قصيدة ياشي مالك شي دامك ولاشي - مطلق النومسي

ديوان الشاعر مطلق النومسي ارسال إلى Twitter ارسال إلى facebook
  1. *مزون شمر*
    15-12-2007, 06:00 PM

    قصيدة ياشي مالك شي دامك ولاشي - مطلق النومسي

    قصيدة ياشي مالك شي دامك ولاشي - مطلق النومسي


    ياشي مالك شي دامك ولاشي
    ومقابل اللاشي والله غميضه

    سكرت أذاني عن صدى المنطق السي
    وقلت اتجمل والجماله فريضه

    حاولت اعزك مير عي ولد عي
    والعي ناقص والمراجل نقيضه

    ياوي من وقت التعاجيب ياوي
    اثر القلوب بشوف زولي مريضه

    خذها على جبهتك خذها كما هي
    وتعرف وش كبر الشعيب ومفيضه

    الاوله تنجض على قلبك الني
    والثانيه نيه ونفسك نجيضه

    ترى اليهودي نجس وينجس شوي
    لاصار جدانه قبيلة قريضه

    ياللي خذيت الميت في زلة الحي
    ذبح السلوقي ماينجي عضيضه

    ولا صار مالك من جبال اليمن في
    وشلون تطمع بالشمال ومقيضه

    سمعت راغب قال يماي يابي
    بس انت ماتسمع وش يقول عيضه

    يقول متن طويق يسند جبل طي
    والبغض واجب للوجيه البغيضه

    افهم يمال الهشل والضعف واللي
    وحاول تبرق بالخطوط العريضه

    وان مافهمت اخر علاج لك الكي
    يابا العيون الناعسات الغضيضه

    وبكره تجي محقور وتقبل يدي
    واقول بدري والحضيضه حضيضه

    ياشي والله بالحقيقه ولاشي
    حتى ولاشي اعتبرها غميضه
  2. سميا
    17-04-2009, 04:38 PM

    قصيدة ياشي مالك شي دامك ولاشي - مطلق النومسي


    ابيات رائعه
    جزاك الله خير
  3. أروى
    18-07-2009, 09:00 PM

    قصيدة ياشي مالك شي دامك ولاشي - مطلق النومسي


    الله يعطيك الف عافيه
    على القصيده
    الروووعه
  4. ح ـكآية
    15-02-2010, 09:27 AM

    قصيدة ياشي مالك شي دامك ولاشي - مطلق النومسي


    وان مافهمت اخر علاج لك الكي
    يابا العيون الناعسات الغضيضه

    يسلموو على النقل ..