قصيدة في الليالي الوضح - بدر بن عبدالمحسن

ديوان الشاعر بدر بن عبدالمحسن - البدر
  • ارسال إلى Twitter
  • ارسال إلى facebook
  • ارسال إلى google plus
    1. الصمـت الجـارح
      25-08-2006, 03:34 PM

      قصيدة في الليالي الوضح - بدر بن عبدالمحسن

      قصيدة في الليالي الوضح - بدر بن عبدالمحسن


      في الليالي الوضح ..
      والعتيم الصبح ..
      لاح لي وجه الرياض ..
      في مرايا السحب ..
      كفها فلة جديله من حروف ..
      وقصة الحنا طويلة في الكفوف
      من نده عطر الرفوف ..
      لين صحاه ..
      في ثيابك يا الف ليله
      وفي الهبوب ..
      انثنينا يا هبوب النعاس والحلم ..
      ألف غصن من اليباس ..
      فز لاجلك وانثنى ..
      اكسري الاوهام كاس والمواجع فم
      وان عشقتيني انا ..
      ما ابي من الناس ناس ..
      ما علينا لو طربنا وانتشينا
      اه ما ارق الرياض تالي الليل ..
      انا لو ابي ..
      خذتها بيده ومشينا ..

      ***
      يا نصيبي من الصور والرسايال
      ومن كل شمس قايمه ومن كل ظل مايل ..
      يا مكاني من البيوت ..
      ومن الصحاري اللي فرقت فكري قبايل ..
      وين احب الليله وين اهيم ..
      اقبلي مثل ديم ..
      أو غصون النار تنبت ف الغضى ..
      وبين ما خلى من النخيل الفضا ..
      وما نسى الغيم ..
      أقبلي يا بختري عيوني من الربيع ..
      وطل وجهي من الشتا ..
      ومثل صوتي من الهبوب ..
      اقبلي مثل الرياض ..
      من تعاريج الدروب ..
      في ضلوع الوادي ..
      وين حبيتك قمر فوق طين أجدادي ..

      ***
      وين احب الليله وين أهيم ..
      ارفعي طرقة الشيله عن سديم ..
      وكوب وهاج ..
      اقطعيني بنصل طرف سادر وحجاج ..
      شقيقيني يالهبوب العارضية ..
      واهدمني سياج ..
      لين أغني الهوى ما هو خطيه
      يالعفاف اللي تسربل بالبياض ..
      كل ما قربت يدينا ..
      ناض طير وجض ريم ..
      ما علينا ..
      اه ما ارق الرياض تالي الليل ..
      انا لو ابي ..
      خذتها بيدها ومشينا
      250*300 Second
    2. أروى
      31-07-2009, 08:10 PM

      قصيدة في الليالي الوضح - بدر بن عبدالمحسن


      يسلمووووووووووو على القصيده الرووعه