قصيدة الجمس - ضيدان بن قضعان

ديوان الشاعر ضيدان بن قضعان
  • ارسال إلى Twitter
  • ارسال إلى facebook
  • ارسال إلى google plus
    1. *مزون شمر*
      15-12-2007, 07:17 PM

      قصيدة الجمس - ضيدان بن قضعان

      قصيدة الجمس - ضيدان بن قضعان


      قصيدة الجمس


      راكب اللي ما تجيبه وكالة بالبيد
      ولا يجيبه بهبهاني ولا وضيحي قطر

      ادهم وسم الجميح على جنبه جديد
      مهبل اللي يوم عرض يحسبنه شفر

      جمس شكمانين ملقبينه بالوليد
      من سرابه ما يغبط القصيبي والجبر

      كاتبين في ضمانه حديده ما يبيد
      تمرة قاري عليها حفيد ابو بكر

      كن وجهه لا نطحته تشعشع صبح عيد
      وان قفيته كنه السيل لا سال وحدر

      وان عرضلك في مزاياه من عنق الفريد
      وان ركبته تحسبنك على سطح القمر

      دقته نغمة عبادي على سلم فريد
      لا عزف الاول وجاوب على عاشر وتر

      لا شتغل قالت شكامينه اركد ياحديد
      والقزوز تقول للقاع روح يا فقر

      كن في الشكمان الايمن صدى عبد المجيد
      وكن في الشكمان الايسر صدى نايف صقر

      والبلوف تقول للكهربه هل من مزيد
      والسيور تقول للمروحه اين المفر

      تحت كبوته من الفن طيران وعبيد
      ما يغنون المسافه ولا طال السفر

      كل اغانيهم على الدرب واصل ياعنيد
      لين تلفي قصر شيخ على العليا شهر

      سايقه من صلب ربعي وله باس شديد
      ما يخاف البعد والليل والموت الحمر

      من صناديد ال عرجاء هل العلم الوكيد
      لابة من جن تمشي على هيئة بشر
      250*300 Second
    2. المريسي
      09-09-2015, 11:58 AM

      رد: قصيدة الجمس - ضيدان بن قضعان

      قصيدة الجمس - ضيدان بن قضعان


      شكرا عالكلمات

      تحياتي