قصيدة يسعد صباح الفقر ياللي تذمينه - ناصر القحطاني

ديوان الشاعر ناصر القحطاني - شاعر الاندلس
  • ارسال إلى Twitter
  • ارسال إلى facebook
  • ارسال إلى google plus
    1. ..المستشآر..
      17-12-2007, 07:04 PM

      قصيدة يسعد صباح الفقر ياللي تذمينه - ناصر القحطاني

      قصيدة يسعد صباح الفقر ياللي تذمينه - ناصر القحطاني


      قصيدة يسعد صباح الفقر ياللي تذمينه - ناصر القحطاني


      يسعد صباح الفقر ياللي تذمينه
      في ذمتي ما انتي من الفقر معذوره

      ماشلت هم الرغيف اللي تشيلينه
      كل الهموم لسواد العين مذخوره

      مانتي فقيره تقولين اليسر وينه
      ياقطعة السكر من الملح ميسوره

      من علم الجوري أنشودة بساتينه
      من هز ريش النعاس اللي كسا حوره

      من ذكر الخيزران اللي نسى لينه
      من جدل الليل لين اختال ديجوره

      سلسالك الفضي اصلا لو تزمينه
      ماراحت أكثر عقود الماس مغروره

      والأزرق الرث ياملحه ويازينه
      أبها من أرض نهار العيد ممطوره

      مستورة الحال بس القاف تغرينه
      ليه اتنحى واخلي الحال مستوره

      والله لأغني لفقر غنت سنينه
      لين أيسر المترفات تموت مقهوره

      قالوا لي إن الجديل اللي تربينه
      معه تربيت حلم فاحت عطوره

      قالوا بذاك الركن سر تخبينه
      ومراية من رداة الحظ مكسوره

      لاينكسر مثلها الخاطر وتشقينه
      تمنظري في المرايه حي هالصوره

      مذكور جرح ورى الأضلاع تخفينه
      وتحت المخده رسالة عشق مذكوره

      أثر الهوى جاي يسوق الشوق بإيدينه
      غصن جفاه اليباس وزف عصفوره

      يامن يكون الحبيب اللي تحبينه
      ياللي بوجه الليالي ثروره وثوره

      وقت مضى ملمس اللعبه تمنينه
      واليوم خضر القلوب ألعاب منثوره

      الحزن .. ليه العيون السود في عينه
      والبحه اللي ترد الروح مذعوره

      فقر ستير ولا ازكى من رياحينه
      ولا نعيم فضوح تغرق زهوره

      والميت اللي يبي دعوات حيينه
      كنتي وصاته ونزفه واخر شعوره

      يازمة الغيم ورخاية هدب عينه
      ماقلت لك مانتي من الفقر معذوره
      250*300 Second
    2. أروى
      18-07-2009, 07:03 PM

      قصيدة يسعد صباح الفقر ياللي تذمينه - ناصر القحطاني


      صح لسانك
    3. طير القوافي
      19-08-2009, 05:09 AM

      قصيدة يسعد صباح الفقر ياللي تذمينه - ناصر القحطاني


      مستورة الحال بس القاف تغرينه
      ليه اتنحى واخلي الحال مستوره

      والله لأغني لفقر غنت سنينه
      لين أيسر المترفات تموت مقهوره

      قالوا لي إن الجديل اللي تربينه
      معه تربيت حلم فاحت عطوره
      صح لسانك ولسان شاعر الاندلس
      من زمان ابحث عن القصيد هذي الحمد لله لقيتها هذي من القصائد العذبه الجميله جدا جدا

      مودتي
    4. كامل الاوصاف
      29-11-2009, 07:50 AM

      قصيدة يسعد صباح الفقر ياللي تذمينه - ناصر القحطاني


      يعطيه العافيه
    5. شجون
      08-02-2012, 03:25 PM

      رد: قصيدة يسعد صباح الفقر ياللي تذمينه - ناصر القحطاني

      قصيدة يسعد صباح الفقر ياللي تذمينه - ناصر القحطاني


      لاينكسر مثلها الخاطر وتشقينه
      تمنظري في المرايه حي هالصوره

      صح لسانك أخوي
    6. أمل متواصل
      19-06-2012, 03:51 AM

      رد: قصيدة يسعد صباح الفقر ياللي تذمينه - ناصر القحطاني

      قصيدة يسعد صباح الفقر ياللي تذمينه - ناصر القحطاني


      رائع تسلم ع الانتقاء الرائع
    7. بنت العنوز
      19-06-2012, 09:40 AM

      رد: قصيدة يسعد صباح الفقر ياللي تذمينه - ناصر القحطاني

      قصيدة يسعد صباح الفقر ياللي تذمينه - ناصر القحطاني


      رائع يسلمو
    8. المريسي
      09-09-2015, 02:51 PM

      رد: قصيدة يسعد صباح الفقر ياللي تذمينه - ناصر القحطاني

      قصيدة يسعد صباح الفقر ياللي تذمينه - ناصر القحطاني


      شكرا عالكلمات

      تحياتي