يسألوني وش جرالك ماتبي فرقى الوساده

الشعر, قصيدة , شعراء, القصايد
  • ارسال إلى Twitter
  • ارسال إلى facebook
  • ارسال إلى google plus
    1. الغرام حاكم
      26-07-2005, 03:36 AM

      يسألوني وش جرالك ماتبي فرقى الوساده

      يسألوني وش جرالك ماتبي فرقى الوساده


      يسألوني وش جرالك ماتبي فرقى الوساده؟؟
      حاولوبي .. قلبوني.. ما لقوا جمله مفيده
      قومي بنا .. يالله مشينا لازم تزورين العياده
      قلت انا طبي بعيد وديرته صارت بعيده
      شفته البارح وعيني تهتني باحلى رقاده
      ليت حلمي (فيلم فيديو) كل ما يقضي أعيده


      كنت ماشيه في الحديقه والهوى ذعذع براده
      معينه من الله خير وماطرى طاري طريده
      شفته والموت جاني مقبل كله ركاده
      لعنبوه كيف رمشه ذوب الارض الشديده

      عينه شافت عيوني تحتضر يوم الولاده
      ورحمته يوم قال:يالاخت عينك عنيده
      فوق ماهو خدي احمر.. غدا احمر زياده
      استحيت .. ثم استدرت.. وهمست فرصه سعيده


      قال: قلبي خلي بشري فيه السياده
      صدقيني.. انتي الي في معاليقي .. وحيده
      ويل قلبي.. لوسمحت ارجوك ناده قاطعته":
      من كلامك مدري وينه.. ضاع قلبي من يعيده
      قال: قلبك دخيل مايبي يرجع بلاده
      قلت: ادري به دليل ما يضيع من يريده



      قلت: وقلبك؟ قال اليوم صرتي له عتاده
      حب غيرك ياحياتي يعلم الله مايفيده
      انتي الي من نظرتك .. ارتحل جور النكاده
      صرت اصيغ اوصاف زينك.. ثم ارددها نشيده
      ارتبط عمري بعمرك والوصل اصبح مراده
      ارتبط صندوق عمري في رموزك يابريده
      خافقك خلا خفوقي يرتجي احلى وداده
      ما ابي طاري التجافي حيثها الفرقى تبيده

      مستحيل انساك لو شيباننا ينسون عاده
      مستحيل اكتب بغيرك يابعد عمري قصيده

      انتهى حلمي... ومابي ابتعد عن هالوساده
      حاولوبي .. قلبوني .. ما لقوا جمله مفيده..
      250*300 Second
    2. بحـــرالشـــوق
      26-07-2005, 07:05 AM

      يسألوني وش جرالك ماتبي فرقى الوساده


      يعطيك الف عافيه الغرام حاكم ماشاءلله تبارك الله

      صح لسانك ولا هنت الله لايرحمنا من جديدك

      تقبل تحياتي / بحرالشوق
    3. اسيرالهوى
      27-07-2005, 03:40 AM

      يسألوني وش جرالك ماتبي فرقى الوساده


      صح لسانك ولاهنت

      ننتظر جديدك

    4. ๑ஐ زُمُرُّده ஐ๑
      27-07-2005, 10:08 AM

      يسألوني وش جرالك ماتبي فرقى الوساده


      مرحبا

      الغرام الحاكم

      يسعد لي صباحك بالخير والمسرة ...

      قلمك يستحق الاشادة

      قصيدتك جميلة جدا.....

      تقبل فائق احترامي ...

      دلع شرقاوي