قصيدة الدعاء المستجاب - حامد زيد

ديوان الشاعر حامد زيد - شاعر الجمهره
  • ارسال إلى Twitter
  • ارسال إلى facebook
  • ارسال إلى google plus
    1. *مزون شمر*
      21-12-2007, 03:11 PM

      قصيدة الدعاء المستجاب - حامد زيد

      قصيدة الدعاء المستجاب - حامد زيد


      اشرق نهار ابوظبي واكتأبت بلاد الضباب
      وابتلت ارياق الدعا شكر ونحيب ومعمعه



      صحيح ما رد القضاء الا الدعاء المستجاب
      ولا تهز المسلمين الا الظروف المفزعه



      الله خلق للضيق باب وللفرج مليون باب
      ينزل بلاءه لو يشاء ولو يشاء بيرفعه



      ما يكتب لمؤمن ضرر الا وله اجر وثواب
      ياشيخ ربك ما يضر المؤمن الا ينفعه



      البارحه كشر علي من الوله مليون ناب
      واختر للدرب الشراع اللي هبوبك تدفعه



      ولا دريت اني سريتك لين شددت الركاب
      من الكويت ولا حللت الا على رحب وسعه



      من لا حزم امتعه ولا اتنقالي ثياب
      فزيت لا ماخذ ثياب ولا ذكرت الامتعه



      دام الطريق لهامتك لوهو ذهاب بلا اياب
      لأجل افرح بسلامتك ماقطع طريقك وارجعه



      ياشيخ لو ان البكى يشفي من العله مصاب
      ما ظل واحد بالجزيره ما تفجر مدمعه



      من لا جزع من غيبتك ما عاد يجزع من غباب
      ومن لا تزعزع من مصابك ماحد بزعزعه



      ان طحت طحنا كلنا وان طبت كل الشعب طاب
      نفس المصير اللي جرعته كلبونا نجرعه



      اللي يقاسمنا الضما بنقاسمه طرد السراب
      واللي يحس بجوعنا لامن شبعنا نشبعه



      الله خلقنا للظروف المفزعه خوة ذياب
      ولا تبان الخوة إلا بالظروف المفزعه



      لو يحصل (لزايد) مصاب نشاركه نفس المصاب
      ما نتركه يدفع ثمن إلا نتسابق ندفعه



      نغضب مدام انه غضب . ننهاب مادامه مهاب
      نضر من ضره ونخدع من يحاول يخدعه



      لأنه قريب لفرحنا نبقى لأحاسيسه قراب
      اما سكن بضلوعنا وإلا سكنا بأضلعه



      نحضر معاه اليا حضر ونغيب له مادام غاب
      وإن قام قمنا كلنا وإن فز فزينا معه



      إن ما اكتأبنا من غيابك.من يعرف الاكتاب
      واذا الخليجي ما سمع صوتك اجل من يسمعه؟



      ما شاب حبك للعمل وانت بسواعدنا شباب
      ياشيخ ماتفقد امل طاع الزمن وإلا طعه



      خذنا رقاب من ذهب وإضرب ولا تحسب حساب
      نفداك رد اللي ترده واقطع اللي تقطعه



      وشلون يركبنا الخطى وبطاعتك عين الصواب ؟
      كيف يتعداك العطى وانت إنخلقت بمنبعه



      مخاطبك يا سيدي ماهو بحيالله خطاب
      ومثلي مهو بكل القصيد اللي بمدحك يقنعه



      ماجيك وجه لوجه مابيني ولا بينك حجاب
      إلا اجمع الك اللي يعجز الجن الازرق يجمعه



      ماحب أوصفك بشطر من غير ما اشقق كتاب
      ياشيخ انا ما ابدعت شي.اوصافك انت المبدعه



      شوف الرجال وشوف نفسك.ويش جاب لويش جاب؟
      هو فيه احد بالكون كله يصنع اللي تصنعه؟



      شف وانت واحد بالبلد واسمك يعيش بكل شاب
      وشلون اجل لوفيه مثلك بالامارات اربعه؟



      لو ما انخلقت انسان.لايمكن تكون إلا سحاب
      لأنك رفيع ولي عطيت الخير ما تسترجعه



      يا ذخر لصعاب الحلول وفخر بحلول الصعاب
      يامرجع شموخ المراجل يالشموخ بمرجعه



      يادرع حكام العرب يا شوق تلعات الرقاب
      يانافع الناس بزمان قلت إبه المنفعه



      سلامتك كثر البكا اللي ينزف بدعوة مجاب
      وسلامتك كثر الدعا اللي رحمة الله ترفعه



      وسلامتك كثر الغلا وكثر الملا وكثر العتاب
      وكثر الزهر وكثرالمطر وكثر الشجر وكثر أفرعه



      وكثر اللي ما بعده عدد.ولا يوصل له حساب
      وكثر اللي ما اعرفه ولا اسمع فيه.ولا راح اسمعه



      سلامتك منيه الى اخر شبر فوق التراب
      سلامتك منك الى غرب الوجود لمطلعه



      من يوم نورت الوطن وأكتأبت بلاد الضباب
      ماجفت حلوق الدعا شكر ونحيب ومعمعه



      صحيح ما رد القضاء إلا الدعاء المستجاب
      ولا تهز المسلمين إلا الضروف المفزعه




      القصيدة مسموووعه
      250*300 Second
    2. سميا
      16-04-2009, 08:30 AM

      قصيدة الدعاء المستجاب - حامد زيد


      ابيات رائعه جدا يسلمووو
    3. أحلى إحساس
      14-07-2009, 05:32 AM

      قصيدة الدعاء المستجاب - حامد زيد


      يسلموووووووووووووو
      روووعه..
    4. طير القوافي
      15-07-2009, 03:23 AM

      قصيدة الدعاء المستجاب - حامد زيد


      صح لسانك ولسان
      الشاعر

      مودتي
    5. دلع ولع
      15-07-2009, 03:31 AM

      قصيدة الدعاء المستجاب - حامد زيد


      صح لسانك الصراح كلامتها حلوووووووه
    6. zezo
      28-09-2009, 02:07 AM

      قصيدة الدعاء المستجاب - حامد زيد


      يسسسسسسلمو