موقف وقصيده رائعه

الشعر, قصيدة , شعراء, القصايد ارسال إلى Twitter ارسال إلى facebook
  1. صنديد
    10-12-2007, 12:44 PM

    موقف وقصيده رائعه

    موقف وقصيده رائعه


    مساكم خير هذي قصيده قريته باحد المنتديات واعجبني الموقف

    قبل القصيده وهو ان صاحب القصيده كان معه اصدقاء بالعمل

    واستقالو وبعضهم سافر عنه فاشتاق لهم وقال هذي المعلقه


    ملاحظه ::غزلان هو اسم مكان او منطقة محطات غزلان




    .




    center]الله يعاوني على جو (غزلان)****** عز الله إن فراقها كنه العيد
    من عقب ماني مع هل الطيب طربان *******ومن عقب ماهم محزمي والبواريد
    راحوا وخلوني مع (سعيد عمران ) ***** وصارت رفاقتنا مع (فرنك) و ( سعيد)
    منا استقالوا والعوض ربع طهران ****** يمحق عوض كانه هل الحقد والكيد
    ولاني على بعض المخاليق شرهان ****** ماهقوتي بالي علومه مناقيد
    شوفي على شوف المطانيخ شفقان ***** وياشينها (غزلان )بعد الاواليد
    ماهي مهونه للبقيه وحقران ****** لكن هذولا رفقتي يالاجاويد
    افرح بهم فرحة هل الغوص بالدان ***** او شوفة الريضان عند الرواويد
    اسنين حنا رفقة مثل الاخوان ****** واليوم عنهم صار لي عام ويزيد
    يذكر ابو فواز سافر لتيوان ****** وخالد إبن زايد مسافر لمدريد
    واضيق يامريت مكتب بو سلطان ****** وتاخذني الذكرى لحلو المواريد
    واذكر هليل فزعتي طير حوران***** شوق الهنوف المترفه شيخة الغيد
    وحمود شيال الثقايل بليهان ****** واسنين مرت كنها شرد الصيد
    اللي لهم بالمجد حروه وعنوان ****** وعلومهم مثل الثمر بالعناقيد
    حاشوا علوم الهندسه علم وإتقان ***** مع ديننا وسلومنا والتقاليد
    سلام مني يمهم ماله اثمان ****** مقدمة ديباج قافه اناشيد
    حنا نريد ومالنا غير ماكان***** والله يريد ومالنا غير ميريد
    الله يوفقهم على رفعة الشان ***** وانا يصبرني بفرقا الصناديد
    [/CENTER]



    توفيق نواف الجفال
  2. *مزون شمر*
    10-12-2007, 01:07 PM

    موقف وقصيده رائعه


    قصيدة جميله و مؤثره
    صح الله السان الشاعر
    ويعطيك ربي العافيه
    على الاختيار الرائع
    لاعدمناك اخووي
  3. سااااكب الدمعه
    10-12-2007, 07:48 PM

    موقف وقصيده رائعه


    صنديد



    سعدت بحضوري في متصفحك

    وأدام الله لنا إبداعاتك !

    لك مني كل الود

    ساكب الدمعه
  4. رحاال
    10-12-2007, 07:52 PM

    موقف وقصيده رائعه


    كلماتك اكثر من رائعة صنديد

    اتمنى لك المزيد من التميز و الابداع

    تقبلي فائق تقديري و احترامى
  5. صنديد
    11-12-2007, 01:52 AM

    موقف وقصيده رائعه


    وخيتي مزون

    شرفتينا بمرورك على صفحاتي

    اخوي الشاعر ساكب الدمعه

    تسلم على المرور وشرفتني

    اخوي رحال المبدع تسلم على المرور

    وتقبلو فائق الود والتقدير
  6. الشايب
    11-12-2007, 03:21 AM

    موقف وقصيده رائعه


    صح لسان شاعره

    والله موقف قوي

    وتسلم اناملك يالصنيد
  7. الكادي التميمي
    25-06-2012, 01:06 PM

    رد: موقف وقصيده رائعه

    موقف وقصيده رائعه


    توفيق نواف عبيد جفال الشمري من سكان رحيمة ومسقط راسهم حائل شاعر كبير ومعروف
  8. عزف
    25-06-2012, 11:56 PM

    رد: موقف وقصيده رائعه

    موقف وقصيده رائعه


    صح لسان الشاعروتسلم يمناك يعطيك العافيه
  9. غرور شمس
    26-06-2012, 12:09 AM

    رد: موقف وقصيده رائعه

    موقف وقصيده رائعه


    صح لسان قائلها
    ويمناك على النقل رائع
    تحياتي