قصيدة الرجال أفعال وأقوال ومبادي - سعود بن عبدالله


الرجال أفعال وأقوال ومبادي

والزمن ماعلم البخل العطيه

وباخص الدنيا يقود ولا يقادي

والصواب اللي يعلمك الخطيه

والردي وجه كريم النفس غادي

على إيدينك يالردي تكرم ايديه

والنوايا بالصدور وبالفوادي

والصلاح بلحمة بالصدر نيه

هيه ياصوت من البارح ينادي

بين خلجان الغلا والمقدريه

نخلة التاريخ تنبت من بلادي

نخلة صارت لها الدنيا هديه

الوفا في ديرتي ماهو بعادي

من مهاد الطفل لاحد المنيه

بين كفينه رجال للهجادي

ولاجل عينه لو تموت الروح حيه

والرفيق اللي أنوخ له ودادي

ماعليه من الزمان وماعليه

الجواد يجيك من ظهرة جوادي

والحديه ماتجيب إلا الحديه

عل غصن مايجي ظله برادي

تقلع جذوره قبل يظهر خويه

ألف علم وألف درب وألف وادي

كلمها مرت من البارح هنيه