قصيدة أذن المذن - أحمد الناصر

ديوان الشاعر احمد الناصر الشايع
  • ارسال إلى Twitter
  • ارسال إلى facebook
  • ارسال إلى google plus
    1. *مزون شمر*
      18-12-2007, 07:41 AM

      قصيدة أذن المذن - أحمد الناصر

      قصيدة أذن المذن - أحمد الناصر



      أذن المذن ونادى طول صوته بالمناره
      وقمت طولي للسفينة ثم فليت الشراعي


      لو يزيد الموج ماني فالبحر سواق طاره
      عارف مجرى السفينة في نزول ورتفاعي


      كل رجال هواجيسه على قد اقتداره
      والحظيظ اللي مع العربان عاقل واجتماعي


      العرب لو بشروني كان سلمت البشاره
      في بيوت مخترعها طيب العرف اختراعي


      بين الأثنين المفاهم في محله والمشاره
      لو يجون اخوان صلب أو هم خوان من الرضاعي


      حجة الغايب معه ومن اعتذر قبل اعتذاره
      مايضيقن النفوس ولا الدروب اللي وساعي


      وانت عندك لاتعلم بالثمانين الحراره
      والهروج الضايعة مثل الهمل من غير راعي


      صابر بالحق دام الحق من جار لجاره
      لو نجيبه دين ياصالح من البنك الزراعي


      والسعادة حظ والا العرف والمعنى شطاره
      لو رضاك بعيد اسافر له على النقل الجماعي


      وسع الخاطر ولابه كسر يحتاج الجباره
      دايم العاقل وسيع ابطان ماهوب اند فاعي


      اعتذرت من الرفيق وزبدة الهرج اختصاره
      إن عذرني كثر خيره وإن ومر بأمره مطاعي


      قصة جت من رفيقك غصب من غير اختياره
      سألفه ومخالفه ماودنا الهين يذاعي
      250*300 Second
    2. أروى
      30-07-2009, 02:53 AM

      قصيدة أذن المذن - أحمد الناصر


      صح لسانك على القصيده الرائعه
    3. طير القوافي
      03-08-2009, 06:52 PM

      قصيدة أذن المذن - أحمد الناصر


      العرب لو بشروني كان سلمت البشاره
      في بيوت مخترعها طيب العرف اختراعي


      بين الأثنين المفاهم في محله والمشاره
      لو يجون اخوان صلب أو هم خوان من الرضاعي

      صح لسانك