قصيدة يارشود - حمد السعيد

ديوان الشاعر حمد السعيد ارسال إلى Twitter ارسال إلى facebook
  1. *مزون شمر*
    19-12-2007, 12:48 AM

    قصيدة يارشود - حمد السعيد

    قصيدة يارشود - حمد السعيد


    يتل قلبي للمقانيص يا رشود
    تلة عديم للطلوع البعيده

    القيض منه القلب من يارشود ملهود
    يقوله اللي كاشفين رصيده

    زل التويبع يابن رقدان بالكود
    والجوزه القصيا علينا شديده

    احدن امصيف في محاري اجور روود
    واحدن اقريب حول مصر الجديده

    وانا مع العمال طارد ومطرود
    هذي انعدلها وهذي عنيده

    واليا حصلي فرصة عقب مجهود
    لاجيت ابطرش مع هذاك الوليده

    عجزت انا من ربطة الطير محدود
    مغير اناضر طايرات الجريده

    مقرود منهو يربط الطير مقرود
    انشهدنه حط بيده حديده

    متي علي الله يدخل الوسم بشهود
    لاجت امن الجبله امزون جديده

    لاساقها الشرقي ابراق وارعود
    بامر الذي له دبرة في عبيده

    تروي ثري مدهال مركوزة العود
    اللي مواطنها الديار البعيده

    برق الجناح اللي لها الناس مقصود
    راع الولع متمكنه في وريده

    ابي اليا تليت مكحول مشدود
    شد ابو حمزه اول العام بيده

    ماكنه الا ذايع الصيت ملكود
    فوقه اغلام يوصل اللي يريده

    مرواحنا قاع بها الصيد موجود
    العام جت ولفت فيها قصيده

    ياحلو تطليع المسيان بركود
    وحمدان توه مابعد تل قيده

    تل السبوق وعانق الجو بصعود
    له هقوة خرب الحباري يصيده

    ثم انصرم يشدي لدلو مع اورود
    طق وشهر والريش بديده

    واليا علق حوله غشي الجو بارود
    اللي معه ماراح منهن شريده

    هذي مناة القلب والوقت مجحود
    ولا كل نفس توصل اللي تريده
  2. سميا
    16-04-2009, 08:48 AM

    قصيدة يارشود - حمد السعيد


    رووووووووووووووووووعه
  3. طير القوافي
    13-06-2009, 10:26 PM

    قصيدة يارشود - حمد السعيد


    احدن امصيف في محاري اجور روود
    واحدن اقريب حول مصر الجديده

    وانا مع العمال طارد ومطرود
    هذي انعدلها وهذي عنيده


    صح لسانك ولسان الشاعر حمد السعيد
  4. بوعبدالله
    13-06-2009, 11:02 PM

    قصيدة يارشود - حمد السعيد


    رووووووووووووووووووعه
  5. فجر الورد
    14-09-2009, 09:38 PM

    قصيدة يارشود - حمد السعيد


    يسلموووووووو
  6. طير حوران
    24-09-2009, 04:47 PM

    قصيدة يارشود - حمد السعيد


    روعه بس مدري من حقي ارد على القصيده او احاول اجاري الشاعر
    ارجو التوظيح
  7. المريسي
    09-09-2015, 09:05 AM

    رد: قصيدة يارشود - حمد السعيد

    قصيدة يارشود - حمد السعيد


    شكرا عالكلمات

    تحياتي