قصيدة لو وقفوا هالغرب في صف شارون - خالد المريخي

ديوان الشاعر خالد المريخي
  • ارسال إلى Twitter
  • ارسال إلى facebook
  • ارسال إلى google plus
    1. *مزون شمر*
      24-12-2007, 03:16 AM

      قصيدة لو وقفوا هالغرب في صف شارون - خالد المريخي

      قصيدة لو وقفوا هالغرب في صف شارون - خالد المريخي


      أبدي بذكر المرتجى خالق الكون
      الواحد اللي دوم لرضاه راجين

      اللي حكم بالكون بالكاف والنون
      سبحانه اللي نزل ايات ياسين

      ومن بعد ذكر الله أبا اقول وش لون
      تبدلت فينا من الزين للشين..!؟

      تاريخنا بالمجد له ساس وقانون
      والوقت بدل ما لنا من قوانين

      اللي أشوفه يا عرب بالتلفزون
      غير الذي حاصل من أعوام وسنين

      أشوف شي مثل ما انتم تشوفون
      وش حاصل بالقدس وباقي فلسطين

      ذيك الديار اللي بها المجد مكنون
      مسرى نبي الله ومهد النبيين

      أشوف فيها العدل ماهوب مصيون
      وأشوف فيها ذل ناس عزيزين

      وأشوف فيها الظلم والذل والهون
      ولا تقبل الذلة نفوس الكريمين

      ناس بلا مسكن وناس يموتون
      وناس على وضح النقا مستذلين

      اللي بقا منهم بهالأرض يفنون
      وأكثرهم اللي عن وطنهم بعيدين

      تبغى السلام اللي على الحفظ والصون
      والسلم ماهو في يدين المجرمين

      اللي طغو فالأرض والناس يدرون
      ما مثلهم بالكون كود الشياطين

      أنجاس للإسلام دايم يكيدون
      يا الله تحبط كيدهم هالملاعين

      ذولا خنازير على الأرض يمشون
      حرام إن ذولا امخلوقين من طين

      لو وقفو هالغرب في صف شارون
      حنا بصف اللي يهز الميادين

      رب كريم عز موسى وهارون
      وأنجى نبيه من كيود المشركين

      يا الله يا اللي لك عبادك يصلون
      يا الباقي وكل المخاليق فانين

      تنصر عباد لك على قوم صهيون
      وتجلب لهم يوم مثل يوم حطين

      تمت بحمد المرتجى خالق الكون
      والحمد للخالق على نعمة الدين
      250*300 Second
    2. أروى
      04-08-2009, 08:27 AM

      قصيدة لو وقفوا هالغرب في صف شارون - خالد المريخي


      واو
      كلمات روووعه
    3. غريقه الشوق
      11-12-2009, 02:29 PM

      قصيدة لو وقفوا هالغرب في صف شارون - خالد المريخي


      الله يعطيك العافيه
      مبدعه وابداعك لا حدود له
      موودتي
      غريقه الشوق
      .
      ,
    4. صالح الصالح
      28-12-2009, 12:12 AM

      قصيدة لو وقفوا هالغرب في صف شارون - خالد المريخي


      وللاسلام مجد تليد

      وتاريخ مجيد

      ايه التاريخ فاشهد


      جميل ما نقلتي اختي مزون