قصيدة عفن الريش - محمد السديري

ديوان الشاعر محمد احمد السديري
  • ارسال إلى Twitter
  • ارسال إلى facebook
  • ارسال إلى google plus
    1. سااااكب الدمعه
      24-11-2007, 12:51 PM

      قصيدة عفن الريش - محمد السديري

      قصيدة عفن الريش - محمد السديري






      دعيت عفن الريش يوم ادرج الحوم **** ابا لرخم وانا احسب انه نداوي

      طيرن بحزات الهدد يلحقه لوم **** اللي قنص به ضايع الفكر غاوي

      خسران والخسران من ينقل البوم **** يبشر بخيبات الرجا والبلاوي

      طيرن نقلته طالني منه مثلوم **** وبعض الطيور يضيعن الهقاوي

      انا احسب انه ساطي القلب ملحوم **** واثره على الصيدات مثل العماوي

      الناس في دنياك معطا ومحروم **** وكلن على طيب المعاني شفاوي

      الطيب لأهل الطيب والرزق مقسوم **** وطير السعد طير تعدا الحراوي

      هقيت به لا شك انا صرت منجوم **** وتوي دريت اني عن الدرب غاوي

      من المذله بارد الوجه ماسوم **** وقلبه على درب الرذيله مهاوي

      وعديت من جور العنا راس مزموم **** في راس مرقاب طويل المطاوي

      رجم طويل نايف كل مرجوم **** دربه عسير به عكاش وملاوي

      وهيضت من وسط الحشا كل مكتوم **** زفرات من يقوى لهن كل قاوي

      هاذي سوات اللي بالايام مكظوم **** وقلبه على صعب المراجل شقاوي


      وانا الوحيد وقومي اكثر من الروم **** وفي لمة العربان كني خلاوي

      حتى صديقي صار من حسبة القوم **** وضاعت عزوم مكثرين العزاوي

      الطيب من دونه نبا كل مزموم **** ايضا ترى دونه رفاع ومهاوي

      وانا اللي جاني من الناس مزحوم **** احل عنه الكايدت الدعاوي

      ارخص له النفس العزيزه بلا سوم **** وانا على فعل الجمايل رهاوي

      ازيح عنه الظلم وان صار مظلوم **** والقلب من بلواه يرحم وياوي

      يا شن بقلبي بين الاضلاع مضموم **** يعلم به اللي عن عباده غناوي

      من عاش في دنياه بالفعل مذموم **** عن الردا بالحيل مشيه نحاوي

      وعساك ياللي تنقل الكبر والزوم **** من المرض تصلا بحر المكاوي

      عيني يابو ماجد حريب لها النوم **** كنه يعالجها الطبيب المداوي

      شوف البغيض بنونها عمس وهزوم **** والقلب ناشه بالمعاليق لاوي

      انا رفيقي دايمن كل شغموم **** ولاني رفيق الكندره والضراوي

      من خلقت الدنيا الى يومنا اليوم **** صبح يفوت وليل يقفاه ضاوي

      والناس تفنا بين مذنب ومرحوم **** وهنيت من له عند ربه عراوي

      الله لا يسقيك يالواد ابو دوم **** وعساك صحصاح بك الذيب عاوي

      خمسين عام ما يقولون ماسوم **** يصحا سماك وكل ما نبت خاوي

      يجيك ما جا قوم صالح من الشوم **** والبوم باركانك يجر الحداوي

      يالله يا معبود يا فارض الصوم **** تقبل دعات اللي لجودك رجاوي

      موحد يطلبك في ثاني التوم **** يرجي العفو ورضاك وامرك سماوي

      من خلقت الدنيا الى يومنا اليوم **** صبح يفوت وليل يقفاه ضاوي

      والناس تفنا بين مذنب ومرحوم **** وهنيت من له عند ربه عراوي
      250*300 Second
    2. عروس النيل
      24-11-2007, 01:54 PM

      قصيدة عفن الريش - محمد السديري


      كل الفخر لى بانى اول من يحضر القصيده



      ويرد عليها


      قصيده غايه الروعه والابداع


      يسلم من قالها ومن نقلها



      ومن قراها واحس بها



      تقبل مرورى المتواضع
    3. سااااكب الدمعه
      27-11-2007, 01:03 AM

      قصيدة عفن الريش - محمد السديري


      الف مليون شكر اختي عروس النيل على المرور وبارك الله لك
    4. *مزون شمر*
      27-11-2007, 04:57 PM

      قصيدة عفن الريش - محمد السديري


      صح السان الشاعر
      ويعطيك العافيه على النقل
      لاعدمناك
    5. سااااكب الدمعه
      27-11-2007, 11:30 PM

      قصيدة عفن الريش - محمد السديري


      الف مليووون شكر مزوون شمر على المرور