12

امي سبب مأساتي

المرأة والسعادة في الحياة الاسرية للبنات فقط
  • ارسال إلى Twitter
  • ارسال إلى facebook
  • ارسال إلى google plus
    1. maryaa
      24-11-2007, 05:22 AM

      امي سبب مأساتي

      امي سبب مأساتي


      السلام عليكم ورحمة الله وبركاته
      انا عضوة جديدة في هذا المنتدى وحبيت انقل لكم معاناتي ومشكلتي لاني بجد تعبانة دايما ابكي لوحدي ماعندي احد اشتكي له الا الله ثم انتم
      قبل ماقول معاناتي اتمنى الكل يتفهم قصتي قبل مايحكم علي
      انا من عائلة ميسورة متدينه من وعيت على هالدنيا شفت عذاب وكره دفين من امي
      امي كانت تعاملني بقسوة جدا مع اني انا جميله وشاطره بالمدرسة بس كان مايهمها الا نفسها في كل شي وطبعا امي تكره جدتي كره العمى جدتي اللي هي امها مع العلم ان جدتي وبشهادة الجميع مافي احن ولا اطيب منها في هذي الدنيا طبعا كانت طفوووولتي دايما ضرب وتهزيء ومقارنه فلانه احسن منك وفلانه اشطر منك حتى دخلت شي اسمه حقد وغيره من الجميع في قلبي اما اختي فكانت تعايرها بسمنتها فدايما تقول لها يادبة ومن كثر مقارنتها لها صارت اختي تكرهني بدون سبب وتغار مني بدون سبب ومستحيل تتكلم معاي وكانت تعامل ابوي بصراخ وكان ابوي طيب جدا ويحبها بس هي ماراعت هالشهور دايما تصارخ عليه . المهم كبرت وتزوجت وانا شخصيتي كانت ضعيفة جدا بسبب معاملتها القاسية . زوجي ولله الحمد انسان ملتزم على خلق ودين ولاينقصه شيء . اول ماتزوجنا حملت وفرحت جدا وكنت ابي احد يشاركني بالفرحة قالي زوجي اتصلي باهلك بشريهم قلت له انشالله اتصلت على اهلي
      ردت امي قلت لها اني حامل قالت ايه بس لاتقولين لحد يلله مع السلامة وتسكر السماعه انا حز في خاطري انها مافرحت لي نهائيا. المهم جاني المخاض الم الولادة وكنت خايفة جدا جدا لان ماعندي احد ا يشد علي ولاعرف يعني شلون ولادة لان امي ماتهتم فيني . زوجي شافني كذا قالي لازم تجيك امك او تروح معك المستشفى قلت له انت وصلني المستشفى وروح خبرها. قال لي اوكي وراح وخبرها قالت له ايه ماعليه خلاص خلها تولد عندهم قال لها بنتك محتاجه لك قالت له لا عادي هي كلها ساعه وبتولد قال لها يعني مابتجي معي قالت لا طبعا زووووجي استغرب منها وجا وقالي انها مارضت تجيني وصرت ابكي لاني والله ماكان عندي احد وخايفة وكان عمري حينها 16 سنه المهم جا وقت النفاس المعروف ان المراه تتنفس بيت اهلها وبلاخص اذا كانت بكر . وانا اه ياقلبي رحت بيت اهلي وشفت علامة المضايقة منها وقالت لي شوووفي ماراح اخدمك ولا شيلك قلت لها اوكي لاني نحرجت منها طبعا كانت لاتعيرني اهتمام كنت اتوجع من الالم وولدي يصييييييح ماقدر اخذه من الم النفاس وطبعا ماكان احد عندي الا جدتي اللي هي ام امي مع ان عمرها في 60 بس شقول عن حنانها وحبها لنا المهم طبعا هي اللي كانت تهتم بي باكل النفاس اما امي فلا بلعكس كانت تصارخ علي . كبرو عيالي وصار ولدي عمره 10 سنوات وبنتي 7 سنوات المعروف ان في يوم اجازة نررروح بيت اهالينا انا ماروح الا لازم تعاملني او تعامل عيالي بقسوة وتخليني اطلع من بيتها وانا اصيييييييييييييييييييييح واذا شفت ام تحب بنتها ابكي ابكي ابكي لدرجة اني والله بيني وبين نفسي اقول هذي مش امي هذي مرت ابوي. المهم طبعا اذا رحت هناك كانت تصارخ وتضرب عيالي لاتفه الاسباب والله ان عيالي مايحبونها مش لاني انا خبرتهم انا ماعمري جبت سيرتها لهم بس الطفل يعرف ويفهم اللي يحبه واللي مايحبه . تصدقون ان جدتي ساكنه في ملحق بيت اهلي وانسرق بيتها وصارت تبكي امي سمعتها والله انها ماراحت لها ولا طيبت خاطرها ولاهتمت فيها يعني تصورو عجوز تبكي ولما جيت انا هلاسبووع رحت زرت جدتي وقالت ان في ناس سرقو بيتها وقالت تصدقي يابنتي اليوم اعتمت عيني من البكي ولاحد جا حتى شافني ولا قالي اشفيكي يمه قلت يمكن ماسمعوكي . ولما شفت امي قالت ايه اصلا سمعتها تصيح وماخلتني انام قلت يالله ماخلتك تنامي ؟ كيف يجيك النوم اصلا وهذي امك جنتك ونارك تصيح ؟؟؟؟؟ طبعا انا اقول هذابخاطري . المهم جلست عادي اسولف مع خواتي رح ولدي بيمشي وتعرقل بالكاس وانكسرر جات لي امي وسبت ولعنت فيني ليش ينكسر الكاس وجا ولدي من شدة الخووف منها جلس وماتحرك من مكانه طول الووووقت . وجتنا ضيفة راحت امي تشتكي لها مني ومن فراعة عيالي قلت لها هذا ولد صغير وانتي ولدك اعني اخوي اكبر منه عمره 13 سنة رمى فحم على الفرش واحترق ولاكلمتيه ولا قلتي له حتى ليش تسوي كذا مع انه كبيرررر . ردت علي رد خلاني الا يومكم والله والله والله اني من اذكره ماعرف انام
      قالت لي هذا ولدي من دمي ومن لحمي مستحيل اصرخ عليه اما انتي عيالك مش عيالنا عيال اجانب وانا ماحب الاجانب يجون بيتنا. اه صارو عيالي اجانب وهي اصلا من متى اخذت واحد فيهم ولا حتى حظنته انا فكرت انتحرررررررررررررررررررررررررررررررررررررر بس في اخر الوقت استغفر ربي ترا لاتستهينو بالمعاناة اللي اعانيها تراها نار في قلبي ماتنطفي
      اذا اشتكيت لحد قالولي هذي امك جنتك ونارك طيب انا ماسويت لها شي مالي حقوق عندها معقوله الاسلام مامر الام بواجبتها تجاه ابنائها ؟
      250*300 Second
    2. ๑ஐ زُمُرُّده ஐ๑
      24-11-2007, 08:58 PM

