قصيدة حاضر بحاضر واللغة والقوانين - ياسر التويجري

ديوان الشاعر ياسر التويجري - متنبي العصر, شاعر المستحيلات ارسال إلى Twitter ارسال إلى facebook
  1. شذى عمان
    19-12-2007, 01:03 AM

    قصيدة حاضر بحاضر واللغة والقوانين - ياسر التويجري

    قصيدة حاضر بحاضر واللغة والقوانين - ياسر التويجري


    حاضر بحاضر واللغة والقوانين ...بشروطها ماهيب تمشي عليه
    قطف الخزامى والنفل والرياحين ...فيك انت يا مشعل شويه شويه
    عليك اترجم معجم الروس والصين ...لين اخترع لك قنبلة نوويه
    أنا حصاة ن فررتها البراكين ...وأراد ربك لين طاحت هنيه
    إما احتملني يا ملاذ المساكين ...وإلا إعتبرها جلسة ن حنبليه
    سلام يا عز الأقاصي و الأدنين ...يابو اليتامى يا زبون الونيه
    يا النادر اللي زهلوك الميامين ...على الشرف وقيادة الشاذليه
    ملوك الأرض مخزمين المعادين ...يوم إنها بالسيف و العنجهيه
    جوهاعلى ظهورالصفر والبعارين ...اللي عليهم تاقف الوايليه
    عبدالعزيزاللي يدير الميادين ...في حكمة ن وسياسة ن عبقريه
    ما راح يدرسها بلندن وبرلين ...ولا درس في مدرسه جامعيه
    درس على شرب الكدر بالفناجين ...و ضرب العلابي بالسيوف القويه
    هامات نجد من اول الوقت والحين ...حنا لهم و ان ثارت الطايفيه
    ضرب الفشق بمقبلات المخازين ...وحفظ الظعن والهوش دون البنيه
    لا شيطنوا حنا سعوط الشياطين ...قد قالها اللي ما يخلي خويه
    لا شرع غير كتاب رب المصلين ...ولا فيه سنة غير سنة نبيه
    جيولوجيا الذرة وعلم الموازين ...والفلسفه والرطنه الفارسيه
    ومولفات بلير و إسحاق رابين ...وسقراط و ادينوس والراهبيه
    تفنى ويبقى وجه رب الثقلين ...مدبر الأرزاق جزل العطيه
    والملك للي يخدمون الحرمين ...عقب الامام اهل الخشوم العصيه
    ملاذنا لاجاء شريد النهارين ...اللي عجاجه يدفن الفيصليه
    عطواعطوا لين اغرقوا واسع العين ...اللي نكر وقفاتنا الأوليه
    الشام كله مع ضواحي فلسطين ...إلى العراق وشاطي اسكندريه
    إن ما اعترف بالحق واقر بامين ...تهوي عليه النجمه النيزكيه
    وتاريخنا ماهوب قبل 4 سنين ...بالديجيتال وافلامه المصنعيه
    حنا على روس اللقا بالنقيضين ...بدروعنا و سيوفنا الصيرميه
    وفتح الرياض وما ذكرنا من شوين ...مع درب وفيضة العامريه
    وتوحيدها في عام واحد وخمسين ...من اليمن للدوله الهاشميه
    والملك للي يخدمون الحرمين ...عقب الامام اهل الخشوم العصيه
    عبدالله وسلطان يا امير عينين ...عينين في راس الشرف والحميه
    في ظلهم نقطف ورود البساتين ...وعلى الطوايل نجذب السامريه
    الواصلين الفاصلين التقيين ...ساطين لكن عفوهم مقدريه
    اما انت يامشعل على العقل والدين ...والهيبه اللي تقطع ام المطيه
    حتى الجمال اللي لحاهن ذراعين ...من صفي حجانك تقرب سويه
    اعرفك زين و كل عرفي لك الزين ...انك بترت الناقصه والرديه
  2. سميا
    17-04-2009, 05:00 PM

    قصيدة حاضر بحاضر واللغة والقوانين - ياسر التويجري


    جووووووونان
  3. بنت الاجواد
    24-05-2009, 05:32 PM

    قصيدة حاضر بحاضر واللغة والقوانين - ياسر التويجري


    مشكوره
  4. أروى
    04-06-2009, 03:37 PM

    قصيدة حاضر بحاضر واللغة والقوانين - ياسر التويجري


    الله يعطيك الف عافيه
  5. اميره الضلام
    15-08-2009, 04:54 AM

    قصيدة حاضر بحاضر واللغة والقوانين - ياسر التويجري


    يسلموووووووووووووووووووووووووووووووووووووو كلك ذوق وتقبلي مروري البسيط