ياشينها لا صرت معجب (( وخجلان ))

ببسي

Member
السلا عليكم

قصيده (( رايقه)) وتحكي وقائع بالحياه .. وأن شاء الله ماتكون مكرّره بالمنتدى

أخليكم معها


ياشينها لا صرت معجب و ( خجلان )
...............خوف المصارح لا يجيب المطمّه

اخاف اصارح بالغلا ( ذاك الإنسان
...............و ينقلب ( جوو المصارح مذمّه)

ويا شينها لا صرت مغرم و ( زعلان )
...............محد ٍ يراضي قلبك و ( محد يمّه)

وان رحت محد ٍ قال لك: (وين يافلان)؟
...............روحتك مع جيّتك .. ماهي مهمّه

ويا شينها لا صرت عايش بحرمان.
...............مثل اليتيم اللي فقد شوفة أمّه

ماخوذ حقّه وانظلم شوف الأعيان
...............واللي اظلموه (عيال لحمه و دمّه )

ويا شين صاحب دربك(ان صار ثعبان)
...............لا هو تركك و لا نفث فيك سمّه

كنّا خويّا وانتسمّى بالأخوان
...............واليوم أسمه بأخبث الناس سمّه

ويا شينها لا صرت ناجح و ندمان
...............وصلت قمّه ( وغيرك بأعلا قمّه )

مثل الإمام ..العالم بفقْه الأديان
...............يومه نجح .. والكل صاروا ( أأمّه )

ويا شينها لا صرت تايه وحيران
...............وسط الطريق .. و باقي ٍ فيك همّه

ودّك ترووح .. واخر الدرب ما بان
...............تخاف تمشي .. ( ثم تغشاك غمّه )

ويا شينها لا صرت مبلي ومنهان
...............والعلم كلّه .. من اكاذيب نمّه

ما فيه ضدّك لا دلايل وبرهان
...............ودخّان نارك مستحيل ٍ تشمّه

ويا شينها لا صرت من روس الاعيان
...............ثم تنقلب في نظرة الناس رمّه

ويلاه يا وقت ٍ نوى لي بعصيان
...............أثر الزمن يا ناس ما فيه ذمّه

ويا شين طرد المقفْي لو كنت ولهان
...............ياخذه شيطان الغرور و يخمّه

يظن انّك هايم ٍ به وشفقان
...............ما يدري انّه لو فطس ... ما تهمّه

وماشين من معاشر قليلين الإيمان
...............درب الهداية .. لا .. أبد ... ما تتمّه

الخلْق سجن وصاحبك فيه سجّان
...............والعلم خال العز .... ( والجود عمّه )

ويا شينها .. أصلا بقى شي ما شان ..؟
...............هذي الليالي طبعها مدلهمّه

الشين والله شين غالين الأثمان
...............لا قام كل ٍ رافع ٍ فوق فمّه

( ويا زينها ) لا صرت لاهي و طربان
...............وحبل القصايد يرتجيك و تلمّه

يا ليل دانه .. ليل دانه .. لا لا .. دان
...............ما فيه ثوب ٍ يستر أطراف كمّه

يا زينها لا صرت معجب و خجلان
...............تنثر علومك لو تجيب المطمّه​

م ل ط و ش


ببسي ~​
 
.. مزون شمّر ..

أشوا وربي حاسب لحضورك

أحسبك بتقولين زي نقل القصايد اللي مضت :k:

(( مكرره )) وأخيراً :i:

الله مير مرسي على المرور

تحيّاتي

ببسي ~​
 
.. بنت زايد .. الساري 911 ..

مواصلة متابعتكم أسعدتني كثيراً

منورين المواضيع التي أكتبها واضفتم لها نكهه خاصه

تحيّاتي لكم


ببسي ~
 
ببسي الغلا
حظك يالدووب نجيت من الرادار مزون :k:
مشكووريالغالي على النقل الرائع
والذووق الأروع
تقبل مروري​
 
.. الأصيل ..

هلا والله بالمرور الظريف :k:

إي والله إنك صادق .. مزون ينخاف منها نظاميه ماعندها لعب ورعان :k:

الله يعطيها العافيه :k:

وأشكر لك أطلاعك حبيب ئلبي

تحيّاتي


ببسي ~​
 
\\
\\

قصيدة بمنتهى الرووعة والجمال

بالفعل تحكي واقع حال بهذه الدنيا الغريبة

\\
\\


بيبسي

من تميز لاخر

سلمت يمناك سيدي

\\
\\
 
((( الشيخه العراقيّه )))

مخرج كلامك ((( سماء))) والمعاني تحلّق في كبد جنون

الأبداع


وطلة شموخك يجعل الحرف ينصاع رغماً عنه أم برضاه ...



أجّل الأمتنان لقدومك



ببسي ~
 
( ويا زينها ) لا صرت لاهي و طربان
...............وحبل القصايد يرتجيك و تلمّه

يا ليل دانه .. ليل دانه .. لا لا .. دان
...............ما فيه ثوب ٍ يستر أطراف كمّه

يا زينها لا صرت معجب و خجلان
...............تنثر علومك لو تجيب المطمّه
 
(( أهداء خاص ))
//
//

الحب شايب والفراق ابنه العاق
والوصل غايه والقصايد وسيله

اثر المفارق له علاقه بالاخلاق
ويقصر طويلة صدر راعي الطويله

مافيه اشرّ من الهواوي ليا ضاق
من ضيقته حتى البزر يشتكي له

ياللي غضبت وكانت حلولك فراق
الغيض ولعه والمجادل فتيله

ابليس للفتنه وللشر سبّاق
يجيك في صورة رذيل ورذيله

العين مايغدي بها كل برّاق
والاذن ماكل الحكي ترتخيله

راعي الكلام يزّود الطاق بالطاق
يحكي بشخص وياصله ويحكي له

خص ٍ ليا كان الحكي بين عشّاق
ماله سوا: مالك دخل والفشيله

لو شفت وش قيمة غرامك بالاعماق
ماطعت لو لاموك فيني قبيله

ماهو تضيّق صدرك وتركز الساق
كنّي كفرت وقاتل ٍ لي قتيله

ياللي خدودك قطنه وعودك دقاق
والوجه ياحلوه وياحبني له

عليك ماظني بتحتار الاذواق
الا اليا كانه هبيل او هبيله

صغيّر ٍ وتشيل حمل ٍ ماينطاق
وشلون عافرت الحمول الثقيله

وانا احسبنك طيّب وقلبك رقاق
يامدرّس فنون القساوه لجيله

رح والشقا على الهواجس والاوراق
ياللي عقب فرقاه شوقه بديله

اشتاق وادري مانت راجع لو اشتاق
مير العوض بالذكريات الجميله​

(( أتمنّى يوصل المراد بالشكل المطلوب ))
 
عودة
أعلى