مساجلة بين محمد احمد السديري و الشاعر زبن بن عمير العتيبي

ديوان الشاعر محمد احمد السديري
  • ارسال إلى Twitter
  • ارسال إلى facebook
  • ارسال إلى google plus
    1. الصمـت الجـارح
      17-12-2007, 01:44 AM

      مساجلة بين محمد احمد السديري و الشاعر زبن بن عمير العتيبي

      مساجلة بين محمد احمد السديري و الشاعر زبن بن عمير العتيبي


      مساجله بينه وبين صديقه الخاص الشاعر زبن بن عمير العتيبي - رحمهما الله - اذ قال شاعرنا محمد السديري


      يازبن ودعناك في يوم الاثنين
      لعلها لك ياخو صنعا مسافير
      بجيرة الله ياعشير الغلامين
      يامقفي عنا ذكرناك بالخير
      نغليك يوم إنك بعيد عن الشين
      وريف لضيفك في ليال المعاسير
      يوم تغيبه عندنا قدر عامين
      ويوم نشوفك فيه عز وتباشير
      هذا الفراق اللي نظرناه بالعين
      وعز الله انك ناوي بالمحادير
      يازبن يالبراق بالله الى وين
      واسلم ورد العلم يازبن العمير


      فأجابه زبن بن عمير على الابيات الماضية قائلا
      وانا بعد ودعتك الله بتسعين
      وداعة من حفظ والي المقادير
      ياباذل الحسنى على المستحقين
      ونطاح بالضيقات وجه المناعير
      ياللي بدرب الطيب جالك براهين
      ولبست بالبيضا ثياب مشاهير
      يبون دربك ناس واجد وعجزين
      يجي لهم من دون دربك عواثير
      ولا يختفي فعل به الناس دارين
      لين انها تمحى الجبال المزابير
      من يوم عنك اقفيت والقلب والعين
      عندك,, وفي جسمي تشب السواعير
    2. طير القوافي
      31-08-2010, 12:37 AM

      رد: مساجلة بين محمد احمد السديري و الشاعر زبن بن عمير العتيبي

      مساجلة بين محمد احمد السديري و الشاعر زبن بن عمير العتيبي


      مساجله جميله

      صح لسانهم

      والله يرحمهم
    3. المريسي
      09-09-2015, 02:47 PM

      رد: مساجلة بين محمد احمد السديري و الشاعر زبن بن عمير العتيبي

      مساجلة بين محمد احمد السديري و الشاعر زبن بن عمير العتيبي


      شكرا عالكلمات

      تحياتي