قصيدة فخر الامجاد - حامد زيد

*مزون شمر*

عضو مؤسس
ياطيب شوف مروتك مع هل الطيب
كانك تبي تعرف اصول المروه



طالع فلاح وتقطع الشك والريب
خلك معه واللي يسويه سوه



إذا المراجل عندك تحظر وتغيب
تغيب عندك وتحظر مع سموه



هذاك ماتحسن به الظن وتخيب
راعي جميل وخوته غير خوه



اسلوب طيبه غير كل الاساليب
حموته ماهي مجرد حموه



فعله لحاله طلع براسي الشيب
بأسبوع جدد نظرتي للإخوه



تسمع سكوته تحسب ان الحكي عيب
تسمع كلامه ماتحسد المفوه



ان كانها بالمرجله والمواجيب
أعز من شبت على الارض ضوه



فلاح شوق المترفات الرعابيب
تفخر به امجاد العلا من علوه



واثق بخلانه ثقة عالم الغيب
ويوفي بميعاده ولو مع عدوه



النو يسرق من يديه التراحيب
ومكارمه تسرق من الغيث نوه



واغلا صفاته جابها بالتجاريب
وطهر سماته من سمات النبوه



ان جيت له بالطيب بيجيك بالطيب
ومن جاه بالقوه يجيله بقوه



اصلا حلاة الادمي سهل وصعيب
مثل البحر يخفي غضبه بهدوه



مدح بغير عيال زايد عذاريب
الطيب نابع من حنان الابوه



ياطيب لو كثرو عليك المعازيب
واحترت بين مزبنين الجلوه


طالع فلاح ويطلع براسك الشيب
خلك معه واللي يسويه سوه



إذا المراجل عندك تحظر وتغيب
تغيب عندك وتحظر مع سموه
 
التعديل الأخير بواسطة المشرف:
ابيات رقيقه كرقة ذوقك وجماله..
صح لسانك ولسان الشاعر..
يعطيك العافيه..
مودتي ,,
zezo
 
ياطيب لو كثرو عليك المعازيب
واحترت بين مزبنين الجلوه


طالع فلاح ويطلع براسك الشيب
خلك معه واللي يسويه سوه

صح لسانكم
 
عودة
أعلى