قصيدة يمه الغربة وفرقاك ملتمه - ناصر القحطاني

ديوان الشاعر ناصر القحطاني - شاعر الاندلس ارسال إلى Twitter ارسال إلى facebook
  1. *مزون شمر*
    28-12-2007, 02:38 AM

    قصيدة يمه الغربة وفرقاك ملتمه - ناصر القحطاني

    قصيدة يمه الغربة وفرقاك ملتمه - ناصر القحطاني


    يمه الغربة وفرقاك ملتمه

    دمعة العين هذي مالها داعي


    يابعد راسي انتي ليه مهتمه

    الوجع لي سواة الناي للراعي


    اخر أخباري الذمه هي الذمه

    والوصايا هذيك تقدي شراعي


    مابه الا السواد يحاود اليمه

    ولا به الا البياض اللي ورا أضلاعي


    وأشعل ما يفارق ليل حضن امه

    وأخضر كل صبح من أول أتباعي


    يتعب البرق ما أتعب النظر يمه

    وانشديهن بعد ما قلت أطماعي


    أنجبن لي عروسة حلم أضمه

    أو بعد توها تشرب عطش قاعي


    واذكري كيف كان العود ابو عمه

    ايتعلى صهيله وأرخي أسماعي


    امنياتي بدرب ودي أتمه

    اخره صعب وأصعب منه مرجاعي


    يوم كلن فزع له خاله وعمه

    يكفي اني وردت العد بذراعي


    أرفع الراس بين الروس ما همه

    وأتباهى وأنا الغرقان بأوجاعي


    يمه الحر طبعه يعشق القمة

    وأنتي اللي فطمتيني على أطباعي


    الهواء دام راسي حي ويشمه

    والله اني لاسوق هناك ذعذاعي


    غربة تلوي ذراع أشجع الخمه

    لا تخافينها لو تقلب أوضاعي


    يمكن تبعثر الرجال وتلمه

    بس بدري عليها تلوي ذراعي



    القصيدة مسموعه

    http://www.faisal1.com/poems/rm/alghtani-4.ra
  2. طير القوافي
    15-07-2009, 04:09 PM

    قصيدة يمه الغربة وفرقاك ملتمه - ناصر القحطاني


    واذكري كيف كان العود ابو عمه

    ايتعلى صهيله وأرخي أسماعي


    صح لسان الشاعر ولسانك
  3. أروى
    18-07-2009, 07:00 PM

    قصيدة يمه الغربة وفرقاك ملتمه - ناصر القحطاني


    يسلموو على القصيده الرائعه