قصيدة الا واشيب عيني - عبدالله الفيصل


الا وشيب عيني يوم قالوا لي فمان الله
وحققت انهم من عقب جمعاهم مقفيني

تغايا لي خيال الموت يومه مدني يمناه
ولد بعينه الخرسا عقب ماقفى يراعيني

نهت وقلت مما جال بالصندوق واعزاه
سراب الال باكر يطرد مابينه وبيني

حلفت برب خلقه لو يطول البعد مانساه
انا وش لون ابنسى الي من العربان شاريني

تصبر ياخفوق صار داه اليوم وسط رداه
على رجوى ان رب العرش يدنبهم ويدنيني

مثل ماخذت قلبي قلبك المحبوب عطنياه
على شان نتساوى في المحبة بالموازيني

ولاقارنت بك غيرك خجلت وقلت وانا اقصاه
انا وشلون اقارن كامل الاوصاف بالشيني

ولو هو في حلى يوسف كسف لي بنت نور ضياه
واختم القول رب بك تبلاني يقويني