ردية ياسر التويجري مع السامر

ديوان الشاعر ياسر التويجري - متنبي العصر, شاعر المستحيلات ارسال إلى Twitter ارسال إلى facebook
  1. شذى عمان
    19-12-2007, 12:50 AM

    ردية ياسر التويجري مع السامر

    ردية ياسر التويجري مع السامر


    بسم الله الرحمن الرحيم

    النجم ياسرمحمد التويجري يبدا هذه الرديه بثلاثة ابيات جميله يوجهها على شاعر ال سعود الامير عبد العزيز بن سعود السامر ...
    ويختزل الوفاء في مشاعر لاتعرف انصاف الحلول ويقول:

    ياسر التويجري

    عطيتني ياللي زهتك التواصيف
    واجزلت يازيف السنين العجافه
    ماتت بعد مدتك كل المعاريف
    تقصرمع العيطارقبه الزرافة
    تسلم ياشوق مظمرات السراجيف
    طرق البنات اللي تضم بلطافه


    السامر

    ثلاثة ابيات حكرها على الكيف
    الشاعر اللي يطرب النفس قافه
    صقار طير نشوته شوفة الريف
    فيه الحباري قدم والاخلافه
    وقصايده تشفي كبود المواليف
    واللي من الفرقا همومه لحافه


    واخيرا" يفجر التويجري قنابل الابداع والاثاره ويقول:

    ماهن ثلاثه يازبون التكاليف
    فيك انت اغرق طابعات الصحافه
    يامسندي مالك عليه محاليف
    احيان احس اني على الشعر افه
    لومنت اجاذب بالقصايد الغطاريف
    والعب على الطاروق والعن سقافه
    ولي مكان ماذرتة العواصيف
    والشعر اناباءه00ونونه00وكافه
    معك انت نوخ والبقا بالسواليف
    سوالف عندي بليا كلافه
    ياللي تحسبون العطاءوالمصاريف
    ومتعبين موظفين الصرافه
    ومن بنك تجاري الى بنك تسليف
    تجارلكن من حساب الضعافه
    تعيش ياللي ماتعرف التحاسيف
    ياللي تمدو لاتعرف الحسافه
    صيتك من البشمرق لحدود مالديف
    ومن اليمن الى حدود الرصافه
    اشهرمن اللي فوق روس المشاريف
    شاعر وننهل من بحرك ونخافه
    واقطع من اللي زرقواله على السيف
    حر غواطيه العريضة رهافه
    مناكبه من تحت راسه مواقيف
    وعليه زور وقصرساق وهدافه
    ماقلبوه اهل الدسوس الملاقيف
    اللي يحسبون الصقاره لقافه
    جاءعند ابوك مقطبينه ولاشيف
    ماغير ابوك اللي من الروس شافه
    تطري علي اليا ستل بالمراديف
    وارهى على جول الحباري00وطافه
    وقام يتقلب مع بطون القراقيف
    يوم الرعيف اروى ضماه وجفافه
    تطري نعم يامعدل الكيف للضيف
    ياعيد ميلاد القصيد وزفافه
    خلقك ربي في وجيه الصواديف
    وعلاج لامراض الفقر والكسافه
    فالمختصروادق دقه وتصنيف
    عندي غلاك يزود زافه000وزافه
    خليتني يعني على اقل تعريف
    شاعر وسجل في غلاك احترافه
  2. سميا
    17-04-2009, 05:01 PM

    ردية ياسر التويجري مع السامر


    ابيات رائعه
    جزاك الله خير
    يسلمووووووووووووووو
    ع القصيده
  3. ضنآني الشوق
    24-04-2009, 11:16 AM

    ردية ياسر التويجري مع السامر


    ابيات رائعه
    جزاك الله خير
    يسلمووووووووووووووو
    ع القصيده


    يعطيش الف عافيه اختي شذى عمان
  4. بنت الاجواد
    24-05-2009, 05:26 PM

    ردية ياسر التويجري مع السامر


    ثانكس
  5. أروى
    04-06-2009, 03:42 PM

    ردية ياسر التويجري مع السامر


    يسلمووووووووو
  6. طير القوافي
    09-08-2009, 06:04 AM

    ردية ياسر التويجري مع السامر


    صح لسانكم
    رديه زينه