12

ياشينها لا صرت معجب (( وخجلان ))

الشعر, قصيدة , شعراء, القصايد ارسال إلى Twitter ارسال إلى facebook
  1. ببسي
    20-12-2007, 12:04 AM

    ياشينها لا صرت معجب (( وخجلان ))

    ياشينها لا صرت معجب (( وخجلان ))


    السلا عليكم

    قصيده (( رايقه)) وتحكي وقائع بالحياه .. وأن شاء الله ماتكون مكرره بالمنتدى

    أخليكم معها



    ياشينها لا صرت معجب و ( خجلان )
    ...............خوف المصارح لا يجيب المطمه

    اخاف اصارح بالغلا ( ذاك الإنسان
    ...............و ينقلب ( جوو المصارح مذمه)

    ويا شينها لا صرت مغرم و ( زعلان )
    ...............محد يراضي قلبك و ( محد يمه)

    وان رحت محد قال لك: (وين يافلان)؟
    ...............روحتك مع جيتك .. ماهي مهمه

    ويا شينها لا صرت عايش بحرمان.
    ...............مثل اليتيم اللي فقد شوفة أمه

    ماخوذ حقه وانظلم شوف الأعيان
    ...............واللي اظلموه (عيال لحمه و دمه )

    ويا شين صاحب دربك(ان صار ثعبان)
    ...............لا هو تركك و لا نفث فيك سمه

    كنا خويا وانتسمى بالأخوان
    ...............واليوم أسمه بأخبث الناس سمه

    ويا شينها لا صرت ناجح و ندمان
    ...............وصلت قمه ( وغيرك بأعلا قمه )

    مثل الإمام ..العالم بفقه الأديان
    ...............يومه نجح .. والكل صاروا ( أأمه )

    ويا شينها لا صرت تايه وحيران
    ...............وسط الطريق .. و باقي فيك همه

    ودك ترووح .. واخر الدرب ما بان
    ...............تخاف تمشي .. ( ثم تغشاك غمه )

    ويا شينها لا صرت مبلي ومنهان
    ...............والعلم كله .. من اكاذيب نمه

    ما فيه ضدك لا دلايل وبرهان
    ...............ودخان نارك مستحيل تشمه

    ويا شينها لا صرت من روس الاعيان
    ...............ثم تنقلب في نظرة الناس رمه

    ويلاه يا وقت نوى لي بعصيان
    ...............أثر الزمن يا ناس ما فيه ذمه

    ويا شين طرد المقفي لو كنت ولهان
    ...............ياخذه شيطان الغرور و يخمه

    يظن انك هايم به وشفقان
    ...............ما يدري انه لو فطس ... ما تهمه

    وماشين من معاشر قليلين الإيمان
    ...............درب الهداية .. لا .. أبد ... ما تتمه

    الخلق سجن وصاحبك فيه سجان
    ...............والعلم خال العز .... ( والجود عمه )

    ويا شينها .. أصلا بقى شي ما شان ..؟
    ...............هذي الليالي طبعها مدلهمه

    الشين والله شين غالين الأثمان
    ...............لا قام كل رافع فوق فمه

    ( ويا زينها ) لا صرت لاهي و طربان
    ...............وحبل القصايد يرتجيك و تلمه

    يا ليل دانه .. ليل دانه .. لا لا .. دان
    ...............ما فيه ثوب يستر أطراف كمه

    يا زينها لا صرت معجب و خجلان
    ...............تنثر علومك لو تجيب المطمه


    م ل ط و ش


    ببسي ~
  2. رمـ الغلآ ـش
    20-12-2007, 12:24 AM

    ياشينها لا صرت معجب (( وخجلان ))


    والله وجبتها ع العووق ..

    سلمت يمناك ع اللطش الطيب ..

    كلك ذوووق ..

    /
    \
    /

    رمش الغلا ..
  3. ببسي
    20-12-2007, 12:49 AM

    ياشينها لا صرت معجب (( وخجلان ))


    .. رمش الغلا ..

    أنت منبع الذووق

    ألف وعشر طعش يسلمو على زيارتك أختي

    تحياتي


    ببسي ~
  4. *مزون شمر*
    20-12-2007, 01:51 AM

    ياشينها لا صرت معجب (( وخجلان ))


    يسلمووو ببسي
    قصيدة رائعه
    واختيار اروووع
    تحياتي
  5. ببسي
    20-12-2007, 01:54 AM

    ياشينها لا صرت معجب (( وخجلان ))


    .. مزون شمر ..

    أشوا وربي حاسب لحضورك

    أحسبك بتقولين زي نقل القصايد اللي مضت

    (( مكرره )) وأخيرا

    الله مير مرسي على المرور

    تحياتي

    ببسي ~
  6. بنت زآيد
    20-12-2007, 10:33 AM

    ياشينها لا صرت معجب (( وخجلان ))


    صح لسانك

    قصيدة جميله


    يسلموووووو


    تحياتي...
  7. الساري911
    20-12-2007, 12:23 PM

    ياشينها لا صرت معجب (( وخجلان ))


    اخوي ببسي مشكور على الكلمات الرائعه

    تقبل مروري ولك تحياتي
  8. ببسي
    20-12-2007, 07:48 PM

    ياشينها لا صرت معجب (( وخجلان ))


    .. بنت زايد .. الساري 911 ..

    مواصلة متابعتكم أسعدتني كثيرا

    منورين المواضيع التي أكتبها واضفتم لها نكهه خاصه

    تحياتي لكم


    ببسي ~
  9. الأصيل
    20-12-2007, 07:55 PM

    ياشينها لا صرت معجب (( وخجلان ))


    ببسي الغلا
    حظك يالدووب نجيت من الرادار مزون
    مشكووريالغالي على النقل الرائع
    والذووق الأروع
    تقبل مروري
  10. ببسي
    20-12-2007, 07:58 PM

    ياشينها لا صرت معجب (( وخجلان ))


    .. الأصيل ..

    هلا والله بالمرور الظريف

    إي والله إنك صادق .. مزون ينخاف منها نظاميه ماعندها لعب ورعان

    الله يعطيها العافيه

    وأشكر لك أطلاعك حبيب ئلبي

    تحياتي


    ببسي ~
12