قصيدة الي هتف باسماه قلبي وناداه - محمد احمد السديري

ديوان الشاعر محمد احمد السديري
  • ارسال إلى Twitter
  • ارسال إلى facebook
  • ارسال إلى google plus
    1. الصمـت الجـارح
      17-12-2007, 03:07 AM

      قصيدة الي هتف باسماه قلبي وناداه - محمد احمد السديري

      قصيدة الي هتف باسماه قلبي وناداه - محمد احمد السديري


      اللي هتف باسماه قلبي وناداه
      حتى الضلوع بوجدها صفقت له

      اللي غرامه تل قلبي من أقصاه
      وبالدمع عيني خيلت وامطرت له

      اللي عسفت النفس لاجله ولرضاه
      والرجل في سمر الغداري عنت له

      بيا سبب عهد الهوا ليه ينساه
      وينسى تخطي رجلي اللي خطت له

      الرجل لو هو نازح الدار تنصاه
      على حثاث القاع يا ما مشت له

      أموت من فرقاه واحيا بذكراه
      والروح خلت جسمه وانتحت له

      قولو له أنه عذب القلب وأدماه
      وحي يود لقاه ماله بقتله

      ياكود والله غيبة عقب لاماه
      وعيني بكت فرقاه ثم اخجلت له

      ماصاب قيس بحب ليلى توطاه
      ولوعات قيس وماجرى له جرت له

      مالاق له غيره من الناس مشهاه
      ويعاف كل الخود لو عرضت له

      ان شاف زوله مغرم القلب يبراه
      وان غير صد مايلتفت له

      أغليه لامانساه واذكر سجاياه
      لوهو بعيد الدار نفسي هفت له

      معذبي بالحب وان حل طرياه
      اسرار ودي بالضمير اهتفت له

      لو هو ظهر للناس وابدى محياه
      كل الخلايق بالجمال اشهدت له

      عزاه ياقلب على الصبر ماقواه
      لو مابغى الفرقا عصت واخطمت له

      عزي لمن دمعه على الخد مجراه
      ودنياه غيب نورها ماسفرت له

      قولو لبن سلوم ابو زيد ينخاه
      يوم ان غارات الهوا صادفت له

      يتابع الونات من كود ماجاه
      لوكثر الونات مافرجت له

      يهيم مثل موده وسط مضماه
      يذكر سنين بالوداد ضحكت له

      ماجت له الدنيا على ماتمناه
      وذياب ياسه من حبيبه عودت له

      يكفيه من جور الهوا ربع ماجاه
      وتغيرت دنياه يوم اوجهت له

      قلبه من الحرمان فاخت حناياه
      من يوم باقي ايامها ماصفت له

      هنيت من حصل مرامه بدنياه
      والورق بلحون السعد غردت له

      هنيت من حصل مرامه بدنياه
      والورق بلحون السعد غردت له

      المولع الي في طريق الهوا تاه
      لومابغاه اشراك دربه سعت له
      250*300 Second
    2. طير القوافي
      22-11-2011, 10:27 PM

      رد: قصيدة الي هتف باسماه قلبي وناداه - محمد احمد السديري

      قصيدة الي هتف باسماه قلبي وناداه - محمد احمد السديري


      صح لسانه والله يرحمه
      * *
    3. ياقلب أرحمني
      02-01-2012, 08:38 PM

      رد: قصيدة الي هتف باسماه قلبي وناداه - محمد احمد السديري

      قصيدة الي هتف باسماه قلبي وناداه - محمد احمد السديري


      شكرا لكككك
    4. سيد الأحباب
      17-06-2012, 11:56 PM

      رد: قصيدة الي هتف باسماه قلبي وناداه - محمد احمد السديري

      قصيدة الي هتف باسماه قلبي وناداه - محمد احمد السديري


      صح لسان كاتبها
      ويعطيك ألف عافيه
      ودائما للأفضل يارب
    5. المريسي
      08-09-2015, 09:49 AM

      رد: قصيدة الي هتف باسماه قلبي وناداه - محمد احمد السديري

      قصيدة الي هتف باسماه قلبي وناداه - محمد احمد السديري


      شكرا عالكلمات

      تحياتي