قصيدة وين تبدا هالمدينه - بدر بن عبدالمحسن

ديوان الشاعر بدر بن عبدالمحسن - البدر ارسال إلى Twitter ارسال إلى facebook
  1. الصمـت الجـارح
    25-08-2006, 11:07 PM

    قصيدة وين تبدا هالمدينه - بدر بن عبدالمحسن

    قصيدة وين تبدا هالمدينه - بدر بن عبدالمحسن


    وين تبدا هالمدينه كل يوم ..
    من رصيف عاري تحت النجوم ..
    من عناوين الجريده ..
    في المواني وحمرة عيون المسافر ..
    ضحكة الصبح الجديده ..
    أخر اوراق التذاكر ..
    اوبعد حبر الختوم ..
    وين تبدا هالمدينه كل يوم ..
    ودي اعرف هالعواصم ..
    وأبي ابدا من يديها ..
    ودي انزع من اصابعها الخواتم ..
    قبل لاسلم عليها ..
    ودي تجمعني بها لحظه حميمه ..
    وين تجلس هالمدينه ..
    في العماير في الدواير ..
    في الدكاكين القديمه ..
    او تحت اهدابك انتي ..
    في صدري احساس شهي ..
    لو يدوم ..
    وابي اعرف وين تبدا هالعيون وتنتهي ..
    كل يوم ..؟
    مدري وش سر العواصم والمداين والعيون ..
    ومدري وش سر الجنون ..
    اني اعرف ..
    انتظرتك في محطات القدوم ..
    وفي مواعيد السفر ..
    صك شباك التذاكر ..
    وانمحى حبر الختوم ..
    وما عرفتك
  2. أروى
    30-07-2009, 03:51 AM

    قصيدة وين تبدا هالمدينه - بدر بن عبدالمحسن


    صح لسانك على القصيده الرائعه