      امي سبب مأساتي


      مرحبا اختي والله يعينك .. ومالك الا الصبر ...

      عندك جدتك زوزوجك وابوك الله يخليهم لك حاولي تفتحي معهم الموضوع ويكلمون امك ،، واذا عندك ام زوجك حاولي تتقربي منها واذا لقيتي امك حاولي تكلمينها عن معاملة ام زوجكك وطيبتها معاكي يمكن تتحرك وتغار شوي ،،، اتركي امك فتره لاتزورينها وشوفي شيطلع معها اذا زرتيها حاولي تتقربين منها كثير وكوني عطوفه معها وشوفي شلون تجازيكي

      والله يكون بعونك
    3. الخوخ الأحمر
      24-11-2007, 10:35 PM

      امي سبب مأساتي


      يا حياتي




      الله يصبرك يارب ولكي الجنه انشاء الله



      قد حاولتي معاها بكلام حلو ولين يمكن يتحرك عندها شعور بالامومة

      وليش انها عانت في طفولتها حياة قاسية وتبغى تطلع الحرة فيكي وتراها دايما تصير



      اهم شي زوجك زوجك زوجك حافظي عليه وحسسيه انو كل حياتك ومالك احد بعد الله سواه وحاولي قد ما تقدري انك تحنني قلب امك فيكي او روحي لها وخلي اولادك عند زوجك وقولي لها جيت لحالي وخليت الاولاد في البيت عشان ما يضايقوكي اكيد بتفرح





      والله يعينك ويصبرك

      بس صدقيني لكل انسان نقطة ضعف ومدخل تقدري تدخلي منو لقلب امك



      تقبلي تحياتي
    4. maryaa
      25-11-2007, 03:20 AM

      امي سبب مأساتي


      المشاركة الأصلية كتبت بواسطة سندريلا
      مرحبا اختي والله يعينك .. ومالك الا الصبر ...

      عندك جدتك زوزوجك وابوك الله يخليهم لك حاولي تفتحي معهم الموضوع ويكلمون امك ،، واذا عندك ام زوجك حاولي تتقربي منها واذا لقيتي امك حاولي تكلمينها عن معاملة ام زوجكك وطيبتها معاكي يمكن تتحرك وتغار شوي ،،، اتركي امك فتره لاتزورينها وشوفي شيطلع معها اذا زرتيها حاولي تتقربين منها كثير وكوني عطوفه معها وشوفي شلون تجازيكي

      والله يكون بعونك
      هلا حبيبتي اولا جدتي ملاقية معامله قاسسية جدا من امي حتى الاكل ماترضى امي تعطيها الا بفلووووووس
      وزوجي اخاف يصتصغرررني بنظره المشكله انا مابي حنانها ولا عطفها الحمدالله الله كافيني بس ابي شي واحد اذا رحت بيت اهلي ماتطردني منه
    5. maryaa
      25-11-2007, 03:25 AM

