قصيدة قلبي يهذري به - أحمد الناصر

ديوان الشاعر احمد الناصر الشايع ارسال إلى Twitter ارسال إلى facebook
  1. *مزون شمر*
    18-12-2007, 08:00 AM

    قصيدة قلبي يهذري به - أحمد الناصر

    قصيدة قلبي يهذري به - أحمد الناصر



    يابدر قبل الليل قرب لي الفرت
    شيك على البنزين والزيت كله

    القير والدفرنس وإن كان ناظرت
    به نقص راعي المشحمه مافطن له

    عاير هواه وماه ولا تذكرت
    شي يبيه اللي يبي فدوة له

    حتى اللي مني على خير سافرت
    أمشي ونفسي راضيه مسفهله

    عن اللزوم اللي ضروري تأخرت
    هات الخفيف وماتثاقلت خله

    وإلي ظهرت من البلاد وتشطرت
    ترى لزومي فيه جا وقت حله

    إلى أنتحى قمت أذكر الله وكبرت
    كنه يسابق تالي العصر ظله

    لامر عجلات المواتر وفكرت
    لاكنهن وقاف مثل الإخله

    طار علي إلى مشيت وتنحرت
    قصر يسر اللي يجي عاني له

    مارحت عنه يمين ولا تياسرت
    قلبي يعذريبه وعيني تدله

    ترى الدروب السود مهما تصاغرت
    منها تراها عله فوق عله

    وإلا الدروب البيض مهما تكابرت
    ترى الحظيظ اللي تجي سكة له

    إلى بغيت أفرج الهم سيرت
    للي حجاجه للمسير يفله

    اللي ليا إني جيت عنده تحيرت
    فلة حجاج ومجلسه ماتمله

    عز الله إني للصداقه تخيرت
    اللي رفيقه مايشوف المذله

    عبدالعزيز أكبر من اللي تصورت
    الفعل فعل سعود والدل دله

    بغيت أحبه ربع فعله وقصرت
    بأول شبابه والفخر مقبل له

    ياكم أماريبه وياكم فاخرت
    ياسعد عين اللي يجي فزعة له

    مالي عذر عن جيتك لو تعتذرت
    ياللي تنزل كل رجل بمحله

    عن طبع أبوك وعادته ماتغيرت
    للي سنام المجد له مستحله

    وردتها هداج تيما وصدرت
    من سار مع درب فهو جايز له
  2. أروى
    30-07-2009, 02:48 AM

    قصيدة قلبي يهذري به - أحمد الناصر


    صح لسانك على القصيده الرائعه
  3. طير القوافي
    28-10-2009, 02:15 PM

    قصيدة قلبي يهذري به - أحمد الناصر


    عن طبع أبوك وعادته ماتغيرت
    للي سنام المجد له مستحله

    وردتها هداج تيما وصدرت
    من سار مع درب فهو جايز له

    صح لسانك
  4. Loli.
    01-11-2009, 09:21 PM

    قصيدة قلبي يهذري به - أحمد الناصر


    ابيات مره حلوه
    تشكراتي لك
    تقبلي اطلالتي

    ((ذات العيون
  5. ᵽ¡ҋʞ ║•
    25-07-2011, 11:46 PM

    رد: قصيدة قلبي يهذري به - أحمد الناصر

    قصيدة قلبي يهذري به - أحمد الناصر



    مشكورة خيتو ع النقل الحلو ‘

    دمتي بخير ~
  6. عود القلب يرجف
    26-07-2011, 06:01 AM

    رد: قصيدة قلبي يهذري به - أحمد الناصر

    قصيدة قلبي يهذري به - أحمد الناصر


    يسلمووو حياتي ع الابيأأأأت الاكثر من رأأائعه ,.,.,.

    لاهنتي ,,,

    لاعدمناك ,,,,,,,,

    تقبلي مروري > اختك

    عود القلب يرجف
  7. المريسي
    09-09-2015, 08:08 AM

    رد: قصيدة قلبي يهذري به - أحمد الناصر

    قصيدة قلبي يهذري به - أحمد الناصر


    شكرا عالكلمات

    تحياتي
  8. حنين الروح..
    15-08-2016, 10:44 AM

    رد: قصيدة قلبي يهذري به - أحمد الناصر

    قصيدة قلبي يهذري به - أحمد الناصر


    الف شكر عالموضوع الجميل
    يعطيك العافية