قصيدة اغفر لي الزله - بدر بن عبدالمحسن

ديوان الشاعر بدر بن عبدالمحسن - البدر ارسال إلى Twitter ارسال إلى facebook
  1. الصمـت الجـارح
    25-08-2006, 04:32 AM

    قصيدة اغفر لي الزله - بدر بن عبدالمحسن

    قصيدة اغفر لي الزله - بدر بن عبدالمحسن


    أبيك في كلمة لو هي خطا تغفر لي الزله
    وردتك ظامي وان عز وصلك باقطع حبالي

    أحبك ذا ترى أول كلامي .. واخره كله
    ولكن وش يضر اليوم لو تدري عن احوالي

    وخذ ما جاز لك من هالحكي واللي تبي خله
    انا لا قلت ما في خاطري والله ما بالي

    ظلال العاشق جروحه ومن ما يتبعه ظله
    أمانة يا شعاع الشمس لا تغضب من ظلالي

    وتقدر تطوي الدرب البعيد وتقدر تفله
    ولكن صعب تمنع في الهوى صبري وترحالي

    وتقدر تغمد السيف الرهيف وتقدر تسله
    ولكن عند خلاق البرية علم الأجالي

    متى عمرك سمعت بعاشق قد مات من غله
    هذاك الحاسد وراعي الهوى تتلفه الأمالي

    حبيبي من يعزك في الهوى ما تقدر تذله
    ترى قربك يزيدك بالغلا وان عفتني غالي
  2. أروى
    03-08-2009, 07:45 AM

    قصيدة اغفر لي الزله - بدر بن عبدالمحسن


    صح لسانك