قصيدة اثنين بالميه - حمد السعيد

ديوان الشاعر حمد السعيد ارسال إلى Twitter ارسال إلى facebook
  1. *مزون شمر*
    19-12-2007, 12:53 AM

    قصيدة اثنين بالميه - حمد السعيد

    قصيدة اثنين بالميه - حمد السعيد


    يا العود ما للجمر في قصة احراقك
    هم البشر طبعهم قسوه وانانيه

    فنيت عمرك وفا لعيون عشاقك
    والناس في هالزمن محد ذكر حية

    وجه التشابه كبير الفرق بفراقك
    مره احتراقك وانا اللي احترق ميه

    هاذا الزمن وان تساوى الليل باشراقك
    بعيون من حاضره يشبه لماضيه

    ما عاد انا مخايل مزنك وبراقك
    وجعل الشقى ما يجي شغلة وراثيه

    ويا الحزن لولا الامل والصبر من طاقك
    مع البشر كن لك روح عدائيه

    والحلو في هالزمن المر من ذاقك
    باقول واحد لا بقول اثنين بالميه

    ان بعثرك هالزمن من يجمع اوراقك
    وان جمعك فاعرف ان الوقت له نيه

    يا ضحكة العمر ياني حيل مشتاقك
    لا شان وجه الزمن لا تقطع الجيه

    ما قلت لي شها لجفا من بعثر اشواقك
    وتدري بليالي الجفا ماهي ب عاديه

    اذا طروك احترق واشتاق لعناقك
    واقول تكفون لا تجيبون طاريه

    يا ما تمنيت اشوفك والزمن عاقك
    اللي مثل حالتي يا صعب امانيه

    كد قالها شاعر عن قولهم باقك
    كن البلاوي تشابه مع بلاويه

    مدامها بالتمني باطلب فراقك
    لان الاماني مع شرواي عكسيه
  2. سميا
    16-04-2009, 08:47 AM

    قصيدة اثنين بالميه - حمد السعيد


    ابيات رائعه جدا يسلمووو
  3. فجر الورد
    14-09-2009, 09:37 PM

    قصيدة اثنين بالميه - حمد السعيد


    رائعة تسلم الايادي
  4. دلعي معذبهم ♡
    09-02-2010, 10:16 PM

    قصيدة اثنين بالميه - حمد السعيد


    يعطيك العافيييه
  5. Şħėறŏ5»♥ⁿ
    31-03-2010, 07:14 PM

    قصيدة اثنين بالميه - حمد السعيد


    قمه الروعه

    يعطيك العافيه

  6. المريسي
    09-09-2015, 09:01 AM

    رد: قصيدة اثنين بالميه - حمد السعيد

    قصيدة اثنين بالميه - حمد السعيد


    شكرا عالكلمات

    تحياتي