قصيدة صح النوم - حامد زيد

ديوان الشاعر حامد زيد - شاعر الجمهره
  • ارسال إلى Twitter
  • ارسال إلى facebook
  • ارسال إلى google plus
    1. *مزون شمر*
      17-12-2007, 07:08 PM

      قصيدة صح النوم - حامد زيد

      قصيدة صح النوم - حامد زيد


      تعودنا على حمل الجمايل والزعل واللوم
      ولا نرفض عتب غالي ولا نزعل من جداله

      تمنينا نحوز اغلى مكانه في وجيه القوم
      ونعيش الخوه بوقت يضد رجاله .. رجاله

      تعلمنا من الدنيا وزدنا للعلوم علوم
      وسقنا للدروب قلوب رجليه وخياله

      وقفنا للزمن وقفة شجاعه والقروم قروم
      الين صار واحدنا بديل اقواله افعاله

      اليما انه خذا ياخذ مثل ما ياخذ المحروم
      واليما انه عطا يعطي ولو من لقمة عياله

      ولا بتنا ولو باتت رحايلنا بدون عزوم
      نساوم للفخر بأرضه ولو بأي من اشكاله

      ولا عفنا ولو شفنا على باب النهار سموم
      ولا خفنا ولو طفنا بمخراجه ومدخاله

      واذا شفنا العنب بأقسى عناقيد الشجر ملموم
      نهز غصون عنقوده واذا ما طاح نرقى له

      نصبر بعضنا بالجذب الابيض والهدف معدوم
      ونقول انا وصلنا له ولو انا ما وصلنا له

      وانا واحد من اصغرهم طموح وللطموح رسوم
      على وجهي مثل قولة بغى شي ولا ناله

      عطيت وما رضيت اخذ من سلوم البخيل سلوم
      ولا عمري رضيت اقعد على قلب العرب عاله

      ولا ارضى بالفخر فزعة جواسيس وكلام رخوم
      ولا عمري حنيت الوجه بعد المجد لحثاله

      غناي الله وانا رجلا عزيز مقدر محشوم
      قنوع بالقدر وان قلت فال الله ولا فاله

      بسيط يرمي حموله على متن الجبال هموم
      بوقت للأسف عيت تطيق همومه جباله

      بوقت نزل خشوم ورفع من رداه خشوم
      وخلا قيمة الرجال بين الناس برياله

      صحيت وقلت للنايم بعد ما قام صح النوم
      زمانك ما عطاك الا صور وحطام تمثاله

      سنين اطالع البارق واقول ان المطر محتوم
      وهو ما مد لي كفه وانا ما طلت هماله

      ارد اجذب على نفسي واقول ان النخل مفطوم
      وهو ما بالنخل عدق عطش ما ذاق شلاله

      وانا ما بي من البارق هماليل ومطر وغيوم
      ولو ذقت العطش بعيون برقيه ورحاله

      تعلمت الصبر من كنت طفلا بالمهد مزموم
      الين صرت رجلا لانتخو به طوح عقاله

      وانا ما احلف بعد عمر طويل بدفنة المرحوم
      اقول الله ولا غير الله الرحمن نلجا له

      ومثل ما بالمطر خوه ليما هل كوم وكوم
      انا قلبي بعد يقدر يدك البيد بلحاله

      واذا اسمي وصل للدنيا قبل لا القى الحياه بيوم
      ابتركها وانا اسمي يضرب التاريخ بأمثاله

      واذا ربعي وهم ربعي تناسوا حقي المهضوم
      بعيش اشره على قلبي قبل لا ارثي على حاله

      واذا كفي طعن كفي براس الخنجر المسموم
      بعرف ان النصيب اقرب من الرجال لظلاله

      مدام ان الزمن خلا الشجاع بوقتنا مهزوم
      اجل خلوا ضعيف النفس يكسر شره اشوا له






      250*300 Second
    2. ع ـزتي خلتني ـآم ـير
      22-05-2009, 09:06 AM

      قصيدة صح النوم - حامد زيد


      مشكوره على النقله المتميزه
    3. طير القوافي
      18-07-2009, 07:50 AM

      قصيدة صح النوم - حامد زيد


      كل الشكر لك
    4. zezo
      08-09-2009, 07:24 PM

      قصيدة صح النوم - حامد زيد


      مشكوره على النقله المتميزه
    5. & كلي حلآ &
      08-09-2009, 09:47 PM

      قصيدة صح النوم - حامد زيد


      مشكوورة أختي الكريمة
    6. احلى بنوته في مصر
      09-09-2009, 01:16 AM

      قصيدة صح النوم - حامد زيد


      مشكورة ةكتير الله يعطيك العافية باركالله فيك
    7. يستاهل البرد من ضيع دفاي
      12-09-2009, 12:24 PM

      قصيدة صح النوم - حامد زيد


      مدام ان الزمن خلا الشجاع بوقتنا مهزوم
      اجل خلوا ضعيف النفس يكسر شره اشوا له (( اكثر بيتين عجبوني


      مشكووووووووووووووووره
    8. zezo
      28-09-2009, 01:59 AM

      قصيدة صح النوم - حامد زيد


      ابيات رقيقه كرقة ذوقك وجماله..
      صح لسانك ولسان الشاعر..
      يعطيك العافيه..
      مودتي ,,
      zezo
    9. احبك لو تكون هاجر
      21-07-2011, 02:11 PM

      رد: قصيدة صح النوم - حامد زيد

      قصيدة صح النوم - حامد زيد


      يسلموووو قصيدة حلووووووة