قصيدة الفلك يستدير - أحمد الناصر

ديوان الشاعر احمد الناصر الشايع
  • ارسال إلى Twitter
  • ارسال إلى facebook
  • ارسال إلى google plus
    1. *مزون شمر*
      18-12-2007, 07:43 AM

      قصيدة الفلك يستدير - أحمد الناصر

      قصيدة الفلك يستدير - أحمد الناصر



      بالله يا للي تبا الفيحا عنيزة ديرة أهل الفخر
      يا سعد منهم عضوده بالشدايد والزمان العسير

      نطاحة الكايده لا قل بالدنيا بعير الظهر
      الطيب منهم وفيهم كلهم كبيرهم والصغير

      جعل السلامة زهابك بالطريق الى نويت السفر
      اسلم وسلم على عيال العميم صغيرهم والكبير

      اهل الوفا والمروه والشهامه لويشين الدهر
      من يديك ليدين صالح خذ كتابي جعل خيرك كثير

      يا بو محمد ليالينا تصافق مثل موج البحر
      عجزت أميز لها وجه او قفا يا الله مقسوم خير

      واحترت مدري وش اخذ وش اخلي بين هم وقهر
      المبتدا زين مير المقبلات الله علم وش يصير

      اللي ذبحني بغير اسلاح ما جا منه علم او خبر
      اللي بعقلي وروحي في حياتي صايرن لي خشير

      متى على الله عيوني من صخيف الروح تملا النظر
      القلب لولا الضلوع اللي يردنه خطير يطير

      كن الشهر لي سنه عقب التفرق والدقيقة شهر
      يا الله تلطف بحال المغرم العاشق عليل الضمير

      يا صدق راع المثل قال الهوى والحب كله خطر
      والزين مثل الحيا متبوع مشهاة الغني والفقير

      اتلا الخبر يوم وادعني واقدماه طريق الحفر
      للديرة اللي ورى الرقعي يقود القلب سلك الحرير

      اصعب علي شوفته من شوفة اللي فوق سطح القمر
      لا شك ابصبرا على ما صابني لين الفلك يستدير
      250*300 Second
    2. أروى
      30-07-2009, 02:53 AM

      قصيدة الفلك يستدير - أحمد الناصر


      صح لسانك على القصيده الرائعه
    3. طير القوافي
      19-08-2009, 04:54 AM

      قصيدة الفلك يستدير - أحمد الناصر


      يا بو محمد ليالينا تصافق مثل موج البحر
      عجزت أميز لها وجه او قفا يا الله مقسوم خير

      صح لسان الشاعر