12

من شبة النار.. بن ومعاميل .. لصوت فنجال يزاحم خويه

الشعر, قصيدة , شعراء, القصايد
  • ارسال إلى Twitter
  • ارسال إلى facebook
  • ارسال إلى google plus
    1. جريحة الصمت
      09-12-2007, 12:49 PM

      من شبة النار.. بن ومعاميل .. لصوت فنجال يزاحم خويه

      من شبة النار.. بن ومعاميل .. لصوت فنجال يزاحم خويه


      .
      .
      الكيف بن مر يطبخ برية .. والشاذلية ريحها عم غادي

      من شبة النار.. بن ومعاميل .. لصوت فنجال يزاحم خويه


      وبغمس الريشة في وعاء محلول (الزعفران)
      تخط هذه الصفحة بما يخص الكيف ..
      من بن وادلال ومعاميل ومحماس وبهار وفناجيل ..



      صفحة إشتراكية أتمنى التفاعل فيها
      من قبل أعضاء ومشرفين منتدى عبير
      تباهيا بالأصالة السعودية ((القهوة العربيه ))التي هي أساس تقاليدنا وأروعها



      وكأني أشتم رائحة (القهوة العربية) من خلال هذا
      المتصفح الذي سيعج بطبخاتكم ..!


      ::
      ::

      سوولي الكيف وارهو لي من الدله ............
      .............. البن الأشقر يداوي الراس فنجاله
      كيف لنا نحرقه بالنار وانزله..................
      ............واليا انقطع لو ورى صنعاء عنيناله

      للشاعر \ خلف بن هذال


      الفكرة منقوله
    2. جريحة الصمت
      09-12-2007, 08:01 PM

      من شبة النار.. بن ومعاميل .. لصوت فنجال يزاحم خويه


      من شبة النار.. بن ومعاميل .. لصوت فنجال يزاحم خويه


      قم سو فنجال ونظف أدلاله
      ريحه لراعي الكيف يجلي اعماسه

      اشعل ولونه مثل دم الغزاله
      لاذاقه الراقد يحارب انعاسه

      في مجلس تدله الى جاء مجاله
      اللي عن اللجات يقصر حساسه

      والا ترا بعض المجالس عذاله
      لا معشر طيب ولا فيه اناسه


      الشاعر/ عبدالله العلي الحرير
    3. *مزون شمر*
      12-09-2008, 03:14 PM

      من شبة النار.. بن ومعاميل .. لصوت فنجال يزاحم خويه


      فكره رائعه
      يعطيك العافيه
      اتمنى من الاعضاء يشاركون فيها
      دمت بخير
    4. وزير السلطان
      12-09-2008, 05:11 PM

      من شبة النار.. بن ومعاميل .. لصوت فنجال يزاحم خويه


      من شبة النار.. بن ومعاميل .. لصوت فنجال يزاحم خويه

      قم قلط الدله على بكر صافي
      شامية طرفلها الجمر تطر يف
      وأحمس من البن الخضر كف كافي
      من سوق صنعا جاذبينه علىالكيف
      حماسها قرم من الغوش شافي
      دايم يجغفها على النار تجغيف
      أحمسوعجل حمسته يالسنافي
      وكبه ونسفها على النجر تنسيف
      ودقه بنجر يسمعهكل غافي
      نزيز حسه يدعي الجار والضيف
      أصفه وصفه عن سيريب المصافي
      عنقولة من شف بالكأس يا حيف
      وإبهارها من يمة الهند لافي
      مع مركب حاديه زجرالعواصيف

      وهذه الأبيات هي للشاعر/ زيد الخشيم الخالدي

    5. *مزون شمر*
      12-09-2008, 07:50 PM

      من شبة النار.. بن ومعاميل .. لصوت فنجال يزاحم خويه


      من شبة النار.. بن ومعاميل .. لصوت فنجال يزاحم خويه


      هذا الشاعر الفارس تركي بن حميد حيث يصف القهوة وصوت النجر.


