قصيدة دهن العود للشاعر ممدوح الراوي

الشعر, قصيدة , شعراء, القصايد
  • ارسال إلى Twitter
  • ارسال إلى facebook
  • ارسال إلى google plus
    1. كادي
      06-08-2005, 01:56 AM

      قصيدة دهن العود للشاعر ممدوح الراوي

      قصيدة دهن العود للشاعر ممدوح الراوي





      هذه قصيده للشاعر(ممدوح الراوي)


      اخترتها لكم عسي ان تعجبكم.... وتستاهلون (دهن العود)


      نبع العذوبه دونه الباب موصود..........الا عن اللي لاوزنها...وزنها

      اللي يجيب من البحر لولو عقود..........كل المواني جهزت له سفنها

      حتى لوان الدخل ملوي ومحدود..........المزمنه يكوي جروح زمنها

      فز الربيع وجابت علومه النود..........والارض...ربي..بالخزاما دفنها

      وام العيون السود..ورموشهاسود..........تبي تربع..من وطنها بوطنها

      البارحه بالليل ما عندي شهود..........من صحة لساني لصحة بدنها

      تطرب واغني واسكت وتطلب(ن) زود...........وابعث رميم القافيه من كفنها

      اذبح لها معنى له سنين مفقود..........اللي ذبحتني ذبح... ماتدري انها

      عليها ضحكة كانها دندنة عود..........وشلون اسولف للعصافير عنها

      اقول: ضحكة طفل.. قبل امس مولود..........والا البنات وهن بنات عشقنها

      على ملامح وجهها الملح مجرود...........وكل ماتمر...الزعفران يحضنها

      ماكن دهن العود..معها..دهن عود............العود اضنه ياخذ الدهن منها

      على صباحه مطلع الشمس معقود...........وجدايله..ليل الشتا..طاولنها

      ماللسواد بديرة عيونها حدود...........غير العيون... الرمش يامر وينها

      ومتلثم الرمان...عقود....عقود............مديت له عيني.. وكفي سجنها

      حتى النحل لو جبت له باقةورود.........راح لشفايفها الرقيقه وسكنها

      والسالفه.. تضحك وانا كنت موجود.........ماتدري ان (الشعر) يدفع ثمنها

      اروح اعبي بالقلم.... ملح بارود.........وانشب بحلق القافيه وامتحنها



      وسلامتكم
      250*300 Second
    2. اسيرالهوى
      06-08-2005, 03:11 AM

      قصيدة دهن العود للشاعر ممدوح الراوي


      صح لسانك ولسان شاعرها
      واحسنتي الاختيار
      وننتظر جديدك

      تحياتي \ اسيرالهوى
    3. بحـــرالشـــوق
      06-08-2005, 10:35 AM

      قصيدة دهن العود للشاعر ممدوح الراوي


      يعطيكي الف عافيه اخت كادي على اختيارك الجميل للقصيده الرائعه

      عودتينا على ابداعاتك الجميله باختيارك للاجمل

      اخوك/ بحرالشوق