      امي سبب مأساتي


      المشاركة الأصلية كتبت بواسطة المهلبية
      يا حياتي




      الله يصبرك يارب ولكي الجنه انشاء الله



      قد حاولتي معاها بكلام حلو ولين يمكن يتحرك عندها شعور بالامومة

      وليش انها عانت في طفولتها حياة قاسية وتبغى تطلع الحرة فيكي وتراها دايما تصير



      اهم شي زوجك زوجك زوجك حافظي عليه وحسسيه انو كل حياتك ومالك احد بعد الله سواه وحاولي قد ما تقدري انك تحنني قلب امك فيكي او روحي لها وخلي اولادك عند زوجك وقولي لها جيت لحالي وخليت الاولاد في البيت عشان ما يضايقوكي اكيد بتفرح





      والله يعينك ويصبرك

      بس صدقيني لكل انسان نقطة ضعف ومدخل تقدري تدخلي منو لقلب امك



      تقبلي تحياتي
      حبيبتي اولا ان امي كانت مدلله جدا من جدتي وهذا كلام جدتي وانا بشوووف جدتي بتحبها بس احنا نعرف ان امي مافي قلبها اي ذرة حنان كانت تضرب اخوي وهو في الشهور الاولى من عمره ضرب مبرررح حتى اختربت تربيته وصار ضعيف الشخصية وعلى اي موقف كان يقول انتي دايما تضربيني ماتحبيني هي امي فيها صفة واضحة مصلحيه تاخذ بس ماتعطي بمعنى ان تطلب منك شي وتاخذ بس بالمقابل ماتعطيك ماتقابل الحسنة بالحسنة واللي ماتحبة لايمكن يجي يوووم تحبه لو تعمى عيونه عشانها مافي اكثر من خدمة اختي الكبيرة لها ومع ذلك هي ماتحبها ودائما تتكلم من وراها بالسووووووء
    6. لاتسالوني من انا؟
      25-11-2007, 04:18 AM

      امي سبب مأساتي


      السلام عليكم

      انا ماقول الا الله يكون بعونك وان يحنن قلب امك عليك

      اما انك تقولين امك مصلحجيه طيب عندك الشي الي
      يخلي امك تحبك 0

      انا اقصد ليش لمى تجين لبيتكم ماتجيبين لامك هديه مثلا

      ممكن تحبك من هالجهه اول تقدمين لها فلوس هديه

      على العموم والله انك بمعاناه والله يكون بعنك ولكن

      ابي اقول لك شي ثاني انتي والحمد لله متزوجه

      ومانتي بحاجة امك كلام هذا مو اقصد به انك تبتعدين عن

      امك لاو الله اقصد انك مرتاحه وعلى العموم مانقول الا

      الله يحنن قلب امك عليكي وعلى اخوانك

      ولكي تحياتي اخوك /

      لاتسالوني من انا؟
    7. رونـه
      25-11-2007, 05:18 AM

      امي سبب مأساتي


      ياقلبي إنتي

      أولا الله يكون بعونك

      ثانيا مهما يصير هذي أمك اخر شي تفكره إنك تكرهيها

      بس ليش ماتصارحيها صارحيها أحسن والمفروض تفهمك إنتي بنتها قولي لها انا بنتك وانتي أمي ليش تعامليني كذا إذا لقيتي مني تصرف غلط ليش ماقلتي لي فيه
      إنتي أكيد ماطلع منك شي وأمك مو معقوله تتسبب عليك

      إنتي خلاص طلعتي من بيت أهلك لك زوجك وإبنك حافظي عليهم مافي أحد بينفعك غيرهم لاأب ولا أخ ولا أم

      الله يعينك
    8. عبيررر
      26-11-2007, 12:07 PM

      امي سبب مأساتي


      الله يعينك ويهدي امك ويملاء قلبها بالحب

      حبيبتي ياريت تاخدي جدتك عندك وترحميها من قسوة والدتك

      اني اشفق علي والدتك يوم القيامة عندما تقف بين يدي الله وتسأل

      المهم انك تحافظي علي بيتك ( زوجك واولادك ) عوضك الله خيرا بهم

      ولكن من وقت لاخر زوري والدتك فلا تنسي صلة الرحم وادعي لها

      اطلبي من والدك يأخذها معة لحج بيت الله ربما هداها الله
    9. naderh
      03-12-2007, 07:12 PM

      امي سبب مأساتي


      جد الله يعنيك
      ويهدي امك وان
      شاء الله يعوضك ابوكي
      و زوجك وولادك
      وان شاء الله تتغير امك



      شاو
    10. شامبوقليل الدسم
      07-12-2007, 07:59 PM

      امي سبب مأساتي


      صبرجميل والله المستعان
    12