قصيدة عظم وغضاريف - بدر بن عبدالمحسن

ديوان الشاعر بدر بن عبدالمحسن - البدر ارسال إلى Twitter ارسال إلى facebook
  1. الصمـت الجـارح
    25-08-2006, 02:10 PM

    قصيدة عظم وغضاريف - بدر بن عبدالمحسن

    قصيدة عظم وغضاريف - بدر بن عبدالمحسن


    في دربكم يا راحلين منا كيف
    تالي ليالي القيظ واول خريفه


    ردو سلام اهل القلوب المواليف
    على الوليف اللي نشد عن وليفه


    ردوه لعذوق النخيل المهانيف
    وعلى القصور اللي بوادي حنيفه


    دار لها بالقلب عشق وتكاليف
    ياعل عين ماهوتها كفيفه


    طبنا وشبنا واتعبتنا المشاريف
    والمرقب العالي هبوبه عنيفه


    يا واردين العد كفو المغاريف
    اللي بقى دمع هماجي ذريفه


    والله لودمي يغيث الملاهيف
    قطعت عرقي لين يصفي نزيفه


    ياحظ من لا عرف منهو ولاشيف
    ان طاب يحمد وان تردى بكيفه


    وحنا ورثنا العازم عظم وغضاريف
    لاماورثنا العز تاج وقطيفه
  2. أروى
    30-07-2009, 07:28 AM

    قصيدة عظم وغضاريف - بدر بن عبدالمحسن


    صح لسانك
    على القصيده
    ويسلمو على النقل