قصيدة الذاهبة - ناصر القحطاني

ديوان الشاعر ناصر القحطاني - شاعر الاندلس
  • ارسال إلى Twitter
  • ارسال إلى facebook
  • ارسال إلى google plus
    1. ..المستشآر..
      17-12-2007, 06:31 PM

      قصيدة الذاهبة - ناصر القحطاني

      قصيدة الذاهبة - ناصر القحطاني


      قصيدة الذاهبة - ناصر القحطاني


      الله اللي راد والعقده قضاها اللي عقدها
      لا على الدنيا سلام ولا لباقي العمر زينه
      الفضا ما كنه الا خيمة طاحت عمدها
      والفرح ما كنه الا شيخ انقصت يدينه
      والعمر قطعة زجاج انكسرت ولا طال امدها
      والعرب في العيد بدموع اليتامى مستهينه
      والشوارع لفها ثوب الظلام اللي هجدها
      والبيوت اطلال من عقب المحبه والسكينه
      والشتا والليل والبرد وسما يصرخ رعدها
      والعيون اللي ورى الشباك مذعوره حزينه
      طولوا بالكهف الاصحاب وبقت روحي وحدها
      كنها في كوكب ثاني خلا من ساكنينه
      الوداع اللي بعلم العين يعبر من رمدها
      والوداع اللي بلا علم لقفص صدري غبينه
      والوداع اللي بلا رجعه علي أمر وادهى
      والله انه غرغرة سم وسكاكين سنينه
      والعنود اللي جفيت الناس والدنيا بعدها
      مدت الفرقى لغاليها وهي تعطي الثمينه
      وينها كيف اتركتني ليه ما جت في وعدها
      والقمر لاطل خابرها تجي بيني وبينه
      رحت انادي واتلمس في مهب الريح يدها
      كني احصان بلا صاحب طوى البيدا حنينه
      رحت اصيح الصبح وينه والعرب مارد احدها
      ما سمعت الا صدى صوتي يقول الصبح وينه
      كنهم من يوم ذيك الشمس غابت من بلدها
      طلعوني في النفود وصكوا ابواب المدينه
      كنهم من يوم ذيك الذاهبه محدن وجدها
      كل رجال من الشرهه قلع في الدرب عينه
      أثرها ماتت وماتت كل فرحه في مهدها
      والربيع اقفت به اللي كانت التاج لجبينه
      جاورت عقب الحدايق حفرة ماقسى لحدها
      حفرة ماني مصدق كيف ضمت ياسمينه
      للحزن فيني مثل ما للطهاره في جسدها
      ويش اسوي لا فتشت اللي لها وسط الخزينه
      زخرفت حلم وبنت له مسكن وسمت ولدها
      اه لو غرد ولدها في خميلة والدينه
      عاهدتني واظفرت بيمين اقوى من عهدها
      والصبي لا خير فيه ان كان ما نفذ يمينه
      ما تتقى في رثاها عرق اكتظ بشهدها
      ولا تبقى خلف قضبان الجفن عذرى سجينه
      كيف عند العالم ايام العزى محصي عددها
      والا انا طالت شهوره والله اعلم كم سنينه
      لا الثرى فيها نبات ولا المشي خط بنكدها
      ولا السما فيها طيور ولا البحر يمه سفينه
      لا القمر هذا مساه ولا العصي هذا رغدها
      لا الزهر هذا شذاه ولا الذهب هذا رنينه
      قالوا الشيخ الفلاني مرجع القوم وسندها
      قال يبشر بالعوض والعلم جينا ناقلينه
      ساقلك بدر البدور اللي نشدها من نشدها
      جادل هزت عروش وخيبت روس ذهينه
      قسمها في رسمها في جسمها الا في رشدها
      واسمها ان جال الغضب قومه على الألسن رطينه
      اترك الناي وعطية شيخنا غن لسعدها
      وانبسط يا عم وانسى اللي ورى التربه دفينه
      قلت ولصدري تناهيت تروع من شهدها
      اه واويلاه من يجلب على قلبي ظنينه
      خلوا اغلى ذاهبه ترعى ربيع اللي فقدها
      والعطى راعيه محد صوبه الله لا يهينه
      لو ضمنت الجنه وتفاحه القلب وشهدها
      قلت من بكره عسى مجنونها تاقف سنينه
      الله اللي راد والعقده قضاها اللي عقدها
      لا على الدنيا سلام ولا لباقي العمر زينه
      250*300 Second
    2. أروى
      18-07-2009, 07:19 PM

      قصيدة الذاهبة - ناصر القحطاني


      يسلموو على القصيده الرائعه
    3. طير القوافي
      29-07-2009, 05:38 AM

      قصيدة الذاهبة - ناصر القحطاني


      وينها كيف اتركتني ليه ما جت في وعدها
      والقمر لاطل خابرها تجي بيني وبينه
      رحت انادي واتلمس في مهب الريح يدها
      كني احصان بلا صاحب طوى البيدا حنينه

      صح لسانك
    4. تعذبت وتعبت بحياتي
      13-02-2010, 11:39 PM

      قصيدة الذاهبة - ناصر القحطاني


      يعطيك العافيه على القصيده الرائعه
    5. رحيل العمر
      23-12-2011, 04:17 AM

      رد: قصيدة الذاهبة - ناصر القحطاني

      قصيدة الذاهبة - ناصر القحطاني


      اخي الكريم القصيده اكثر من رائعة كلمات من ذهب بتوفيق


      دعوتكم رحيل العمر
    6. دلوعه كتير
      11-08-2013, 07:05 PM

      رد: قصيدة الذاهبة - ناصر القحطاني

      قصيدة الذاهبة - ناصر القحطاني


      يعطيك العافيه حلوه قصائد ناصر قحطاني
    7. المريسي
      09-09-2015, 02:45 PM

      رد: قصيدة الذاهبة - ناصر القحطاني

      قصيدة الذاهبة - ناصر القحطاني


      شكرا عالكلمات

      تحياتي