الغربة مو بس كلام

الشعر, قصيدة , شعراء, القصايد ارسال إلى Twitter ارسال إلى facebook
  1. كرار الرسام
    08-12-2007, 06:48 PM

    الغربة مو بس كلام

    الغربة مو بس كلام


    الغربه مو حﭽي بطران
    الغريب دموع حيرانه
    على جرف الشوﮒ تتلفت
    بعيده والتريده بعيد
    وسنين العمر مرت
    تعداهه الفرج خجلان
    وتعدت ....
    اربعينية عمر غربه
    بعيد التنتظر جيته
    يجيب الهه بصواني الطيف
    هلال الما يخضر عيد
    وبﮕايه من الطفوله احلام
    بعيون الﮕلب ميته
    .......
    الغريب ينام ليله وبيه
    جرح ياكل جرح والليل
    يزرع رمد بعيونه
    بدرب مﮕطوع
    يتوﭽه على همومه
    ويجرجر بﮕايه الحيل
    بسمال الحزن ربعه يواسونه
    لا حسره تفيد وياه
    لا ونه تشد حيله
    وذوله الﭽان هيبتهم
    لا مروا ... لا نشدوا
    ولا ﭽنهم يعرفونه
    ....................
    الغريب يواكح الوحشه
    يتيمه الاخ بالريه
    وحيد يفارﮒ الدنيه
    لا ابوه اليون وياه
    ويﮕله عمت عيني
    لا اخوه اليواسي الروح
    بالدمعه
    ويﮕله نهدم حيلي
    لا اخت التشﮓ الزيج
    تﮕله المات بين اهله
    ابد ما مات ... حي بيهم
    تبخره ريحة الديره
    لا ام التﮕول ابني وريدنه
    اريد افطم بكايه الروح
    بعيونه ....
    عماته وخالاته وبنات اهله
    لبسن بالثنيه الليل
    بدموع الحزن يردن
    يسكن عطش بخدوده
    اريدنه يعدل الراس
    اريدنه يغمض العين
    ويشيل الحمل لو طاح
    ........................
    الغريب تشوفه مو هوه
    ولا ﭼنه ....
    والبيه مستحي منه
    هويته اوراق ﭽذابه
    مزور كل متاعه
    الجايبه من اهناك
    مطموغ بﭼذب خوفه
    يخاف من الوطن طيفه
    وحتى اسمه
    نساه هناك عند امه
    بس موته صدﮒ لو مات
    وحده يموت ..
    هو وروحه والتابوت
    لا بيرغ سلف يصهل
    حزن ديره
    ساعات اليشيعونه
    لا نخلة هله تبﭽيه
    دثره بلوعة البستان
    النعش مذلول يتلفت
    بﭽه من شاف
    غربه الي يدفنونه
    ...................
    الغريب بغربته حيران
    يدور بالجرايد وطن
    ﭽان ... وﭽان
    وصفه مكتول
    بسيوف اهله والجيران
    الما عنده وطن
    لا شرف لا دنيه
    لا عنده ستر لا دين
    لا يﮕدر يغسل الروح بترابه
    لا جرحه تلمه نار عطابه
    المضيع وطن خسران
    لا يلﮕاه .. ولا يمكن شراه بالدين
    اليبيع الوطن مجلوب
    يعض اهله جرح غربه
    واعضام الخيانه عيوب
    ...........
    هي عمر يمر ﭽذب
    يلﭽم البينه شماته
    نرضه ونحسبه عمر
    هيه شارعهم يﮕلنه
    شوكت نرجع
    ﮔولوا ما عدكم وطن
    ونﮕول عدنه


    اتمنا ان تعجبكم

    تقبلو تحياتي


    كرار الرسام
  2. *مزون شمر*
    08-12-2007, 07:31 PM

    الغربة مو بس كلام


    كلمات جميله
    يعطيك العافيه
    هل هي لك او منقوله؟؟؟
  3. الفيحاء
    08-12-2007, 09:17 PM

    الغربة مو بس كلام


    شكرا يا الغلا


    حبيبتي قبل فرقاك

    أحفر لي قبر بيدينك

    حضن القبر أهون علي

    من حضن غيرك
  4. الساري911
    08-12-2007, 09:41 PM

    الغربة مو بس كلام


    كرارالرسام

    مشكورعلى الكلمات الجميله تقبل

    مروري ولك تحياتي
  5. رحاال
    08-12-2007, 10:09 PM

    الغربة مو بس كلام


    كلماتك اكثر من رائعة كرار

    اتمنى لك المزيد من التميز و الابداع

    تقبلي فائق تقديري و احترامى
  6. بنت زآيد
    08-12-2007, 10:09 PM

    الغربة مو بس كلام


    كلمات روووووووعه

    يسلموووووو


    الله يعطيك الف عافيه


    تحياتي...
  7. راكان الفلبين
    08-12-2007, 11:50 PM

    الغربة مو بس كلام


    صح لسانك يعطيك العافيه