يا بنت شقراء

الشعر, قصيدة , شعراء, القصايد ارسال إلى Twitter ارسال إلى facebook
  1. خاالد
    14-12-2007, 12:41 AM

    يا بنت شقراء

    يا بنت شقراء


    يابنت شقرا لك عظيم التحايا
    أرسلك الأشواق يابنت بالحال

    غلاك عندي واصلن للنهايا
    غلاك أغلى من غلا النفس والمال

    سبحان ربي كملك بالمزايا
    طبعن سنوع ، ورمشك السيف قتال

    فيها جمالن ، بهذل أم الصبايا
    والله يبطن ماوصلن حبة الخال

    ياكيف أبحكي والحكايا حكايا
    أغلى البشر ، والحق لابد ينقال

    لاشفتها كني لمحت السرايا
    والرمش قايد ، والهدب سيد الأبطال

    لاشفتها يزداد عض الشفايا
    بأسبابها قلبي غدا فيه زلزال

    مثل القمر هالبنت ، فوق البرايا
    كلن يشوفه ، بس توصله امحال

    تسكن بدمي بين هاك الخلايا
    مابين قلبي والرئه ، حيل تختال

    ميدانها ياناس داخل حشايا
    مهرة أصيله ، ما تبي أي خيال

    أقداري يادنياي أغلى الهدايا
    ياليتني حبيتك بعمر الأطفال

    يابنت شوفك صدقيني دوايا
    لو فيني همن عجزت اتشيله اجبال

    قربك أماني ، وابتعادك منايا
    ووجودك بجنبي ، رفع ضغط عذال

    ما أسمع أبدن فيك كلمة وشايا
    قاموس حبي ، مابه القيل والقال

    ودي أعيشك واسكنك ياهوايا
    واتنفس انفاسك على مر الأجيال

    أنتي وبس اللي ابيها معايا
    وأبي أحبك حب ممزوج بهبال

    لو جاتني نجوى ودينا ومايا
    والله ما يسوون ياعمري ريال !!!


    مختارة
  2. وزير السلطان
    14-12-2007, 12:42 AM

    يا بنت شقراء


    أبيات رائعه
    يعطيك العافيه أخوي خالد على هالقصيده
    يسعدك ربي
  3. *مزون شمر*
    14-12-2007, 12:55 AM

    يا بنت شقراء


    اختيار جميل
    يعطيك ربي العافيه
    على الاختيار الرائع و المميز
    تقبل مرووري
  4. خاالد
    14-12-2007, 01:14 AM

    يا بنت شقراء


    المشاركة الأصلية كتبت بواسطة وله وشوق
    أبيات رائعه
    يعطيك العافيه أخوي خالد على هالقصيده
    يسعدك ربي
    هلا وغلا وله


    الله يعافيك ياغالي

    والف شكر على مرورك الجميل
  5. خاالد
    14-12-2007, 01:15 AM

    يا بنت شقراء


    المشاركة الأصلية كتبت بواسطة *مزون شمر*
    اختيار جميل
    يعطيك ربي العافيه
    على الاختيار الرائع و المميز
    تقبل مرووري


    مزوون


    هلا والله


    الجميل مرورك وتشريفك لي


    الف شكر
  6. أعلن غروري علانيه
    14-12-2007, 02:53 AM

    يا بنت شقراء


    --------------------------------------------------------------------------------

    صح لسانك

    يسلمو والله يعطيك العافيه

    تحياتي...
  7. خاالد
    16-12-2007, 01:34 AM

    يا بنت شقراء


    المشاركة الأصلية كتبت بواسطة أعلن غروري علانيه
    --------------------------------------------------------------------------------

    صح لسانك

    يسلمو والله يعطيك العافيه

    تحياتي...
    صح ابدانك

    والله يسلمك يالغلا

    مشكورة على المرور الجميل