قصيدة صفحات الشقاء - ضيدان بن قضعان

ديوان الشاعر ضيدان بن قضعان ارسال إلى Twitter ارسال إلى facebook
  1. *مزون شمر*
    15-12-2007, 07:13 PM

    قصيدة صفحات الشقاء - ضيدان بن قضعان

    قصيدة صفحات الشقاء - ضيدان بن قضعان


    يلي على وجهي قريتي كل صفحات الشقى
    اقري وأنا باكتب قصيدة واشعل الساحة حريق

    باقي كثر ما راح واللي راح نصف اللي بقى
    وان ماوصلت لغايتي باموت في نصف الطريق

    يابنت يوم امطر غلاك بقلب ضيدان وسقى
    تدرين وش سبة شقاه وسبة الجرح العميق

    شقاه من يمناه واسم الشيخ والنفس امحقى
    والجرح منك ياأعذب العذبات يالموت الرقيق

    يا بنت ما دام البدو تخلف هقاوي من هقى
    وانا بدوي مني يشيل من الزمن ما لا يطيق

    ابفتخر حنا بدو نعشق على وضح النقا
    حنا بدو فينا الولد للقمة العليا عشيق

    حنا بدو فينا الولد لو شاف موته ماأتقى
    حنا بدو فينا الولد يرقا ولو ماله رفيق

    حنا بدو فينا الولد لا من رقا رقا رقا
    الين يوصل غايته لو كان في قمة طويق

    يابنت جيتك والثمن عمري ابي ليلة لقا
    يما كذا والا بلاش من الصداقة والصديق

    وساعة تبسمتي وشفت الجمر والثلج اصدقا
    قلت أشهد أن الموت حق وصحت لك صيحة غريق

    واعتقت دمعي والزعل والحزن لرضاك أعتقا
    وأغفت عيوني في عيونك ياعساها ما تفيق

    وامنت باللي سخرك تقرين صفحات الشقا
    واشعلت بردي في دفاك وشبت الساحة حريق
  2. المريسي
    09-09-2015, 11:58 AM

    رد: قصيدة صفحات الشقاء - ضيدان بن قضعان

    قصيدة صفحات الشقاء - ضيدان بن قضعان


    شكرا عالكلمات

    تحياتي