      يا ما حلا يا عبيد في وقت الاسحار
      جر الفراش وشب ضو المناره
      معدلة تجذا على صالي النار
      ونجر الى حرك تزايد عياره
      النجرب طق وجاذب كل مرار
      مالفه الملفوف من دون جاره
      في ربعة ماهيب تحجب عن الجار
      لامن ولد اللاش ما شب ناره
    6. *مزون شمر*
      12-09-2008, 07:51 PM

      من شبة النار.. بن ومعاميل .. لصوت فنجال يزاحم خويه


      من شبة النار.. بن ومعاميل .. لصوت فنجال يزاحم خويه



      قال الشاعر: سعد بن حمد بن ضويان في القهوة:


      ياحسين لاكني على الجمر مجضوع
      من فقد خلاني وفقدي ربوعي
      قم سو فنجال ترى الراس مصدوع
      صفه وزله عن سريب الخموعي
      فنجال فيه مخموس الكيف مجموع
      بدلال يشدن الخباس الوقوعي
      ونجر دلاله ماو بالصوت مفجوع
      يا زين حسه والخلايق هجوعي
      وانجاك بالمجلس سنافي وبالوع
      عده على الطيب وكب البلوعي
    7. *مزون شمر*
      12-09-2008, 08:38 PM

      من شبة النار.. بن ومعاميل .. لصوت فنجال يزاحم خويه


      من شبة النار.. بن ومعاميل .. لصوت فنجال يزاحم خويه


      * يقول محمد العبدالله القاضي عن القهوة والاواني التي تجهز بها القهوة:



      دنيت لي من غالي البن مالاق
      بالكف صافيها عن العذق منسوق
      احمس ثلاث يا نديمي على ساق
      ريحه على جمر الغضى يفضح السوق
      واياك والنيه وبالك والاحراق
      واصحا تصير بحمسة البن مطفوق
      دقه بنجر يسمعه كل مشتاق
      راع الهوى يطرب الى دق بخفوق
      لقم بدله مولع كنها ساق
      مصبوبة مربوبة تقل غرنوق
      خله تفوح وراعي الكيف يشتاق
      الى طفح له جوهر صح له ذوق


      إلى أن قال:



      زله على وضحا بها خمسة ارناق
      هيل ومسمار بالاسباب مسحوق
      مع زعفران والشمطري إلى انساق
      والعنبر الغالي على الطاق مطبوق
      إلى اجتمع هذا وهذا بتيفاق
      صبه كفيت العوق عن كل مخلوق
    8. وزير السلطان
      17-09-2008, 05:05 AM

      من شبة النار.. بن ومعاميل .. لصوت فنجال يزاحم خويه


      من شبة النار.. بن ومعاميل .. لصوت فنجال يزاحم خويه
      وهذه قصيده للشاعر / عبلان بن سعد العجمي في وصفه لمن يستحقون القهوه العربيه
      أوي والله كيفه يامطاليق=ما هى بكيفة لا عبين السباره
      كيفة أدلال بالوصايف غرانيق=بيض تقلطصوب ضو المناره
      ومحماسة يحرق بها البن تحريق=وتحمس وتفهق عاد فيها صفاره
      فنجالها يأتي طري ليا ذيق=من الخوي يبري من الراس داره
      لا صب بالفنجالما به سواريق=مونة نظيف زايد في بهاره
      ويصب للفرسان خيالة الضيق=نطاحةالفرسان في كل غاره
      ويصب للي فرق المال تفريق=ما هو يحسب ربحها والخساره
      ويصب للي يحتمون المشافيق=لا جاء نهاره فيه يشبك غباره
      ويا الله أناطالبك حظ وتوفيق=والحظ ما هو للفتي باختياره
    9. *مزون شمر*
      18-09-2008, 04:45 AM

      من شبة النار.. بن ومعاميل .. لصوت فنجال يزاحم خويه


      من شبة النار.. بن ومعاميل .. لصوت فنجال يزاحم خويه

      قم سو فنجال على خمسة اجناس
      احذر تجي حرقه وبالك نياها
      خلك لها عن كل عذروب حساس
      قيس لها الطبخه على قد ماها
      حتى يجي فنجالها يجلي الاعماس
      عقب الصلف والسهر مكبر غلاها

      مشاري بن ربيعان
    10. *مزون شمر*
      18-09-2008, 04:48 AM

      من شبة النار.. بن ومعاميل .. لصوت فنجال يزاحم خويه


      من شبة النار.. بن ومعاميل .. لصوت فنجال يزاحم خويه


      يقول خلف بن دعيجا

      يا شارب الكيف الحمر سو فنجال ..... ترا المراجل ساسها نية الخير
      فنجال خطو الغشمري يشرح البال ..... وقت الضحى لا قربت حومة الطير
      صبه على شيالة الحمل لو مال ..... زمل الصخاني ما تهاب المخاسير
    12