قصيدة سنة مرت على خير - مطلق النومسي

ديوان الشاعر مطلق النومسي
  • ارسال إلى Twitter
  • ارسال إلى facebook
  • ارسال إلى google plus
    1. *مزون شمر*
      15-12-2007, 05:57 PM

      قصيدة سنة مرت على خير - مطلق النومسي

      قصيدة سنة مرت على خير - مطلق النومسي


      سنة مرت ومرت على خير
      سنه تعد الفارقه في زماني

      ليالها غير ودفا ايامها غير
      والروح فيها غير والقلب ثاني

      كانت كبيرة والغلا توه صغير
      توه حديث العمر والعمر فاني

      والثانيه جتني تسوق التباشير
      وهذا بداية ليلها الاولاني

      ابشعل شعر وشموع وتعابير
      وعده اقربلي من اقرب اخواني

      حفلة عبث تلقي جميع المحاذير
      تشرب عبثها من هدوء الاغاني

      لعيون من جاني وانا جيته مغير
      لو اني مدري كيف جيته وجاني

      منه المشاوير وعليه المشاوير
      الفاتن اللي في عيونه رماني

      ياحيلة الله يالرموش المفاتير
      رمشأ تذكرني ورمش نساني

      لو كان شافه جدنا سالم الزير
      ماكان يقوي هالغنى والاغواني

      الزين مايحتاج والعقل تنوير
      والغنج ميزت لونه الاقحواني

      يوم الحيا طبق عليه المعابير
      تشهد ومات بحياه وحياني

      حيا ومنظوم الدلع والله يجير
      اليا طرالي هرجه الزعفراني

      لا قلت قرب قال عيب مايصير
      ولا قلت بعد قال مابي وماني

      لا قلت طيب حلها قال بكير
      ولا قلت وينك اشر وقال كاني

      كاني وكاني ولادري وين لكنها يشير
      على ماعليم الظلوع المحاني
    2. سميا
      17-04-2009, 04:40 PM

      قصيدة سنة مرت على خير - مطلق النومسي


      ابيات رائعه
      جزاك الله خير
    3. أروى
      18-07-2009, 08:59 PM

      قصيدة سنة مرت على خير - مطلق النومسي


      الله يعطيك الف عافيه
      على القصيده
      الروووعه