قصيدة كلك تعالي غلا والا ارجعي كلك - مساعد الرشيدي

*مزون شمر*

عضو مؤسس
كلك تعالي غلا والا ارجعي كلك
بعض الغلا منك مايستاهل الجيه
طالت وانا في رجا ليتك ويا علك
أوراق بالذاكره واوراق منسيه
مابل ثوبك مطر شوقي ولا ابلك
لوعلتك من سحاب الروح وسميه
ليه امشي الدرب دامه مايوصل لك
تخاف رمضا الضياع اقدام رجليه
يابنت تو الهوى ماصرت انا خلك
للحين مازالت الصوره رماديه
ومازال بغض الغموض الشره يحتلك
وشلون انا اعشقك واحبك على النيه
اشوفك هناك قدامي ولا ادلك
صعب الكتابه ليا صار الورق ميه
إن كان شمسك تساومني على ضلك
ماعاد ابي منك لا شمس ولا فيه
اما تعالي لقلب فز لك كلك
والا اتركيني ما ابي لك بالهوى جيه
 
التعديل الأخير بواسطة المشرف:
عودة
أعلى