثل الهبايب

      وادعي الله هي متى تصبح كبيره
      تفهم اشلون المكان يصير ذايب

      ان تغنت تصبح الطرقه قصيره
      وان تغلت تصبح جروحي عطايب

      صنتها مثل البحر لابعد جزيره
      ماتركت علومها لاهل الركايب

      ديرة ماهي بها ماهيب ديره
      لو ثراها عشب واعلاها سحايب

      يمه اتحبين طايلة الضفيره
      اه والله ياعليها اشقر ذوايب

      قالت ان جا الراس شايب فيه خيره
      قلت يابنت الحلال الراس شايب

      قالت الا الحب وشهو وش مصيره
      قلت انا استاهل وانا كل السبايب

      ماجزا اللي حب له طفله صغيره
      غير قبر و ضحكها فوقه نصايب
      250*300 Second
    2. أروى
      18-07-2009, 07:02 PM

      قصيدة يمه اذنبت ونزحت من العشيره - ناصر القحطاني


      صح لسانك
    3. سجين الحال
      03-04-2010, 05:19 PM

      قصيدة يمه اذنبت ونزحت من العشيره - ناصر القحطاني


      مشكور بس القصيدة المسموعة تختلف عن اللي مكتوب
    4. ترانيم الفرح
      03-04-2010, 09:41 PM

      قصيدة يمه اذنبت ونزحت من العشيره - ناصر القحطاني


      اختيار موفق

      وشاعر رائع

      يعطيك العافيه.........